ست البنات 2 لــ زينب سمير

الحادي عشر

ست البنات 2
الفصل الحادي عشر ...

فاتت اربع ايام علي تلك الاحداث ، كانت ايام هادئة لطيفة ، حكي حسن لـ الجميع قصة الورق ، وانه هو المخطئ لانه لم يسلمه لـ الشرطة من البداية وانه لم يفتحه ويقرئه ، حاول ان يأتي بالخطي عليه وليس علي زوجته
كانت نوران وحسن المسافة بينهم تتقلص تدريجيا ، زادت سعادته عندما علم بحبها كذلك
وراح يزيد في دلالها اكثر فـ اكثر

بالجامعة ..
كلية هندسة ..

اقتربت سمر من مكان وقوف حسن واصدقائه ، كانت تسير بثقة لكنها لمحت خالد فتوترت فورا واحمرت وجنتيها ، حاولت ان تتحكم بنفسها وهي تظهر امامهم
مدت يدها بالاوراق لـ حسن وهي تقول فورا:-دي باقي المحاضرات ياحسن ، كدا نوران معاها كل اللي فاتها
اخذهم منها وهو يقول شاكرا:-تسلمي ياسمر ، نوران بتوصلك شكرها  علي اللي بعتيه الايام اللي فاتت وسلامها

ابتسمت له وهي تردد بكلماته العفو وانه لا داعي لذلك
ثم غادرت بهدوء
وعيون خالد تراقبها بصمت ، لاحظ عبده نظراته فقال بسخرية:-مستحيل نرتبط ، هنكمل انا وانت للاخر والبية اهو وقع
نظر حسن لخالد وتبع نظراته الشاردة لسمر ثم نظر لعبده يهتف بمزاح:-الدور عليكي يابيضة
ولاعب خدوده بضحك ، فأبعدها عنه بغيظ
بينما هتف امجد بجدية:-انهاردة رايح اتقدم لخلود ، جايين صح ؟
لاعب عبده خصلات شعره بحيرة ، وهتف حسن:-بص هو احنا عايزين نروح وكل حاجة ، بس هو مش عيب اننا احنا التلاتة نروح معاك
ووضع في وجهه اربع صوابع من صوابعه
انزل امجد صوابه من امام وجهه وهو يقول:-دول اربعة ياغبي
كان خالد مازال شاردا لكن انتبه لجملته الاخيرة فقال بمرح:-هو حسن كدا من يومه فاشل في الرياضة ، معرفش كيف دخل هندسة اصلا

نظر لهم بغيظ ولم يرد عليهم ، وجد اتصال من عمر فأبتعد عنهم واجابه
فجاءه صوت عمر:-مبارك ياعم ، اخيرا لبس البدلة الحمرة
هتف صائحا:-بجد ؟
عمر:-جد الجد كمان ، انت بسببك فتحت عنينا علي بلاوي زرقة عاملها هو ومجموعة من نبلاء مصر ، فعلا يوضع سره في اضعف خلقه ، ورق عامر بيه كان جواه بداية الخيوط لمصايب متتعدش
صمت واكمل بتعجب وحيرة:-هموت واعرف جمع الحاجات دي ازاي ، دي المخابرات متقدرتش توصل لـ الاسرار اللي هو جايبها دي
ضحك حسن وهو يقول:-نوران قالتلي انه كان داهية وبيحلل كل حاجة بطرق مختلفة وبيمشي ورا كل طريقة وكأنها هي اللي هتوصله لـ الحل ... فكان بيجمع معلومات كتيرة بقي
عمر بحزن:-المحاماة خسرت اسطورة فعلا ، ربنا يرحمه يارب
تشدق حسن بتأثر ايضا:-يارب

واغلق عمر معه والتف ببصره لـ الباب الذي انفتح وظهرت خلفه كريمة ، نهض فورا وهو يقول باسما:-مبرووك علي الطلاق
ابتسمت بخجل وهي تتقدم نحوه ، تسلم عليه وهي تقول:-انا بشكرك جدا بسببك انا اتخلصت من كابوس حياتي
عمر هاتفا بطريقة مسرحية:-انا تحت امرك في اي وقت
نظر لـ كارما التي بين يديها وهتف:-اخبار القمر
قبلت وجنتيها فأبتسمت الصغيرة واجابته كريمة:-فرحانة اووي
ابتسم وعاد يسأل:-خططك اية لمستقبلك بقي ؟
قالت والحيرة تغمرها:-مش عارفة والله ، بس مبدأيا هتأجر شقة اقعد فيها ، وهبدأ ادور علي شغل اصرف منه علينا
قال بتردد:-وفلوسك من ضياء ؟ علي الاقل ورث كارما ... استخدميه
قالت برفض قاطع:-مستحيل اقبل اني اصرف عليا ولا علي بنتي طنية حرام