Unicode 💜💜💜
ဒီနေ့က ရုံးပိတ်ရက်ဖြစ်တဲ့ စနေနေ့လေးပေါ့။ နှင်းဝေတို့အိမ်ကို ထမင်းစားဖိတ်ထားတဲ့နေ့ဆိုလည်း မမှားပါဘူး။ အိမ်က အဖေနဲ့ အန်တီလည်း ထမင်းစားဖိတ်တဲ့အကြောင်းကြားတုန်းက အံသြနေခဲ့ကြတာ။ အခုလို လွယ်လွယ်ခွင့်ပြုမယ်လို့ မထင်ခဲ့ကြဘူးလေ။
အခုတော့ နှင်းဝေတို့ အိမ်ရဲ့ ဧည့်ခန်းမှာ နှင်းဝေရဲ့ အဖေနဲ့အမေကိုတွေ့ဖို့ ၊ အဖေနဲ့အတူ ကျွန်မလည်း စောင့်နေရတယ်လေ။ အန်တီ ကတော့ နေမကောင်းဘူးဆိုတဲ့ အကြောင်းပြချက်နဲ့ အိမ်မှာနေခဲ့တာပဲ။ သူမ လိမ်နေမှန်းတော့သိပါတယ်။ သူမအနေနဲ့ အခုလို တွေ့ဆုံရတာ အနေကြပ်နေမှာပေါ့။
နှင်းဝေ တစ်ယောက်ကတော့ ထုံးစံအတိုင်း အဖေ့ဘေးနားကပ်ပြီး ချွေးမအလိမ္မာလေး လုပ်နေလေရဲ့။
နှင်းဝေ " အဖေ... အဖေ့အတွက် သံပုရာရည် လေး။ သမီး ကိုယ်တိုင်ဖျော်ထားတာ။ "
တာရာ " ဒီက အစ်မ အတွက်ရော။ "
နှင်းဝေ " ပြီးမှ အပြင်မှာလိုက်တိုက်မယ် အစ်မကိုတော့။ "
တကယ်ပဲ သူကိုယ်တိုင်ဖျော်ထားတာလေး သောက်ချင်လို့ပါ ဆိုတာကို နားကိုမလည်ဘူး။
ဧည့်ခန်းထဲမှာ ကျွန်မနဲ့ နှင်းဝေ ချစ်စဖွယ်အငြင်းအခုံလေး လုပ်နေတုန်း Bossနဲ့ နှင်းဝေအမေ ရောက်လာလေသည်။ ခုနကဆူပုတ်နေတဲ့ ကျွန်မပုံစံ ကိုပြန်ပြင်လိုက်ပြီး ရင့်ကျက်တည်ငြိမ်တဲ့ ပုံစံ ပြောင်း လိုက်သည်။ နှင်းဝေအမေကတော့ အရင်လို မဟုတ်ပဲ ကျွန်မ အဖေကို ချိုချိုသာသာနဲ့ ကြိုဆိုရှာပါတယ်။ ထိုအခါမှ ကျွန်မ ရင်ထဲက အလုံးကြီး ကျသွားသလို ခံစားလိုက်ရသည်။
နှင်းဝေ အမေ " တာရာ့ အဖေထင်တယ်။ တွေ့ရတာဝမ်းသာပါတယ်။ သမီးလေးကို ကောင်းကောင်းမွန်မွန် သင်ကြားဆုံးမထားတာပဲ။ ကလေးက အတော်လေး လိမ္မာတယ်။ အိမ်ကသမီးပဲပြောနေရတာ ။ သမီးက တဇွတ်ထိုးလေး ဆိုတော့။ "
ဦးလွန်းကြည် " နှင်းဝေလည်း လိမ္မာပါတယ်။ အရမ်းချစ်ဖို့ကောင်းတဲ့သမီးလေးကိုမွေးထားတာပဲ။ ကျွန်တော့သမီးကိုလည်း အရမ်းချစ်ပေး တာတွေ့ရတော့ အရမ်းဝမ်းသာမိပါတယ်။ ကျွန်တော့သမီး ကို တသက်လုံး အပျိုကြီး ဖြစ်သွားမယ်ထင်နေတာ ...အခုမှ စိတ်ချသွားတော့တယ်။"
YOU ARE READING
Never ending Love
Romanceခံစားချက်ပျောက်ဆုံးနေတဲ့မိန်းကလေးနဲ့ အရာရာအကောင်းမြင်တတ်တဲ့ကောင်မလေး သူတို့နှစ်ဦးတွေ့ဆုံချိန်ကရှုပ်ထွေးလွန်းတဲ့ကာလဖြစ်နေသောအခါ တဦးပေါ်တဦးနားလည်မှုတွေနဲ့ဘယ်လိုရပ်တည်သွားမလည်း # GL fic # ##Own creation## တခံစားခ်က္ေပ်ာက္ဆုံးေနတဲ့မိန္းကေလးနဲ႕ အရာရာအ...
