احببت العنقاء امل العناني

الفصل السابع عشر

________
الفصل السابع عشر من #احببت_العنقاء_امل_العناني
وقفت سالي في مكانها وكانها اتخشبت وقالت في سرها _فاطيما
تماسكت سالي بسرعه وكلمتها _بنتي برده بتعمل معايا كدا دايما .
بصلتها فاطيما ولسه هترد جه مازن يكلمها _يالا يا طومي خلصيني عايزين نمشي بقي ..ماما .. قطع كلامه لانه شاف سهي وفرح ..شال فرح وقبلها من خدها وكلم سهي _ازيك يا سهي .متكلمتش سالي مجرد هزت راسها وكانها بتقوله اهلا ......
وبص لفرح وقبلها تاني وتالت وقالها _اميرتي الحلوة عامله ايه .
فرح _كويسه يا عمو .
بصتله فاطيما باستغراب فعرفهم ببعض ..ارتاحت لها فاطيما علي طول واصرت تاخد رقم سهي عشان تجيب فرح تلعب مع يوسف ووافقت سالي طبعا .
كان فيه ام  ومعاها بيبي  في عربية الاطفال وافقين ومدين ظهرهم لسالي وفاطيما لحد ما طومي مشيت والام دي ظهرت .
بصتلها سالي واتصدمت مكنتش قادره تتحرك ولا تتكلم ولا تمشي ..فضلت فرح تشد في هدومها _يالا يا مامي .
جت الام دي وسلمت عليها بالغصب _ازي حضرتك ..مدام سهي الشناوي صح ..انا اكون مرات امير سالم  اللي كلم حضرتك بخصوص شركتنا ..ياريت تعيدي النظر تاني فيها .
فرح بس هي اللي خلت سالي تمشي ..مجرد تجرجر رجليها وتمشي ..راحت لعربيتها وحست ان هيغمي عليها ..كان مازن لسه مركبش عربيته ..كان عامل نفسه بيكلم في التلفون برا وكان مستنيها ..ميعرفش ليه بس هوا جاله احساس بكدا ...
مسكت باب العربيه ودخلت فرح وحست انها هتقع من طولها ..ريحت راسها علي سقف العربيه شوية ..وفضلت تدعي بقلبها _يارب ساعدني .
كلم مازن فاطيما بسرعه _شوية وراجع يا فاطيما .
جري علي سالي وكلمها _انتي كويسه يا سهي ..
رفعت سالي راسها ببطء وقالتله _الحقني . وغابت عن الوعي ..مسكها مازن قبل متقع علي الارض ودخلها عربيتها ..وحط حزام الامان بتاعها وشغل عربيتها..كلم فاطيما وقالها _سوقي انتي يا حببتي وروحي ..سهي اغمي عليها وهوصلها لبيتها .
ردت فاطيما بخوف_اغمي عليها ازاي ..طب استني هاجي معاك .
مازن _لا روحي انتي عشان ماما متقلقش وانا هوصلها علي طول واطمن عليها وارجع .
_بس يا مازن ..
_يووووه يا فاطيما مفيش بس ..سلام
كان عمال طول الطريق  يحاول يحرك فيها ويهدي فرح اللي بتعيط وخايفه ...ركن علي جنب وجاب مايه وايس كريم لفرح عشان تسكت ..مسح وش سالي ...فتحت عنيها وقالتله _خلي بالك من فرح ..وغمضت عنيها تاني .
فضل يفكر يا تري ايه اللي حصل ..شكلها مش دوخه عاديه ...وصل فيلا الشناوي بسرعه جدا ...دخل فرح بسرعه لجدها اللي جري معاه يشوف حصل ايه ..
شال مازن سالي وطلعها اوضتها اللي ورهاله عصام .اتكورت سالي علي نفسها وفضلت تعيط وتنتفض وهي مغمضه عنيها .
مازن _شكلها في حاله صدمة .اتصل باي دكتور تعرفه يديها مهديء بسرعه .
خرج عصام يتصل بالدكتور ..معرفش مازن يعملها ايه ...راح نايم جنبها وحضنها وفضل يكلمها _انتي كويسه ..انتي بخير ..انتي بامان ..انا معاكي هنا ..انا جنبك ..متخافيش .
هديت سالي لدقيقه ودخل عصام فقام مازن فرجعت تاني لحالتها ..كانت فرح بتعيط تحت عايزة مامتها ..فسابه عصام وراح يهدي فرح ..
رجع مازن تاني يحضنها ويكلمها لحد مهديت ..لحد ما جه الدكتور واداها مهديء ..وقالولهم لازم تروح المستشفي عشان يعرفوا ايه سبب اللي حصلها دا .
سابها مازن وشكره عصام علي مجهوده وحس انه مش مرغوب فيه من عصام الشناوي والامر دا دايقه جدا ..بس تغاضاه دلوقتي ..كلم عصام بجديه _اذا احتجتني دا رقمي كلمني عليه ضروري .
عصام _ماشي ..شكرا يا مازن بس ايه خلاك تجبها اقصد كنتوا سوا ولا ايه .
حكاله مازن عن الموضوع فتفهم عصام الوضع وقاله تاني من غير ميفكر _مشوفتش هي كلمت مين او شافت ايه يكون عمل فيها كدا .
_لا خالص زي مقلتلك انا لقيتها تعبانه فلحقتها وانا برا اساسا .
مشي مازن وودع فرح اللي كانت مش عايزة تسيبه ابدا .عرض علي عصام ياخدها عنده تلعب مع يوسف لحد ما سهي تفوق بس عصام رفض بشدة .
روح مازن بيته وطبعا حكي لمامته وفاطيما اللي حصل ..فضلوا يدعوا لسهي انها تبقي كويسه .
مكنش قادر مازن يطلعها من تفكيره ..ازاي حاسسها اوي كدا وفي نفس الوقت بعيد عنها بعد السما والارض .ازاي هديت بين ايديه بالشكل دا وكانها عارفه هو مين فعلا ..سهي الشناوي هتجننه ..وايه اللي شافته او مين كلمته فعلا وصلها للحاله دي .
___
نام نوم مقلق وصحي بدري جدا ..راح يجري في الجنينه علشان يتخلص من افكاره ..خلص ودخل لقي فاطيما صحيت علي غير العاده بدري وبيفطروا .
ثريا _تعالي افطر معانا يا مازن عشان توصلنا .
مازن _هتروحوا فين بدري كدا .
فاطيما_هنروح لسهي يا بني ..نطمن عليها .
_هتروحولها الساعه 8 الصبح .
فاطيما _يووه يا مازن ..علي ما البس وماما تلبس والبس يوسف ونفطر تكون دخلت في 10 .
مازن وهو بيضحك _اه ..صحيح معاكي حق .ما انتو يومكم بسنه .انا طالع اخد دوش ونازل .
نزلهم تاني  وهو جاهز ولابس ..خلصوا فطار وطلعوا الستات يلبسوا وفعلا خلصوا الساعه 10..فضل يتريق عليهم مازن طول الطريق ..
وصلوا لفيلا الشناوي بفخامتها بس حسوها ملهاش روح مش زي فيلتهم البسيطه ..دخلوا ورحب بيهم عصام واستاذنهم يطلع يصحي سهي ..كانت سالي صاحيه اصلا لان فاطيما كلمتها تستاذن قبل متجيلها وهي وافقت طبعا بمحبه .
نزلت لهم سالي بس كان باين عليها التعب فعلا ..سلمت عليهم بمحبه شديده وهما كذلك .سلمت علي مازن باقتضاب وشكرته علي اللي عمله معاها .
صحيت فرح ونزلت ببجاما النوم بتاعتها وكانت امورة ومورده وشكلها يجنن ..كان مازن هيتجنن لان لو صدق عنيه كان هيقول كانه شايف مراته بحركاتها  وهي صاحيه من النوم قدامه ..بصت فرح للكل وعيطت وجريت علي مازن تستخبي في حضنه ..
كان حاسس  مازن انه عايز ياكلها ..مش متخيل قد ايه هي بنوته طعمه وحنونة كدا وكيوت جدا .فضل يكلمها بحب ويسرح شعرها بصوابعه لحد ما بصت لهم كلهم .وبدات تضحك وترجع لطبيعتها .
شافت مامتها جريت عليها فقالت سالي _الحمد لله لسه فاكره اني مامتك ولا ايه .
ضحكوا كلهم وفضلوا يهزروا علي الموضوع ومبسوطين ..استاذن مازن وخرج وساب مامته واخته عند سهي ..قضوا يوم جميل كلهم والعيال لعبوا سوا .وكانوا مرتاحين مع سهي جدا .
قالت سهي في لحظة سعاده _عارفين القعده دي ناقصها مين .
طومي وثريا _مين .
سالي _لبني .
بصتلها فاطيما باستغراب فكملت سالي بتوتر _هي انسانه كويسه اوي اتعرفت عليها في شغلي مع شركة مازن وبقينا اصحاب .
عدتها فاطيما بس كان فيه حاجة في طريقة كلام سهي مخلياها تحس انها مخبية حاجة .
__
راح مازن للمحل وطلب كاميرات المراقبه وشاف سالي كانت بتكلم مين ..لقااها بتكلم نرمين بس يا تري ممكن تكون نرمين هي سبب صدمتها ولا حاجة تانيه ..لانها اصلا هو يظن انها متعرفش نرمين .قرر انه لازم يسالها علشان يرتاح .
.......
رجعت سالي تاني للشغل عند مازن بناء علي طلب عصام لانه شاف انها بتنجز الامور جدا وكانوا داخلين علي حملة دعائية ضخمة وعايزينها تكون جاهزة قبل حفلة اليوبيل الفضي لشركتهم ..كانت غيرة سالي واضحة جدا علي مازن من اميليا هارت اللي مكانتش بتفارقه ابدا ودايما معاه .
كانوا مجتمعين بيتناقشوا في لوجو جديد للشركة الشناوي وفي الوقت وقع قلم سالي علي الارض وطت تجيبه لقت اميليا بتحاول تلمس رجل مازن برجليها ..فكرت في سرها _ايه الوليه القديمه دي .
بس ادايقت جدا وكان واضح من لهجتها قدام الكل ..كان الكلام بالانجليزي علشان انسه هارت طبعا _ياريت تحاولوا تخلصوا باقي 25 يوم علي الحفلة وهنطلق اللوجو الجديد واللي مش قد الشغل والاحترافيه ياريت ميتعبش نفسه وييجي .
وبصت لاميليا هارت بنظرة صريحه ..
بصلتها ايمليا بنظرة ماكرة شوية وكانها بتقولها _وانتي ايه مزعلك بعلاقتي بمازن .
خلص الاجتماع وخرجت سالي متعصبه طبعا وكل اللي يكلمها ترد عليه بعصبية ..خدتها لبني علي جنب لكن سالي سابتها وطلعت فوق السطح مكانها المفضل من زمان .
عدي خمس دقايق وجت لبني وراها ..وقفت قدامها وهي بتعيط وقالتلها _دلوقتي لازم تقوليلي انتي مين ..انا هتجنن ..تعرفيها منين .
ردت عليها سالي بسرعه _اهدي يا لبني ..اعرف مين .
قالت لبني بغضب وهي بتعيط _انتي هي صح ..انتي سالي ..انا مقدرش اكدب احساسي اكتر من كدا ..لو الوش مش هوا بس الطباع نفسها ..صوتك واحساسك واهتمامك يا سالي .ارجوكي ريحيني ..طب غيرتي علي مازن ليه ..طيب لو حتي حبيته جاتلك الجراة تعاتبي ايميليا قدامنا كلنا ازاي لو فعلا من جواكي عارفة ان دا حقك .يا سهي ..ردي عليا .
فضل لبني تعيط شوية لحد ما سالي ضعفت طبعا ومقدرتش تتحمل عياطها اكتر من كدا ..حضنتها وقالتلها _ايوا انا سالي يا حببتي ..بطلي عياط بقي .
زادت لبني في العياط اكتر وحضنتها _كنتي فين يا روحي ..سبتينا ليه ..وليه مقولتليش من الاول ..هونت عليكي وانتي عارفة ماليش غيرك كدا .
عيطت سالي معاها وقضوا نص ساعه كلها نحيب لحد ما هديوا ..حكتلها سالي كل حاجة ..قامت لبني عيطت تاني
_دا كله حصلك وبنتك قضت سنتين من عمرها من غيرك واحنا كنا فين يا حبيبتي ..كنا بندور في المكان الغلط ..والكلاب الحيوانات عملوا فيكي كدا ازاي ..دا حتي الحيوانات في قلوبهم رحمة عنهم .سامحيني يا سالي ..سامحيني ان مكنتش جنبك ولا ساعدتك .
هدتهاا سالي وقالتلها _اهدي بقي عشان نعرف نشوف شغلنا .خلاص اللي حصل حصل المهم دلوقتي .انا لازم احمي نفسي وبنتي من اذاهم .لازم الاقي ليهم حل .وخصوصا انهم رجعوا ظهروا ليا تاني .
حكتلها سالي عن ظهور امير ونرمين في حياتها واللي اكيد علي تواصل مع جيسكا ونبيلة .
لبني _طيب متبلغي البوليس وهما هيساعدوكي .
_تصدقي بالله انا فوضت امري لله ومش عايزة غير اني اعيش بسلام ..وبعدين امي يعني هتعيش قد ايه ..خلاص بقت 65 سنه يعني ملهاش لازمة اعاقبها في الدنيا والاجنبية طظ فيها عمرها اصلا محترمتها ونرمين بقت ام يا لبني ..وانا ام ..ازاي اقدر احرم بنت من امها .انا عايزاهم يبعدوا عن حياتي اساسا ..بس اللي هيقرب لبنتي هاكله بسناني .
_طيب وبيتك وجوزك .
_مهو دا اللي بحاول اوصله ..عايزة مازن يحبني وينسي سالي ..يحب سهي ويتجوزني ونعيش سوا ..وارجع اكون وسطهم ..انا بكره سالي ..مكنش ليها اهل ولا ضهر ..كانت دايما ضعيفه حتي وهي بتمثل انها قوية ..كانت طول الوقت مكتئبة .طول الوقت ضايعه وبتدور علي نفسها ومش لقياها .لكن سهي لا يا لبني ..سهي عندها اب ..عصام فعلا بيحبني كاني بنته .بنتي لما تطلع وتكون حفيدة عصام الشناوي احسن متكون جدتها خريجة سجون ..حتي لو انتقمت الانتقام هيوصلني لايه ..هريحهم في الاخرة ..وانا لازم اخد حقي منهم كامل قدام ربنا سبحانه وتعالي ..
_انتي طيبة بزياده يا سالي ..انا لو مكانك كنت كلتهم بسناني .
_متقوليش كدا ..ربنا ميحطك في اختبار زي اللي انا عشته .صدقيني انا مش ندمانه علي حاجة ..معشتش مشوهه رغم ان دا كانت نيتهم ان مموتش اصلا ..بنتي محستش بغيابي ..سهي كانت حنينة عليها اوي شوفت فيديوهاتهم وصورهم سوا .
انتي عارفة ممكن اكون مش حابه اقول اني سالي ..لان انا مش عايزة اكون سالي .انا ودعت حجات كتير اوي ورمتها ودفتنها مع سالي ..دلوقتي بضحك من قلبي ..شايفه الدنيا وردي ..عارفة اربي بنتي بدون عقد ..اللي حصلي دا اكبر نعمة في حياتي وانا مش زعلانه ابدا ..عشان كدا ارجوكي يا لبني ..انا سهي ..حبيني .وخلييكي صديقة سهي ..انسي سالي .
_خلاص اهدي ..انتي في كل الحالات صحبتي وحببتي حتي لو قلبتي ل حسين هحبك برده هههههههههه .
_طب يالا يا لميضة .نروح نشوف شغلنا .
__
حست سالي بارتياح غريب وكأن هم كبير انزاح من علي صدرها ..يا حلاوة الفضفضة والبوح للاحباب ..مكنتش مصدقة انها رجعت تاني ل لبني ..ومبقتش وحيده ..كانت صادقة في كل كلمة قالتلهالها بس لبني ومازن وعيلته هما الحاجة  الحلوة الوحيدة اللي حصلت لها وهي سالي ومش هتقدر تفرط فيهم ابدا ..وادي اول وحده كسبتها .بس الباقيين ناوية تكسبهم وهي سهي مش لما تعترف .
نزلوا سوا ..لقوا الدنيا مقلوبة كالعاده ..والناس متلخبطة ..فضلت سالي ساعتين تنظم وتدبر الامور وهي بتسال _يا تري مازن فين وسايبها ملبوخه كدا .
حست انها دايخه ومحتاجة حاجة تنعشها بس لازم تروح تشوف الاستاذ فينه .خبطت علي الباب وفتحته ودخلت واتصدمت من اللي شافته ..لقت ايمليا قاعده علي رجل مازن وبتقبله من شفايفه ..
قامت ايميليا طبعا بسرعه وبصت لسالي بتحدي ..راحت لها سالي وضرتبها بالقلم وطردتها برا المكتب وقالتلها _انا ميشرفنيش اشتغل مع عاهرات .
خرجت هارت وهي بتعيط ..قام مازن وقفل الباب وقعد علي الكرسي ومسك منديل يمسح الروج بكل برود .بصتله سالي بتحدي وقالت _انت قلبت مكتبك لبيت دعارة ولا ايه .
رد ببرود _والله دا مكتبي انا حر فيه .وكمان مين سمحلك تضربي هارت بالشكل دا .ومين سمحلك تدخلي مكتبي .انتي فاكرة نفسك ايه ..عشان فيه بينا كم مشروع هتتحكمي في شركتي وفي حياتي .
مسكت اللاب توب بتاعه ورزعته علي الارض ..هو قام واتجنن ومسكها ولوي دراعها _انتي اتجننتي ..لو حصله حاجة ..هندمك يا سهي يا شناوي .
ردت بغضب ووشها احمر جدا _كويس ان عندك حاجة تخاف عليها ..ودلوقتي سيب ايدي .
ساب دراعها واخد اللاب توب بتاعه يشوفه كان مديلها ضهره كلمته قبل متمشي _انا مش فاهمه ازاي تقدرتخونها كدا ..ازاي قدرت تخون سالي كدا .يخسارة انا كنت ببعد عنك وبحترمك عشانها .بس دلوقتي عرفت اني كنت صح لانك انسان خاين واناني وتقدر تبيع في اي وقت .
خرجت واخدت شنطتها وسابت الشركة كلها ..اتصلت بيها لبني كم مرة بس كنسلت عليها .مكنتش قادرة تتكلم .
.....
فضل مازن مكتئب من اللي حصل ..دخلتله لبني وسالته علي اللي حصل ..طبعا مازن ولبني بقوا اصحاب واخوات جدا من وقت اختفاء سالي ومبقاش يخبي عليها حاجة ..
حكالها وهي استغربت وسالته عن السبب اللي خلاه يعمل كدا _كنت عايزها تمشي  يا لبني ..كنت عاوز ادوس علي قلبي عشان مشفهاش تاني .حسيت بيها قبل متدخل مكتبي وطلبت من ايميليا تعمل كدا .
_ليه ..حبيتها .(احببت العنقاء امل العناني )
_كل مشوفها احبها اكتر وقلبي ياكلني من احساس الذنب اكتر واكتر ..مش قادر اتخيل ان بحب حد غير سالي ..ومش قادر امنع احساسي بيها ابدا ..يمكن لانها موجوده قدامي بس انا دورت علي مراتي ومش لاقيها ..ودي طلعتلي كانها بتناديني ..كل حركاتها بتجذبني ..ضحكتها .كلامها .كان لازم اكسر الرابط اللي كوناه سوا .
حط ايده علي قلبه وعيونه احمرت من دموع كاتمها جواه _انا قلبي واجعني يا لبني انا انسان وجوايا حب كبير اوي لواحده  غايبة ..مش موجوده ..اعمل ايه ..وحشتني ..كل ذرة من كياني بتعاني من غيابها ..رجعت تاني مصر  علي امل انها ترجع بس مرجعتش ..زهقت اني احضن هدوم فيها ريحتها عشان بس احس بيها .زهقت اني المس هدوم بنتي ومش لاقيها . ..نفسي انهار ومش قادر ..من سنتين وانا ماسك نفسي عشان مفقدش الامل انها ترجع ..وبقول خليك قوي ..لازم تبقي قوي عشان الامل ميروحش بس هي فين ...ايا كان ظروفها او هي عايشة فين .لازم اواجه نفسي هي مش هترجع وان رجعت انا هكون خلاص مبقتش موجود زي مكنت ..مكنتش متخيلها قاسية اوي كدا ..انتي مش متخيلة قد ايه صعب تبقي انتي اللي محتاجة حد يواسيكي ولازم تواسي انتي الكل ..امي واختي وحتي انتي في اوقات كتير .علي الرغم كلكم عندكم شريك حياتكم ..بس انا شريكة حياتي فين يا لبني ..ها ..ردي عليا .
سكتت لبني مكنتش عارفة تقوله ايه ..مينفعش تقوم تحضنه ..مينفعش تغلطه في اللي عمله .
كمل مازن _انتي عارفة انا عايز ايه ..عايز اصرخ ..ههه..بجد عايز اصرخ ..جوايا كبت انتي مش متخيلاه ..بس الحقيقة ان دا كله بيروح لما بشوفها .كانها دوا لاي حاجة تعباني .بس مش هقدر اكون معاها لاني هحس اني بظلمها ..مش هقدر احبها بكياني كله لانه مع واحده تانية ..فهمتي بقي انا عملت كل دا ليه.
سكتت لبني وهزت راسها بس بمعني موافقتها لكلامه .وخرجت ..روحت بيتها وسابت دموعها اللي حبستها تنطلق .
زعلانه عليهم هما الاتنين ..اعز ناس عندها بس هتعمل ايه ..هما دلوقتي هيمشوا علي حسب المكتوب ليهم .
____
انهت سالي التعاقد مع شركة مازن تاني يوم اول ما دخلت مكتبها في شركة الشناوي ..واتعاقدت مع شركة تانية .
بعت لهم مازن باقي الاعلانات واللوجو الجديد ,وتم استخدام اعلاناته .عرفت انه جه بنفسه يسلم المواد اللي معاه لكن مشافتوش .زعلت جدا جواها بس عرفت ان دا الافضل وفضلت تقسي قلبها _يا هبله كل شوية يخونك وبرده بتحبيه وبتحني ليه ..فوقي لنفسك بقي .
بس دماغها بيقولها حاجة وقلبها حاجة تانية مختلفه تماما .
جه يوم الحفلة وقرر عصام يعمله علي اليخت بتاعه ..كانت الدعوات مرسله لموظفين الشركة مع مرافق واحد بس وعدد من رجال الاعمال وبعض الصحفيين المميزين بس عشان يغطوا الحدث ..لبست سالي فستان اسود كمه قصير طويل وملفوف علي جسمها باناقه وقصت شعرها بس مش للدرجة اللي كانت وهي سالي ..هي بتحب الشعر القصير من زمان ..كانت انيقة وبسيطه ومميزة ..راحت مع عصام ودخلوا سوا وكاميرات بتصورهم وكانهم ممثلين مشهورين علي السجادة الحمرا .اندمجت سالي مع المدعوين لانها باعتبارها بنت عصام فلازم تعمل الواجب ..
حضر مازن مع ايميليا هارت ..اللي اول ماشافتها سالي كانت عايزة تولع فيها ..بس تماسكت وتجاهلتهم تماما ..شويه وجه احمد يرخم علي سالي وقالها _احلويتي كدا ليه يا سهي ..هو الطلاق بيحلي اوي كدا .
_انا مش عارفة انت اتوجهلك دعوة ازاي .
_زي الناس يا حبيبتي ..مش هتوافقي ترجعيلي بقي ..وحشتيني .
حاول يمسك ايديها ..ويلمس دراعها بس سالي حست بالاشمئزاز ..ونفضت دراعها بسرعه وسابته وطلعت شرفة واسعه تشم هوا ..حست انها مخنوقة ..كانت واقفه وسانده علي السور والهوا بيطوح في شعرها .اتنفست بعمق وغمضت عنيها ..حست وكان الهوا بيحضنها .سمعت صوت خروشة وراها بصت لقت مازن ساند علي الحيطة وبيبصلها بتمعن مكلمتوش ورجعت تبص للمايه من جديد ..جالها ووقف جنبها وسالها _انتي لسه زعلانه مني .
بصتله باستهزاء ومتكلمتش ..دورها ليه وسالها نفس السؤال فردت _وانا هزعل من ايه .انا مالي ومالك اصلا .انت قلت دي حياتك وشركتك تعمل فيهم اللي انت عايزة وطبعا معاك حق .
_اممممم ماشي بس شكلك لسه زعلان فعشان كدا قلت اجي اصالحك بس انتي مش عايزة تتصالحي بقي .
_يووووه يا مازن ..انت عايز ايه ..تقرب وتبعد ..تبعد وتقرب انا مش فاهماك .
_مش لازم تفهمي لان انا نفسي مش فاهم بجد .
لمس وشها بايديه وقالها _انتي حلوة اوي النهارده ..وشعرك جميل .
سابها فاتنهدت بحزن وفكرت في دماغها _ياريتني اقدر امحي الحزن اللي علي وشك دا يا مازن واخلصك من الحيرة اللي انت فيها دي .بس صدقني مش هقدر دلوقتي .
حضر الحفله نرمين وامير وسالي المرة دي كانت مستعده ليهم لانها هي اللي كتبتهم في لستة المدعوين ..لانها عرفت الكلام اللي قاله عصام لمازن وحبت تخلص مازن من اي شك وكمان حبت تشوفهم تاني مع بعض .
دخلت جوا وراحت لعصام ووقفت معاه كان بيتكلم مع مجموعه رجال اعمال ..وكالعاده جه لعندها امير ومراته
امير_سهي هانم ..احنا متشكرين اوي علي الدعوة دي .
سهي _لا عادي ولا يهمكم .
نرمين _الحفلة حلوة اوي بتفكرني بالحفلات الي كان بابي بياخدني ليها زمان .
سهي _بجد ..طيب كويس ان انا انعشت ذكرياتك .انجوي .
سابتهم ومشيت وفكرت _ازاي انا خايفه من نرمين كدا ..دي مجرد حشرة انا ممكن احطها تحت رجلي ..ازاي مكنتش شايفة انها وحشة اوي كدا ولا امير اللي بقيت احس انه وشه غبي كدا .استغفر الله يارب ..صحيح ..سماهم علي وجوههم .
كانت حاسة بالقوة وبالامان وان محدش هيقدر ياذيها واللي يحاول بس يشوف هتعمل فيه ايه ..سالي المكسورة المقهورة بتاعت زمان خلاص راحت .اللي مانعها بس انهم حتي ميستاهلوش انها تفكر فيهم عشان تنتقم منهم وهي متاكده انهم هيجروا علي خراب بيوتهم بنفسهم وهي ما عليها غير انها تولع الفتيل بتاع القنبلة اللي هتفجرهم كلهم ..هتكون مجرد عامل مساعد اذا جتلها الفرصه وهي متاكدة انها هتيجي بالتاكيد .
اتشد ليها مازن وحس بقوتها وثقتها في نفسها ولقي اول فرق بينها وبين سالي ..سالي كانت قوية بس ظاهريا لكن سهي مبتمثلش انها قوية ..قوتها ظاهرة للكل وكذلك نظرة الفخر اللي في عين باباها عصام محدش يقدر يفوتها .
قام عصام علي المنصه يقول كلمته اللي طبعا اتاثر بيها كل الموجودين بس خلص وطلب بنته سهي الشناوي .
بصتله سالي بغيظ بس هو من فرحته ومن احساسه انه عايز حتي سالي تحس انها بنته وانه بيحبها وبيخاف علي مصلحتها وبيفتخر بيها عمل كدا .
الحضور كله اتشد وكله انتبه عشان يسمع هتقول ايه ..وقف عصام جنبها ..منزلش وسابها وفضل يراقب وجوه الحضور ..اخواته وقرايبه ونرمين وامير ومازن ..عايزيشوف نظرة التصديق علي وشوشهم عشان يعرف انه بجد كسب وضمن سهي معاه طول العمر .ومكنش خايف ابدا لانه واثق ان سالي هتقدر تقنع وتبهر الجميع .
بدات سالي كلامها (مساء الخير ..ازيكم ..اتمني تكونوا مستمتعين بالليله الحلوة دي والجو الجميل دا ..طبعا انا مش هقدر انسب اي فضل ليا في شركة الشناوي حاليا لان احتفالنا النهارده باليوبيل الفضي يعني بمرور 25 سنه علي تاسيس الشركة وزي ما كلنا عارفين انا بقالي كم شهر بس باجي الشركة هههههههههه بس ما علينا عشان والدي العزيز ميزعلش ..شركات الشناوي بكل فروعها ومنهم اللي بيديرها اعمامي واولادهم ليها سمعه واسم ومكانه محدش يقدر ينكرهم طبعا ..بس اللي بيميزنا فعلا ..هو السلام الداخلي والاحترام المتبادل اللي بشوفه من والدي واعمامي وابنائهم طبعا ..دا السبب الرئيسي للمكانه اللي وصلنالها النهارده لان انا دايما اشوفهم مجتمعين عشان يعمروا ويبنوا مش علشان يتخانقوا ..اجتماعاتهم علشان التطوير وانهم هيبقوا في مكانة افضل .والامر دا بينعكس علي كل موظف موجود من عامل النظافة للمدير ..الكل له احترامه ومكانته .لان الكل بيؤدي عمله علشان الهيكل كله يبقي سليم ..معلش طولت عليكم بس الحقيقه ان بوجه الشكر لوالدي ولعمي صلاح الشناوي وعمي محمود الشناوي واولادهم وبقولهم انا فخورة جدا لانكم قبلتوني من اول يوم ووثقتوا فيا وسعيدة جدا ان انا بقيت جزء من كيان شركات الشناوي وان شاء الله طول ما احنا سوا ومتحدين هنفضل نتطور ونكبر .)
سقف الحضور كله وبص عصام لاخواته لقاهم مبسوطين جدا وبيهزروا راسهم في علامة لرضاهم عن كلام سالي ..عرف ان ربنا عوضه بجد ,وكان عوضه يستحق صبره وزياده .
نزلت سالي ..قابلها شاب وسيم يعتبر في التلاتينات من عمره كدا .وقفها وعمال يبصلها وهي مستغرباه جدا .ومش عارفه دا مين.
قالها الشاب _ايه دا ..انتي عقلتي امتي كدا يا سو ..واحلويتي وبقيتي شيك اوي ..انا سافرت وانتي حاجة ورجعت وانتي حاجة تانيه خالص .
انقذها عصام بسرعه والا كانت هتتفضح ..جه وسلم علي نبيل محمود الشناوي اللي كان بيدرس اداره اعمال في امريكا ولسه راجع وسالي اول مرة تشوفه .
عصام _ايه دا يا نبيل ..انت رجعت امتي .
_النهارده يا عمي وجيت علي طول عشان اسمع سهي وهي بتخطب احسن من اي بيزنس وومن شفتها في حياتي .
تداركت سالي نفسها وقالتله _حمدالله علي السلامه  يا نبيل وبعدين ما انت كمان اتغيرت .مكنتش بالاناقه دي قبل متروح اميركا .
نبيل _هههههههه وبقيتي بتردي ...لا دا انتي تيجي معايا بقي .انا اول مرة اسمع صوتك يا بنتي .خجلك بتاع زمان راح فين .
حط دراعها في دراعه ومشي بيها ..بصت سالي لعصام تستنجد بيه بس حرك كتفه ..مش عارف هيتصرف ازاي .
خدها نبيل وطلعوا الشرفه ..وفضلوا يتكلموا ..كان الكلام معاه ممتع وشيق ..كان شاب لذيذ ومرح وقريب من القلب .
دخلوا تاني وراح نبيل يكلم باباه اللي شاورله .استاذن منها ومشي .جالها احمد يشدها بالعافيه علشان ترقص معاه .
احمد _شايفه بترسمي علي نبيل يا سهي .بس دا بعدك انتي ليا وبس .
شدها بعنف من دراعها لحد مخلع الجوانتي بتاعها ..كانت سالي هتضربه وتعمل منظر بس جه مازن ومسك دراعه وهددته _لو محترمش نفسه هيرميه بر ا
..مشيت سالي ونزلت تحت لاوضة من الاوض وهي مدايقه جدا .
نزلها مازن واداها الجوانتي .. وهي بتاخده منه لاحظ علامات واثار حروق بشعه علي دراعها ..عمره مشافها لانها دايما بتلبس طويل ..كل الغيرة اللي جواه والغيظ منها راحوا .
قعد جنبها ولمس دراعها وقالها _ايه سبب الجروح دي .
ردت وهي بتلبس الجوانتي _حادثه ...متشغلش بالك .
قامت تمشي ..وقفها بكلامه _ياتري طالعه لاحمد طليقك ولا ابن عمك نبيل الشناوي .هتختاري مين فيهم يا تري ..ولا بتحبي تلعبي بس .
بصتله وضحكت بقصد _غيران ولا ايه .تؤ تؤ يا مازن ..احنا مش قلنا كل واحد وله حياته .بتسالني ليه .(احببت العنقاء امل العناني )
مسكها من دراعها جامد وقالها _واذا كنت غيران هتعملي ايه .انا لو هموت مش هكون لعبه زي الاتنين اللي فوق ابدا .
_سيب دراعي وجعتني .
ساب دراعها وفضلت تفركها من الوجع .قررت تتحداه وقالتله _انا مش عايزاهم الاتنين .ميعجبونيش ..انا استايلي راجل تاني خالص .
وشها احمر كالعاده ..مرر ايديه علي خدها وشفايفها فغمضت عنيها واتنهدت ..
قال مازن بصوت مخنوق _حرام عليكي اللي بتعمليه فيا . .......وقبلها من شفايفها .
_______________________________