بلاك اير

بلاك اير 7

رواية ..♤ بلاك اير ♤

بقلم .. كيمو 🍟

..7

*مر ثلاثه ايام .. و محمد بعد الكلام القالو لي عزة معاملتها معاهو اختلفت و بقت م بتتكلم معاهو الا لو اضطرت .. و نور بقت قريبه من حازم اكتر و الليله في الجامعه كلهم كانو قاعدين .. حازم قال ليهم عايز اقول ليكم خبر .. انس قال ليهو اها احكي ..*

حازم { انا قررتا ارتبط ..

*في اللحظه دي هند قامت وقفت .. حازم عاين ليها و قال ليها مالك وقفتي ي بت .. مي قالت ليها اقعدي اقعدي ي هند ..*

حازم { المهم ي جماعه قررتا ارتبط بي نور لانها م زي اي بت و لانها طيبه و حسيت معاها ب احساس عمري م حسيتو مع بت

نور { حبيبي انت ..

حازم { حياتي والله

نور { شنو يعني اصحابك م ح يباركو لينا ولا كيف

انس { لالا ياخ معقوله .. مبروك  مبروك

حازم { الله يبارك فيك ي انس عقبالك كدة

انس { انا اااا وين يا

حازم { هههه بتجيك البت البتحبك زي م انا جاتني نور دي كدة ..

نور { حبيبي ياخ والله

حازم { حياتي انتي ..

*هند م قدرت تستحمل الكلام و طوالي قامت و طلعت منهم .. مي و عزة طلعو وراها ..*

*مشو قعدو مع بعض ..*

هند { انا لو كنتا قعدتا اكتر من كدة م عارفه كنتا ح ارتكب جريمه

مي { اهدي اهدي ي عسل

عزة { تهدا كيف ي مي انتي م شايفه الحصل دا .. بالجد حنيت عليك ي هند

هند { كدي اها وروني عملتو شنو

مي { دقيقه اتصل على ريماز

هند { اها

*مي اتصلت على ريماز ..*

ريماز { اي ي مي

مي { كيفك ي ريماز

ريماز { تمام والله

مي { انتي ي ريماز معتز و نور لسه مربطين

ريماز { اي والله ي مي حتى امبارح كانو مع بعض

مي { ايواااا .. عايزة اسالك برضو

ريماز { اها

مي { هي مش صحبتك شديد يعني اكيد بتحكي ليك عن معتز صح

ريماز { اي اكيد

مي { طيب يعني هي ممكن تخونو او تفكر تحب عليهو ولد تاني

ريماز { مستحيييييييل

مي { لي؟؟

ريماز { ي بت هي بتموت فيهو موت و بتعمل ليهو اي شي و بتسمع كلامو و لما خلو بعض قربت تنتحر عشانو لكن في الاخر رجع ليها