A BEAUTIFUL SECRET AFFAIR ( Mew & Tong's Other World )

A Beautiful Secret Affair Chapter 2

A Beautiful Secret Affair Chapter 2:

Nauna nang umuwi si Mew sa bahay matapos ang nangyari at maya't maya ay dumating na din si Tong na bitbit ang mga panggatong.

Lolo Jose : Tong, anung nangyari riyan sa mukha mo at puro suntok? Nakipagsuntukan ka ba?

Tong : Ah wala po ito Lolo. Ipinagtanggol ko lamang po ang sarili ko. 

Ginamot ni Lolo Jose ang mga suntok na natamo ni Tong mula sa pagkakatanggol kay Mew. Hindi na rin sinabi ni Tong ang tunay na nangyari para di na mag alala ang matanda habang si Mew ay nasa kwarto na may pinagkakaabalahan.

Lolo Jose : Sa susunod mag iingat ka lalo na't wala ka pang kakilala dito.

Tong : Opo Lolo. Eh san nga pala si Mew?

Lolo Jose : Andun sa kwarto, busy na naman sa paggawa ng mga awitin.

Tong : Awitin?

Lolo Jose : Oo, 'yun lan 'yung libangan ni Mew dito kung walang ibang ginagawa, mahilig kasi siyang gumawa ng mga awitin.

Nakahiligan na ni Mew ang gumawa ng mga awitin dahil sa pagsusulat lamang niya naipararating ang mga bagay na di niya masabi. Ilang araw ding hindi nag kikibuan sina Mew at Tong kahit na magkatabi sila sa pagtulog.

Habang nasa paaralan si Mew, naisipan ni Tong na basahin ang mga kantang ginawa nito.

Tong : Ang ganda ng mga awiting ito na tila bagang nakakapukaw ng puso at damdamin.

Hanggang sa dumating na si Mew.

Mew : Ano ba? Akin na nga iyan, bakit mo pinakikialaman ang mga bagay na hindi naman sa iyo?

Tong : Binabasa ko lang naman 'tong mga gawa mo eh.

Mew : Kahit na! Dapat marunong kang lumugar at matutong rumispeto sa mga pribadong gamit ng iba.

Tong : Ano bang nangyayari sa'yo Mew? Tungkol ba ito sa unang gabi na pinagsalitaan kita ng di kaaya aya? Kung ganoon, pinagsisihan ko naman 'yun eh, nalilito pa kasi ako nung mga oras na yun. Bumawi naman ako sa'yo diba? Pinagtanggol kita dun sa mga walang kwentong mga lalaki.

Mew : Pinagtanggol mo ako dahil di ko kayang ipaglaban ang sarili ko? Yun ba yung gusto mong sabihin, Tong?

Tong : Ano bang pinagsasasabi mo, Mew?

Mew : Alam ko naman yung intensyon mo eh. Gusto mong marinig mula mismo sa bibig ko na ang lampa ko, na di ko magawang ipagtanggol ang sarili ko dahil bakla ako! Dahil bakla ako! (iyak) Ngayon? Nandidiri ka na?

Niyakap ni Tong si Mew para ipadama nitong hindi sa kasarian nasusukat ang pagkakaibigan.

Tong : Huwag mo nga maliitan 'yang sarili mo Mew. Ang totoo mas hinahangaan kita dahil nakikita ko ang mabuti mong pagkatao. Huwag mong isipin at damdamin yung sabihin ng iba. Gawin mo itong inspirasyon para ipakita sa kanilang hindi nasusukat sa kasarian ang pagiging lalaki. Gusto kitang makilala pa dahil alam ko na simula sa mga oras na ito, maipagmamalaki kong may kaibigan akong kagaya mo.

Simula ng gabing iyon ay naging matalik ng magkaibigan ang dalawa, kahit ilang araw pa lamang silang nagsasama ay tila bang matagal na silang magkasama. Kapatid na ang turingan nila sa isa't isa. Nagtutulungan sila sa mga gawaing bahay kung kaya konti na lang ang trabaho ni Lolo Jose.

Tong : Alam mo Mew, natatakot ako na baka balang araw iiwanan mo na kami ni Lolo Jose.

Mew : Ha? Bakit mo naman nasabi ang ganyang bagay, Tong?

Tong : Eh kasi naman may talento ka, ang galing mong gumawa ng mga kanta. Malay mo balang araw magiging sikat kang personalidad dito sa bansa.

Mew : Sus, ikaw talaga. Malabong mangyari yun. Ikaw pa nga lang yung nakakabasa ng mga awitin ko eh. Pero kung sakali man na mangyari yun, hindi pwedeng hindi kayo kasama ni Lolo sa magiging achievements ko.

Nagtawanan at nagkulitan ang dalawa hanggang sa may itinanong si Tong kay Mew.

Tong : Napapansin ko Mew, bakit lahat ng ginawa mong kanta ay tungkol sa kaibigan? Bakit di mo subukan yung ibang tema naman, yun bang tungkol sa LOVE.

Mew : Madali naman gumawa ng Love songs eh, but if there is no love, you can't write a love song.

Tong : Ganun ba yun?

Mew : Marahil marami ka nang naririnig na mga love songs, subalit pare-pareho naman ang mensahe. Iba talaga 'yung nagmamahal ka at mararamdaman mo ito kung isasapuso mo yung mga kanta.

Tong : So, you're never been in love? 

Mew : Hmmmm. Hindi ah. Inlove ako sa mga kaibigan ko noh.

Tong : Mga kaibigan mo? Eh, yung alam ko ako lang yung kaibigan mo eh.

Mew : HAHA, baliw ka talaga Tong. Sige na, parang naaamoy ko na yung sinaing.

---

 Please proceed to Chapter 3 for the continuation of the story.