بلاك اير

بلاك اير 14

رواية .. ♤ بلاك اير ♤

بقلم .. كيمو 🍟

♤14♤

معتز بي ضحكة خبيثة كدة { الصور قاااااااااعدة

فوكس { ي ابن اللذينه .. كيف قاعدة طيب

نور { فهمنا ي روحي

معتز { الكاميرة دي معمولة بي نظام كومبيوتر يعني زي الويندوز كدة ..

فوكس { اها ..

معتز { بس فيها سلة محذوفات يعني عادي برجع الصور ..

نور { واااااااو بي كلو .. كاميرة لكن

فوكس { ااااهاهاها يعني اسي هم قايلين الصور اتمسحو خلاص .. يحليلهم والله

معتز { انتو عارفين انا كنتا ناوي افضحو في الجامعه بس لكن بعد العملو اصحابو ديل انا ح افضحو في الجامعه و في بيتهم و في الفيس و الانستا ..

فوكس { ااااهاهاهاها والله فضيحتو بي جلاجل

نور { ياخ انت م تضحك زي الناس شنو هو ااااهاهاهاها قديت اضاني

فوكس { غايتو الزول م يضحك في الدنيا دي

نور { اي ياخ م تضحك

فوكس { غبية دي

نور { غبية انا ؟ شوف صحبك دا

معتز { هوي مالكم م خلاص

فوكس { اها اسي ورينا ح تعمل شنو

معتز { الصبر بس .. الصبر كما خليتو يخاف الكلية م يجي

فوكس { ااااهاهاهاها

نور عاينت ليهو بي زهج كدة و قالت ليهو { غياظ دا

فوكس { عليك الله اسكتي

معتز { ح تقفلو ولا اقوم منكم

نور { خلاص خلاص ي روحي

//
*الساعه12 بعد الظهر ..*

*انس و ميدو و حازم و معاهم هند رجعو الكليه و قعدو مع يسرا و ياسر ..*

يسرا { دا شنو انتو كنتو وين

انس { موووضوع ياخ

ياسر { احكو لينا

انس { طيب ح احكي ليكم

ياسر { طيب

انس { طيب اول شي وين مي الليله و تلفونها مقفول

هند { اي والله اتصلتا ليها كتير لكن مقفول ..

انس { و عزة برضو وين م جات لحدي اسي

ميدو { انا بتصل لي عزة اصلا م ردت علي

هند{ عليك الله هي من متين بترد عليك

يسرا { مش عليك الله

*في اللحظة دي ميدو حسا بي احراج كدة و انس عاين لي هند و قال ليها شنو يعني .. هند ردت و قالت ليهو انا زاتي اتصلتا ليها مليون مرة م ردت و بسببها م معروف كان ح يحصل لي حازم شنو لو م حصلناهو ..*