بلاك اير

بلاك اير 2

رواية .. ♤ بلاك اير ♤

بقلم .. كيمو 🍟

◇2◇

هند { انا مسافرة لبنان بعد كم يوم ..

*🖊كلهم انفعلو معاها و قالو ليها كيف يعني و اصلا باقي اخر سنه و خلاص .. الا عزة براحه كدة قالت ليها انا لو مكانك بمشي طوالي ..مي ضربتها في رجلها بي تحت و لما عاينت ليها بصوت واطي قالت ليها اسكتي ي عزة .. علاقة عزة مع هند م كويسه شديد و عاديه كدة .. لانه زي م قلتا ليكم عزة بتكره طريقه اللبس حقت هند و شايفاها مخلوعه و بتحب تظهر نفسها دايما .. و هند بتكره طريقه الكلام حقت عزة و م عاجباها اسلوبها و بتحس بيها بتتحنكش كدة و كيف كيف .. المهم هم الاتنين م بحبو بعض خالص لكن اي وحده ساكتة بس عشان م يطلعوها غلطانه لو اتكلمت ..المهم دي مشاكل بنات م عندنا بيها شغله كثير*

انس قال لي هند { لي يعني ح تسافري

هند { ابوي قال لي امي لازم نجي هناك و نعيش نهائي

مي { طيب م قلتي لي امك انك عايزة تخلصي قرايتك

هند { قلتا ليها .. بس ابوي خلاص رسل لينا و قالت لي خلاص ح نمشي ..

ميدو { مشكلة كدة ..

انس { لالا ي ميدو م مشكلة والله .. دي مصيبه ..

مي { طيب انتي م حاولتي تقنعي امك انك عايزة تقعدي و تكملي قرايتك

هند { م ح توافق .. و لو وافقت ابوي م ح يوافق .. الموضوع صعب ي جماعه

انس { انتي عايزة تقعدي صح؟

هند { اكيد ي انس اصلا م بقدر افارقكم ..

عزة بي صوت واطي كدة { كما عرفتينا قبل شهر ولا شهرين

مي سمعتها و عاينت ليها بي نظرة كدة معناها انا مش قلتا ليك اسكتي ..

انس { والله ي هند كلنا عايزنك و م بنقدر انك تفارقينا ..

*هند من قلبها م كان فارق معاها زول غير حازم و كان نفسها يتكلم و يقول اي شي ليها .. بس هو كان ماسك تلفونو و م مركز معاها اصلا ..وهي كانت مركزة و بتعاين ليهو .. انس و مي انتبهو لي هند و طوالي انس قال لي حازم .. اها ي حازم فكر معانا .. حازم قال ليهو في شنو مالكم تقريبا سامع هند قالت مسافرة ..*

انس { اي ..

حازم { طيب كويس هو في زول لاقي انه يطلع برة البلد دي

عزة طوالي قالت { مش عليك الله ي حازم .. بس تقول شنو

*🖊هند كلام حازم دا زهجها اكتر مما هي زهجانه و سكتت بس م ردت .. و اتجاوزت كلام عزة عشان م فاضية ليها*

مي { انا جاتني فكرة ي هند

هند { ماف شي ح ينفع خلاص💔

مي { استني اسمعي الفكرة اول