رواية .. ♤ بلاك اير ♤
بقلم ... كيمو 🍟
...10
*فعلا بعد شويه كدة ميدو وصل عند ياسر و يسرا و قال ليهم يلا نبدا شرح طوالي عشان م عندي زمن ..*
*بدا يشرح ليهم و بعد م انتهو يسرا بي صوت واطي قالت لي ياسر قوم قوم ..*
ياسر { طيب انا طالع احول رصيد و اجي
ميدو { خلاص خلصنا شرح انا زاتي ماشي
يسرا { و صور المحاضرات ي ميدو ؟؟ م رسلتهم لينا
ميدو { اهااا اي صح والله
ياسر { خلاص حولهم لي يسرا مسافه م امشي اجيب الرصيد و اجي
ميدو { خلاص طيب
*ياسر طلع ... ميدو قال لي يسرا افتحي الشير طيب عشان احولهم ليك .. يسرا سرحت فيهو و بتعاين ليهو بس .. ميدو انتبه ليها قال ليها مالك ي يسرا؟*
يسرا { م بتحبك والله
ميدو { شنو ؟؟ م فهمتك
يسرا { عزة
ميدو { مالها ؟
يسرا { م بتحبك والله
ميدو { كيف يعني ي يسرا .. لي بتقولي كدة
يسرا { عشان انا البحبك ي ميدو
ميدو { ؟؟؟؟؟؟ بتقولي في شنو انتي ي يسرا
يسرا { م تستغرب .. انا بحبك من زمان والله
ميدو { انتي جادة ؟
يسرا عيونها بدت تدمع { اي والله
ميدو { طيب م تبكي انتي اسي ياخ
يسرا { عزة دي بتلعب بيك ساي ي ميدو والله انت م بتنفع معاها ولا بتحبك
ميدو { لا ياخ .. م عشان هي متغيرة معاي الايام دي معناها م بتحبني
يسرا{ والله م بتحبك ..
ميدو { انتي البخليك متاكدة كدة شنو
يسرا { سمعتها والله .. وانا م برضى انك تتذلى لي زول .. وانا بحبك .. خلاص خليك منها و حبني انا
*ميدو سكت مسافه كدة و م رد ليها ..*
يسرا { مالك سكتا
ميدو { م بقدر ي يسرا .. اذا انتي من زمان بتحبيني . انا من زمان بحب عزة .. يعني انتي من زمان كنتي تعترفي لي
يسرا { كم مرة كنتا عايزة اعترف والله بس م عارفه كل مرة بتحصل حاجه غبيه
ميدو { خلاص بس
يسرا { شنو الخلاص ي ميدو
ميدو { م عارف والله
يسرا { صدقني عزة م بتحبك و الايام ح تثبت ليك كلامي
