عروسه الصعيد

عروسه الصعيد
البارت التاني
في بيت بتول الباب خبط ففتحت الباب
بتول : مين حضرتك
الراجل : انا عايز ايجار الشقه مش كفايه صابر عليكم أسبوعين
تطلع الأم علي صوت الراجل وهي بتقول مين ي بتول اللي علي الباب وصوته عالي ليه
الراجل بغضب : انا ي اختي اللي علي الباب وقدامك يومين لو مجبتيش الإيجار مشوفش وشكم في الشقه دي تاني
فريده : حاضر يومين والإيجار يكون عندك
طلع الراجل من عندهم وهو غضبان
بتول : ليه ي ماما مقولتيش كنت اتصرفت بالمبلغ
فريده : انتي في ايه ولا ايه ي بنتي كفايه عليكي دراستك متشغليش بالك
بتول : انا هسافر بكره وأدور علي شغل بعد الكليه عايزه اشيل شويه معاكي مش كفايه شايله كل حاجه فوق رأسك
فريده : نبقي نتكلم في الموضوع دا بعدين يلا تعالي اتعشي ونامي عشان عندك سفر بكره
بتول : حاضر ي ماما
في فيلا عماد العمارني
عماد : مبروك عليك الصفقه ي يوسف
يوسف : الله يبارك فيك ي بابا
فايزه : مبروك ي حبيبي من نجاح لنجاح
يوسف :الله يبارك فيكي ي ست الكل انا رايح عند اكرم افرحه بالخبر دا
استوب
اكرم اخو يوسف الكبير كان ظابط شاطر في شغله قاعد علي كرسي متحرك ووفقد النطق لان عمل حادثه وهو شجاع ومش بيخاف من حد
دخل يوسف علي اكرم لاقيه شارد فباس راسه وسلم عليه
يوسف : عامل ايه ي اكرم دلوقتي
اكرم هز رأسه بمعني كويس
يوسف : عارف انا عندي خبر حلوه انا كسبت الصفقه ضد شركه جاسر الأسيوطي وأخلي شركته تعلن الإفلاس ولسه هندمه علي كل حاجه عملها معاك عشان يعرف ان اللي بيجي علي عيله العمراني بيحصله ايه انا عايزك تتطمن وهجبلك حقك
اكرم هز راسه والدموع في عنيا وشريط ذاكرياته ظهرت قدامه
فلاش باك
اكرم : هات كل الملفات اللي تتعلق بقضيه جاسر
مجدي : بس القضية دي صعبه والراجل دا مش سهل ومفيش اي دليل تثبت انه بيتاجر في المخدرات والأسلحة لانه رجل أعمال معروف ف احسن ليكي تبعد عن القضية
اكرم بعصبيه : انا قولتلك هات الملفات وملكش دعوه
مجدي : براحتك بس انا حذرتك
تسريع الأحداث
في فيلا عماد العمراني
اكرم : بابا انا عاوز اتجوز
عماد بفرحه : الف مليون مبروك اخيرا ي ابني افرح بيك
فايزه : مبروك ي حبيبي ومين سعيده الحظ دي
اكرم : هتعرفوها بالليل بعد اذنكم اروح انام شويه عشان ماريا هتيجي كمان ساعتين ، امال فين يوسف
عماد : يوسف في الشركه عنده شغل كتير النهارده
اكرم : ربنا معاه
اكرم دخل اوضته وكلم ماريا
استوب
ماريا بنت رجل الأعمال جاسر الأسيوطي متوسطه الجمال مغرورة بتحب اكرم عشان فلوسه عل الرغم انها غنيه مكنتش تعرف ان اكرم ظابط وهو كان مخبي عليها هنعرف ليه في الفصل الجاي
اكرم : اذيك ي حبيبتي عامله ايه
ماريا بدلع : كويسه ي حبيبي
اكرم : بقولك جهزي نفسك عشان بابا وماما عازين يتعرفوا
عليكي
ماريا : هواء ربع ساعه وأكون عندك يلا بقا اروح اجهز
في بيت ماريا
ماريا في نفسها : اخيرا كل العز دا يكون ليا دا انا أخليه يكتبلي كل حاجه يا سلام وبعد كدا جهزت وراحت فيلا عماد
في الفيلا
دخلت ماريا بكل تكبر وغرور
ماريا بتكبر : هاي ي طنط عامله ايه
فايزه : الحمدلله ي بنتي
ماريا : هاي ي اونكل
عماد من غير نفس : الحمدلله
اكرم : اتفضلي ي ماريا انتي مش غريبه
ماريا : حاضر ي بيبي
فايزه في نفسها : هو ملاقيش بنات غير البنت دي دي ملزقه
الداده : العشاء جاهز
وفجاه سمعوا صوت يوسف
يوسف : هتاكلوا من غيري
اكرم : واحنا نقدر بردوا وبص لماريا وقال دا يوسف اخوي الصغير ودي ماريا حبيبتي وتكون مراتي قريب
يوسف : اخيرا هتتجوز دا انا كنت فاقد فيك الأمل
اكرم : شوفت بقا يلا ناكل عشان انا جعان
قضوا وقت مع بعض مابين تكبر وغرور ماريا وغيظ فايزه من ماريا وبعد كدا ماريا مشيت وكل واحد راح لاوضته
في اوضه اكرم
اتصل اكرم بمجدي صديقه
اكرم : اذيك ي مجدي
مجدي : الحمدلله
اكرم : عرفت اي اخبار عن ميعاد التسليم
مجدي : اخر الأخبار اللي وصلتلي ان التسليم بعد شهر
اكرم: تمام وانا فرحي بعد شهر لغايه ما أتأكد علي الميعاد
مجدي : انت ناوي علي ايه
مجدي : هتعرف كل حاجه في وقتها يلا سلام
ي تري اكرم ناوي علي ايه ؟
Nora zakaria