احببت العنقاء امل العناني

الفصل الخامس

الفصل الخامس
اتخلصت سالي  من حضنه علي مضض بس مكنش ينفع تفضل اكتر من كدا لانه غلط
سالي _ارجوك سبني يا مازن انا قلتلك قبل كدا بطل اسلوبك دا ميصحش وحرام وبعدين انا مش فهماك بصراحه انت عايز مني ايه
رد مازن بارتباك _متسالنيش انا ولا اعرف
سابها ودخل اوضته ودخلت هي كمان اوضتها وهي مدايقه منه ومن تصرفاته بس تمنت انها تفضل في حضنه علي طول احساس دفا وامان دا مكانها فعلا زي ما قال بس مينفعش غلط دلوقتي وغلط تعشم نفسها بحاجه مش هتحصل َ دا واحد قضي حياه مفتوحه ويا عالم عمل ايه ممكن يكون بيتسلي ,كانت خايفة يتضحك عليها تاني زي امير ,بس الحقيقة ظهرت قدامها فيه فرق السما والارض بين امير ومازن والفرق دا حسته من اول يوم شافت مازن فيه .
جه يوم الحد وكانت بدايه اسبوع محبطه شوية دخلت بنت اجنبية المكتب ماشية بكعب طوله ١٠ سم
لبني _ايه دا دا كله وقادره تمشي يا قادره بالكعب دا
ساره _بس عود ايه يا محلاه
احمد _اهو دي الستات ولا بلاش يا وعدي
نهال _ياخي اتوكس
سالي _احنا مش هنشوف شغلنا ولا ايه
كملوا شغلهم وهي راحت تشوف مين الأموره اللي دخلت سالتها سالي
_can I help you with somethingسالي _ممكن اساعدك بحاجة
_ yes am looking for Mr. mazen el sawahايوا عايزة استاذ مازن السواح
_oh, he is at the finance and will be here in 10 min, are you the new modelتمام هو في قسم الماليه وهيكون معاكي بعد 10 دقايق ,انتي الموديل الجديده
_yes model plus girlfriend hahahaايوا الموديل بلس جيرل فريند
جيرل فريند ايه ربنا ياخدك ,دلوقتي بس سالي بصتلها بصه تانيه من شعرها لصابع رجليها اللي باين من الصندل(احببت العنقاء امل العناني )
جه مازن وجريت الموديل عليه حضنته قدام الشركه كلها مازن بعدها عنه بسلاسه وقالها احنا في المكتب مينفعش عمايلها قال يعني بيهمه مهو ماشي يحضن في الي يقابله فكرت سالي في كدا وهي مخنوقة .
بص علي سالي يشوف رد فعلها لقاها راحت علي مكتبها ادايق معرفش ليه طلبها تروح له خبطت ودخلت لقته بيمسح روج من علي شفايفه  فكرت سالي _الله الله قلب الشركه شقة مفروشه
اتنحح مازن واتكلم _سالي دي جيسكا اللي هتعمل الاعلان الجديد بتاع البشره وكمان صديقتي من كندا
فكرت سالي :جيسكا سمعت الاسم دا فين قبل كدا اه افتكرت دي البت بتاعته اللي في كندا قال جيرل فريند قال
كانت مدايقه جدا بس مبانش عليها عندها قوه تحمل غير طبيعيه ممكن من اللي شافته في حياتها اداها مناعه فرحت انها نفعتها في الظروف والا كان زمانها طلعت شرار ولعت فيه وفيها
اخدتها سالي لمكان التصوير والميك اب واللبس
صوروا اول شوتات كويسه لحد ما حضر مازن واتحول التصوير لفيلم اباحي وحركات اغراء من جيسكا وكل نظراتها لمازن بتحاول تغريه حركاتها كانت مفهومه لسالي لانها عارفه علاقتهم لكن الستات اتدايقت وزهقت والرجاله فرحوا شويه وبعدين زهقوا عايزين يخلصوا ومازن واقف مبيقولش حاجه متعرفش ليه
راحت سالي مزعقه للكل مش ليها هي بس وقالت بالانجليزي
_ what's going on here, I don't see any work happening, we are here to do our jobs, and our time is money, what seems to be the problem guys
(اي اللي بيحصل هنا ,انا مش شايفة اي شغل بيحصل .احنا كلنا هنا عشان نشتغل ووقتنا فلوس ,اية المشكلة بقي )
وكملت بزعيق للمصور _خلص شغلك لو سمحت بلاش عطله
اللوكيشن كله شد وخلصوا اول جلسه علي خير
راحت سالي ورا مازن مكتبه ودخلت من غير ما تخبط
سالي بعصبية _انت ازاي شايف المهزله دي وفضلت ساكت
رد ببرود _ عادي كنت بشوف رد فعلك واتصرفتي صح
_اتصرفت صح دا ردك
سابته وخرجت وهو كان مبسوط لرد فعلها لانه كان عنده امل انها تبقي غيرانه
خرجت سالي وهي غضبانه جدا والكل لاحظ عليها دا ومحدش قدر يكلمها الا لبني
عدي اليوم ورجعت الفيلا متاخر شويه لانها راحت  هي  ولبني اتغدوا في مطعم لان جوز لبني كان مسافر اليوم دا و هماالاتنين محبوش يروحوا بيوتهم .
دخلت سالي  الفيلا سمعت صوت، وضحك وطبعا عرفت مين موجود من الاصوات
سالي _السلام عليكم
ثريا _اهلا يا حببتي وعليكم السلام ورحمة الله وبركاته
جريت طومي عليها وشدتها من ايدها قالتلها _شوفتي جيسكا جت من كندا انا مبسوطه اوي وعزمنا عليها تقعد هنا وهي وافقت
فكرت سالي  :يحلاوة واهي كملت هتبقي ورايا ورايا في الشغل وفي البيت .
مازن وجيسكا نازلين ضحك ووسالي هتولع منهم ال٢ بس مبينتش حاجه ابدا بس السؤال طرح نفسه
_معلش يا طنط مش قصدي أتدخل بس جيسكا هتنام فين
ترجمت ثريا الكلام لجيسكا اما جيسكا سمعت اسمها
ردت جيسكا بلهفه وهي بتلمس دراع مازن _ طبعا في اوضه مازن
الكل وشه جاب الوان وبعدها ثريا ومازن وفاطيما وكلهم اتكلموا في صوت واحد
_لا مينفعش احنا في مصر مش في كندا
اتدخلت ثريا وقالت _فاطيما تنام معايا وجيسكا تقعد معاكي يا ياسالي اممممم لو مش هيدايقك طبعا
ردت سالي بتحاول تتمالك نفسها _وماله  يا طنط تقعد متقعدش ليه عن اذنكم
طلعت سالي اوضتها وهي شايطه طبعا حبيبه القلب عايزه تنام في اوضته مهو مولد وصاحبه غايب
غيرت سالي لبسها ونزلت عشان تتعشي لقت قدامها مهازل من جيسكا ولبسها العريان بصتلها سالي بنظرة اشمئزاز
عدي العشا علي سالي وهي بتاكل بس عشان جعانه بس الاكل مكنش ليه اي طعم ,خلصت وكانت هتطلع وقفتها ثريا وقالت _خليكي معانا شوية يا حببتي .
حاولت سالي تستاذن بس معرفتش ,طومي وثريا مسكوا فيها .فضلت معاهم ساعه يتكلموا سوا وبعدين قرر مازن يطلع اوضته فمسكت فيه جيسكا وبتحاول تقرب منه بطريقة مقرفة دايقت حتي ثريا اللي اول مرة جيسكا تتصرف في وجودها بالطريقة دي .
بعد مازن ايد جيسكا من علي دراعه وقالها حاجة في ودنها فضحكت وسكتت .وهو طلع اوضته .سالي كانت عندها فضول فظيع تعرف هو قالها ايه .
طلعت ثريا وراه اوضته تتكلم معاه وسابت سالي وجيسكا وفاطيما ,كانت جيسكا غريبة فعلا وسط كلام فاطيما وسالي علي الرغم انها هي اللي عاشت مع فاطيما اكبر وقت مش سالي ,كرهت سالي جدا في اللحظة دي وغارت منها جدا .
في اوضة مازن
ثريا_ممكن اعرف ايه اللي حصل دا ,جيسكا اول مرة تتصرف كدا ,معلش يا مازن لو تصرفاتها هتفضل كدا انا مش هتحملها في بيتي .
مازن وهو بيقعد علي سريره بتعب _حاضر يا ماما ,اللي انتي عايزاه هعمله بس يعني هي كلها يومين وهتمشي .
قعدت جنبه ثريا ومسكت ايده وقالت _فيه ايه مالك ,مش عاجبني كدا .الموضوع ليه علاقه بسالي .انا حاسة انك اتغيرت شوية بسببها ,انا شايفة كدا وملاحظة . (aghopes)