رواية .. ♤بلاك اير♤
بقلم .. كيمو🍟
♤20♤
*ميدو بعد م شاف هند كانت قاعدة مع ناس معتز م اشتغل بالموضوع كتير و كان بس مركز على يسرا ودخل لقى الشله كلها قاعدة و عزة جات وراهو ..*
مي{ حبايب القلب وصلو ..
ميدو { ي يسرا
يسرا { نعم
ميدو { عايزنك دقيقه
*ياسر قاطعو و قال ليهو { لالا خلاص ماف داعي انا مسحتا الصور كلها من تلفونها .. امبارح في البيت فتشت تلفونها و لقيت الصور البتقولو عليها دي حقت اختك ي عزة و مسحتها خلاص..*
عزة { يعني خلااااص تاني ماف صووووور لي ملاذ !!
ياسر { اي خلاص
ميدو { الحمدلله ي قلبي ياخ خلاص كدة
*عزة فرحت شديد بس لاحظت ليهم ماف ولا زول فرح ليها غير مي قالت ليها الحمدلله بس .. و ياسر كان زهجان من العملتو اختو و يسرا كانت حاقدة على عزة زي م انتو عارفين و هند اصلا عارفنها بتكره عزة و مستحيل تفرح ليها و حازم كان شايل هم موضوعو مع معتز و انس كان عادي كدة ..مي قاعدة جمب انس و براحه كدة قالت ليهو ..مالكم ي جماعه م فرحتو لي عزة .. حتى انت ي انس اي زول فيكم مادي بوذو كدة .. انس قال ليها ولاشي عادي ي مي م خلاص موضوع وانتهى و تاني اختها دي م تعمل كدة بس .... مي قالت لي انس طيب مع اني م عارفاك مالك ..*
*هند قامت و قالت ليهم احم احم يلا ح اقول ليكم احلى خبر ممكن تسمعو ..مي قالت ليها اها في شنو كمان .. هند قامت عاينت لي حازم بي نظرة حلوة كدة و حازم عاين ليها ب استغراب كدة .. هند قربت منو و قالت ليهو بي صوت عالي صورك كلهاااااا اتمسحت من معتززززز .. حازم اتفاجئ كدة و قام و قال ليها انتي جادة ؟ كيف عرفتي .. هند قالت ليهو انا اتصرفتا بس م بقدر اقول ليك كيف المهم انت م تمسح حسابك ولا ح تسجل فيديو تعتزر فيهو و الاهم من كدة انك ح تجي الامتحانات و تمتحن و انت م خايف من اي شي ..*
*حازم على قدر م كان فرحان على قدر م داير يعرف هند عملت شنو بس الفرح سيطر عليهو اكتر و عاين لي انس بي استغراب كدة انس ضحك ليهو و طوالي حازم قام كدة و نفسيتو اتغيرت 180 درجه و الفرح و الابتسامه دي في وشوو .. و كلهم قالو ليهو مبروك و فرحو ليهو الا عزة كانت زهجانه شديد بعد م ماف زول عبرها في موضوع اختها .. و برضو انس م كان فرحان شديد لي حازم و برضو مي لاحظت ليهو و براحه قالت ليهو والله ي انس انت م طبيعي حتى بعد م صور حازم اتمسحت م فرحتا .. انس قال ليها فرحان ي مي والله فرحان يعني اقوم انطط م خلاص .. مي قالت ليهو راحتك*
*حازم قال ليهم طيب بالمناسبه دي انا عازمكم حفلة ح اعملها في البيت و لازم كلكم تجو ..*
