ست البنات 2 لــ زينب سمير

الثالث عشر

ست البنات 2
الفصل الثالث عشر ...

في طريق العودة ركب حسن بالامام وجواره نوران تاركين العشاق الاخرين بالخلف يتحدثون بهمس ويغازلون بعضهم البعض
كان مظهرهم مضحكا بالنسبة لحسن لكن كي لا يشعرهم بالخجل حاول ان يكتم ضحكاته
ارتفع صوت رنين هاتفه نظر لـ المتصل واجاب متعجبا:-عمر باشا ! خير ؟
جاءه صوت عمر:-ضياء هرب ياحسن ، قولت احذركم احسن يتهجم عليكم ولا حاجة
انعقد حاجبيه بقلق ولكن سرعان ما هتف:-لا متقلقش اكيد احنا في السليم ، هو بس هيكون عايز يفلسع فمش هيفكر يجيلنا احنا
عمر:-انا قولت بس احذرك ..

علي بتسأل بعدما انهي حسن الاتصال:-في اية ؟
اكمل حسن قيادة السيارة وقال بلامبالاة:-مفيش

لكن نوران استطاعت ان تري خلف تلك اللامبالاة خوفه الذي يحاول ان يخفيه

بعد قليل وصلت السيارة لـ امام المنزل الجديد المتأجر ، هبطوا جميعا الا هو ، نظرت له نوران من شباك السيارة تسأله:-مش هتنزل ؟
رد بنبرة سريعة:-ورايا حاجة سريعة هعملها واجي
اؤمات بحسنا فقال هو:-خلي بالك من نفسك

_حاضر..
...........
امام القاعة التي كان الاحتفال بالخطوبة فيها منذ قليل وقف ابراهيم ومعه سمر ينتظرون سيارة اجرة تمر امامهم
لكن وكأنهم ينتظرون ثرابا
قاطع بحثهم وانتظراهم صوت خالد من خلفهم:-تعالوا هوصلكم معايا
نظر له ابراهيم وابتسم هاتفا:-مفيش داعي اكيد هنلاقي تاكسي جاي دلوقتي
خالد بجدية:-صعب تلاقي دلوقتي ، الجو ليل والمنطقة اصلا مش معمورة فمتعاندوش واركبوا
ظهر علي وجهه ابراهيم التردد لكن شعور سمر الوحيد هو الخجل
وهي تري ان الصدف تلك الايام تجمعها مع ذلك الشاب كثيرا بعد ان كانت لا تراه بالاشهر
قال هو بنبرة غير قابلة للنقاش:-هروح اجيب العربية واجي .. استنوا هنا

ثم غادر وتركهم ، قال ابراهيم لسمر:-بكرة هنروح عند رضوي .. صح ؟

اؤمات بنعم وهي تري تلك اللمعة التي تظهر في عينيه
انها لمعة الحب ويالها من لمعة...
_____________________________
الساعة وصلت لـ الرابعة فجرا وحسن لم يأتي بعد ، اخذت تجول الغرفة ذهابا وايابا بقلق وهي تحاول الاتصال به
لكن جاءها الرد المعتاد
" الرقم الذي طلبته غير متاح "
تنهدت بتعب وجلست علي الفراش وراحت تهمس بقلق:-انت فين بس ياحسن ؟

مرت دقائق عديدة ودون سابق انذار وجدت نفسها تغفي علي الفراش بتعب وارهاق..

بغرفة نيسة ورضوي ..

صرخت نيسة بغضب:-بت انتي نصابة زي ابوكي
رضوي ضاحكة وهي تأخذ جميع ورق الكوتشينة:-نصابة اي ياتيتا ، انا اخدتهم بالولد
نيسة بضيق:-ما انا عارفة انك اخدتيهم بالزفت ، بس دا رابع ولد يجيلك ، بت شكلك انتي وبتفنطي الورق حطتيهم ليكي
رضوي:-اية ياتيتا التفكير الشيطاني دا ؟ غير اصلا انك انتي اللي مفنطاه مش انا
نيسة بتعجب:-بجد !!
اؤمات بنعم ، فقالت الاخري وهي تستعد لتلعب دورا اخري:-طيب يلا نلعب مرة كمان والمرة دي هقطعك
رضوي بضحك:-بقالك ست مرات تقولي كدا وانا اللي بكسبك ياتيتا
نظرت لها بشزر ثم هتفت وهي تتأوب:-طيب انا تعبت ، يلا ننام وبكرة نكمل
رضوي بأرهاق هي الاخري فهي خرجت من العمليات بالصباح:-يلاا