ما وراء الأقنعة /بقلم أفراح اسماعيل

البارت (36)

حسين : ان... انس ازاي مش فاهم ثم صمت قليلا واردف قائلا : انتا مش إياد انتا انس صح

أنس بخبث : الله ينور عليك جي وقت الحساب بقى بس الاول تعالي معايا وأمر عبد الرحمن بالقاء القبض عليه والتوجه نحو المجمع بعد أن حجزوا على البضاعه والتي أصبحت دليلا قويا على حسين بعد التسجيلات

في المجمع في فيله عز الدين

الجميع يجلس في انتظار انس بعد أن قام حسام بالاتصال على مصطفى وطلب منه أن يجعل الجميع في انتظارهم في الصاله الجميع دون استثناء وصل انس ومعه أبناء عمه والرائد يجر خلفه حسين مطأطأ الرأس يداه مكبلتان

تقدمت سمر نحوهم وقالت بشهقه: بابا

اشرف وهوه يحتضن والده وبعيون دامعه: في ايه قابضين على بابا ليه يا ابيه أشار انس بعينيه لحسام لكي يقوم بنزع اشرف من حضن والده ويقوم بتهدئته

أنس وهوه يجلس ببرود على الاريكه: انتو طبعا مستغربين روحنا فين على صباحيه الله وعمي مقبوض عليه ليه الصراحه كلنا عايزين نسمع الحكايه منك يلاا ابدأ احكي وأمر الجميع بالجلوس

حسين : انتا كداب كداب يا انس انا معملتش حاجه معملتش حاجه انتا بس علشاان بتكرهني عايز تتبلي عليا

أنس : كان نفسي تحكي بكرامتك بس عادي الي متعود على حاجه ميقدرش يستغني عنها المهم انا عارف هخليك تحكي ازاي وبدأ بتشغيل التسجيل

الجميع يستمع الي التسجيل في صدمه ماعدا عز الدين الذي تذكر حين انس حكي له عن أفعال عمه بالأمس لكي لا يستمع فجأه الي الموضوع ويتعب قلبه ولكن هذا لا يعني انه كان منكسر جدا من أفعال ابنه

عز الدين : ياخساره والله يا ابني ياخساره للدرجه دي الشر عمي علي قلبك للدرجه دي لدرجه تعمل كل المصايب دي وعلشان ايه علشان شويه فلوس ياريتني ماجبتكو ياريتني كونت موت قبل ما اشوف كل ده

تقدم انس نحوه وقام باحتضانه ثم قال : احنا متفقناش كده ياجدو انتا عارف كل حاجه لازم تبقى أقوى من كده وخلاص الحق هينتصر وكل حد هياخد جزاته وربنا عوضك بينا احنا ياجدو علشاني انا واحفادك ياجدو

ربت عز الدين على كتف حفيده بيأس واضح ثم قال : ربنا يباركلي فيكو ياحبيبي

نظر انس الي عمه ببرود ثم قال : احكي يلا احنا ورانا أشغال مش فاضينلك

توجه حسين بسرعه نحو والده ثم قال بعصبيه وحده : عايزني اقول ايه هااا اقول ايه وانا معملتش حاجة كل الكلام ده كدب والتسج...... لم يكمل جملته أثر الصفعه القويه التي تلقاها من عز الدين

عز الدين : يابجاحتك يخويا وليك عين تكدب

حسين وهوه يضع كفه على وجنته التي احمرت أثر الصفعه ثم قال : عايزني اقول ايه انتا السبب في كل حاجة احنا وصلنالها