بلاك اير

بلاك اير 4

رواية .. ♤ بلاك اير ♤

بقلم .. كيمو 🍟

◇4◇

هند { معتز عديل !!

مي { اي معتز ..

هند { كيف عرفتي

مي { في وحدة صحبتي اسمها ريماز كانت خاته صورة في الاستوري للبت دي و معاها معتز و تقريبا كانت كاتبه ( الله م يفرقكم تاني )..

هند { طيب لي جايه مع حازم و ملصقه فيهو كمان لو هي حبيبه معتز

مي { استني ي هند .. الفي راسي دا لو طلع صح .. ح يساعدنا كتييييير في موضوعك مع حازم

هند { كيف؟

مي { كدي تعالي قومي قومي نرجع نقعد معاهم

*مي و هند رجعو تاني للشلة بس حازم و نور مافيشين ..*

مي { مشو وين؟

انس { حازم و صحبتو ؟

مي { اي

انس { تقريبا مشى يوصلها القاعه حقتها عشان عندها محاضرة

هند { لي يعني م عندها رجلين ؟؟

عزة { هي م عادي ي جماعه يعني شنو كان وصلها ..

هند { احسن تسكتي مني ي عزة حاليا ..

عزة { انا قلتا ي جماعه يعني م سالتك انتي ..

مي { هي مالكم ياخ م تسكتو .. شنو ي عزة

عزة { سكتا

مي { اها ي انس البت الاسمها نور دي قال ليكم شنو عنها

انس { قال لينا اتعرف عليها قبل يومين و عرفها علينا بس

مي { اهاااا

محمد { هوي خلاص باقي دقيقتين للمحاضرة يلا نطلع .. قومي ي عزوز

عزة { تقوم قيامتك

محمد{ اصلها ح تقوم ..

انس عاين لي مي و قال ليها { ديل م ح يكبرو ح يصدعونا كدة لي يوم الدين ..

مي { ههههه الله يعينا

*في نهاية اليوم بعد محاضرات طويله و اي زول رجع بيتو ..  مي كانت تعبانه شديد منتظرة متين ترجع البيت .. و على فكرة مي عايشه مع امها بس و ابوها متوفي و م عندها اخوان و لا اخوات..  مي اول م وصلت باب شقتهم لقت وردة كبيرة قدام الباب و معاها حاجات حلوة كثير كدة .. مي نزلت كدة عشان ترفع الوردة  فجاءة من وراها ظهر (خالد) لمن هي اتهجمت و لما شافتو بقت تضحك و قال ليها كيفك ي غبية ..*

*(خالد) 27 سنه قريب مي بس باللفه كدة من بعيد شويه .. مرتبط بي مي ليهو اكتر من سنة بس م بقابلها كثير لانه شغال و م بكون فاضي و الموضوع دا بدا يزهج مي ..المهم خالد طيب و ظريف و وجيه و مكمل السماحه و بحب مي شديد و مي كمان بتحبو ..*

مي { ياخ هجمتني ي خالد

خالد { هههه سووووري ياخ ي عسل والله مشتاقين .

*مي عاينت ليهو كدة بي نظرة مختلفه عن كل مرة لما تشوفو بعد كم يوم او كم اسبوع م تشوفو ..*

خالد {مالك سكتي و بتعايني لي كدة ؟؟ م مشتاقه لي ولا شنو ؟

مي { مشتاقه

خالد { بدون نفس كدة ؟

مي { لالا بي نفس ..

خالد { في حاجه ي قلبي ؟

مي { م عارفه والله ي خالد ..

*ام مي سمعت كلام جمب الباب و طوالي فتحت الباب ..*

ام مي { خااااالد ازيك ي ولدي شنو الغيبة الطويلة دي

خالد { الشغل والله ..ازيك ي خالتي انتي تمام

ام مي { تمام والله في نعمة .. لي واقفين في الباب ..م قلتي ليهو اتفضل ولا شنو ي مي ..

مي { لا طبعا اتفضل ي خالد ..

*خالد دخل و قعد و ام مي قالت ليهو ح اعمل ليك شاي .. المهم خالد بدا يتكلم مع مي ..*

خالد { اها ي مي مالك متغيرة ؟

مي { طبيعي اتغير ي خالد بقيت مشغول شديد بالشغل و م فاضي دايما و اسبوع بقى اقل شي عشان اقدر اشوفك

خالد { ليك حق والله ي قلبي تزعلي بس انا م في يدي حاجه والله انا لو علي الليله اجي و اخطبك و افضى ليك كمان طول العمر

مي { ان شا الله ..

خالد { حاسيك لسه زعلانه بس م مشكلة ح اراضيك .. عشان الليله انا مجهز ليك طلعه ظااااابطه اسي ح نطلع ..

مي { لالا تعبانه والله

خالد { ماف شي اسمو تعبانة يلا يلا

مي { ياخ طيب خليني اغير ملابس الجامعه دي ..

خالد { سريييييع ..

*مي دخلت تغير و امها جابت الشاي لي خالد ..*

خالد { طالعين نحنا ي خالتي طيب ..

ام مي { طيب بس ي ولدي حاول تستعجل شويه و تجي تخبطها سريع عشان م تروح منك 

خالد { ان شا الله ي خالتي

*شويه كدة و مي جات طالعه و طلعت مع خالد ..*