ست البنات 2 لــ زينب سمير

الثامن

ست البنات 2
الفصل الثامن ...

ماذا يعني بالفراق ؟
اتريدي الفراق ، اتريدي الابتعاد عن قلبا هواكي
قلبا متيا بكي لحد النخاع
ياهذة .. لا تقرري بنفسك .. لا تفكري بنفسك
اجعلي قلبك يري ان كان يستطيع العيش بدوني ام لا..

اما بغرفة صباح وعلي..

هتفت صباح بصوت جامد وكأن لا حياة فيه:-انا عايزة اطلق
كان ينزع قميصه القطني عن جسده وعندما استمع لحديثها توقفت يده بالنصف وكأنه تيبس ، ظل لحظات علي حالته يحاول ان يستوعب الامر ، ترك قميصه يهبط علي جسده مرة اخري
التف لها سائلا بتوجس:-قولتي اية ؟
عادت تهتف بصوت يقطر منه الآلم:-عايزة اطلق ياعلي
اؤما برأسه عدة مرات ، كأنه يحاول ان يدخل صوتها الي عقله او انه يحاول ان يسيطر علي غضبه
وسـاد الصمت بينهم
قطعته هي بعض لحظات عديدة:-علي...!!
ظنته لم يستمع لها من كثرة شروده بالله
خرج صوته هاتفا بجدية:-مفيش طلاق ياصباح ، طلاق انا مبطلقش واللي عندك اعمليه
بدأت بالانهيار وهي تهتف:-مش عايز تطلقني لية ؟ انت كدا كدا هتتجوز غيري وبعد ما بقيت متشوهة مش بعيد تتجوز انهاردة قبل بكرة ، فمش عايز تطلقني لية ؟
نهضت عن مكانها متجاهلة الآم جسدها مكملة في صياحها:-ولا مش عايز تطلقني علشان مراتك الجديدة تعايرني بشكلي ، وعايز تخليني اندم اكتر هااا مش عايز تطلقني لية
اقترب منها احتضنها دون سابق انزار ، هاتفا بوجل:-مش عايز علشان بحبك ياصباح ومحبيتش ولا هحب غيرك ياصباح ، بحبك في كل شكل وبأي شكل ياصباح
ولا عمري هفكر اتجوز غيرك ياصباح
ابتعدت عنه وصارت تضربه علي صدره وهي تغمغم بصوت باكي:-كداب ، كداب بتقول كدا علشان صعبانة عليك مش اكتر
امسك يدها التي تضربه بها وهي يهتف بصدق:-والله ما بكدب ، انا بس عملت كدا علشان افوقك من الشكل الجديد اللي دخلتي فيه وانتي مش زيه ، افوقك من الغيرة اللي غمرتك ياصباح
خرج صوتها ضعيفا:-يعني بتحبني..؟
ابتسم مجيبا عليها:-محبيتش غيرك والله

اقتربت تحضتنه بقوة ، تخبره بحضنها له بحزنها منه ومنها
تخبره بوجعها ، تخبره بحيرتها
تخبره بكل ما مرت به في الايام الماضية .. من قهرة ووجع
_______________________________
جلس علي مقعد مقابل الضابط عمر وفي مواجهة المقعد الجانبي جلس معتز
مـد حسن يده بالفلاشة وراح يقص عليه كيف وجدها ومتي ومن صاحبها
وبعدما انتهي هتف بزهن مرهق:-كانت اغرب صدفة مرت عليا ولولاها مكنش هيبقي عندي يقين بالقدر والمكتوب زي دلوقتي ، في الفلاشة صور لـ الاوراق اللي كانت في البيت واتحرق علشانه ، اعتقد ان رصاصة نوران كنت مقصود بيها انا
ثم اعتدل في جلسته وهتف بجدية:-انا فتحت الفلاشة وقريت الورق وعرفت مين اللي الاستاذ عامر كان يقصده بأتهاماته دي والادلة بتدينه علشان كدا....
تنحنح مكملا بجدية اكثر:-انا عايز اقدم بلاغ في ضياء الشرقاوي وبتهمه بالاعتداء علي مراتي ومحاولته في قتلها ، وبلاغ تاني بقدمه فيه وبتهمه بحرقه لبيتي وبطلب بتعويض مادي لـ الخساير اللي حصلت لـ البيت وتعويض لعلاج المتصابين ، وفي الفلاشة دي كلام بيوصله لحبل المشنقة اعتقد...
اخذ عمر منه الفلاشة وراح يحركها بين يديه بشرود ثم نظر له وهتف باسما:-متطلعتش سهل خالص
حسن بعيون شرسة:-لولا اني عندي اهل بيخافوا عليا وزوجة انا حاليا كل اهلها كنت قتلته بنفسي ولو هاخد فيها اعدام ، بس خلي القانون ياخد مجراه
وقف معتز عن مكانه وراح يصفق ويطلع صفارا عاليا وهو يقول ضاحكا:-دا كله وخلي القانون ياخد مجراه ، دا انت دماغك سم
ثم نظر لعمر:-بس ضياء دا طلع داهية
عمر:-كل اللي لابسين بدل ، لابسينها علي حساب ارواح بيدوسوا عليها في الرجلين بطريقهم علشان يوصلوا