في بيت بتول الباب خبط ففتحته ساره وأول ما فتحته اتصدمت وقالت اتفضل
سعيد : ساره موجوده ؟
ساره : ايوه موجوده اتفضل ثم قالت في نفسها ربنا يسترها
سعيد وخالد دخلوا الشقه وبدا الحديث كالتالي
سعيد : البقيه في حياتك ي بنتي شدي حيلك هي كانت ست مفيش زيها في العماره
بتول من غير نفس : وحياتك البقيه
سعيد : شوفي ي بنتي من غير لف ولا دوران انا جاي اطلب ايديكي لابني خالد
بتول وساره في صوت واحد : ايه
سعيد : انتي دلوقتي بقيتي لوحدك ومحتاجه حد معاكي وخالد بيحبك
بتول : شوف ي عمي انا مقدره انك خايف عليا لكن انا مش موافقه علي الجواز
خالد بكل ثقه : انا مش ناقص حاجه كامل من كله مش فاضل غير موافقتك
بتول : انت ناقصك عقل من اللي بتشربه ولا سُمعتك اللي كل العماره عارفها يبقي ازاي أوافق عليك ؟
خالد بعصبيه : انا يتقالي كدا انا لما وريتك ي بتول يلا ي بابا بلاها جوازه
طلعوا سعيد وخالد من البيت والغضب مسيطر عليهم
بتول : عاهات وبتتحدف علينا
ساره : ايوه والله
في بيت اول مره نروحه وهو بيت هاني عم يوسف
ناهد (مرات هاني ): هتفضلي قاعده كدا كتير مش هتعملي حاجه مفيده يوسف هيضيع منك وفلوسه هتضيع مننا
سالي : ي ماما ما انا بعمل اللي اقدر عليه وهو اصلا مش بيحبني ولا بيعبرني حتي
ناهد : علشان انتي هبله ومش بتشغلي مخك
مريم : ي ماما يوسف مش بيحبها هتخليه يحبها بالعافية
استوب
مريم أخت سلوي لكن مريم طيبه عكس سلوي اللي ورثت الحقد والطمع من مامتها
ناهد : ملكيش دعوه انتي وعجبك يعني لما فلوس يوسف كلها تروح لواحده منعرفهاش وبعد كدا تنصب عليه احنا هنا اطمن
سلوي بتكبر : ايوه انا اولي بكل الفلوس دي بدل ما تيجي واحده معفنه من الشارع تاخد كل حاجه علي الجاهز
مريم استغربت من تفكيرهم وقد ايه هما طماعين لكن مقدرتش تقول حاجه عشان عارفه رد امها
ناهد : مريم روحي هاتي عصير من التلاجه
مريم : حاضر ي ماما
بعد ما مريم وراحت المطبخ ناهد قالت
ناهد بخبث : اسمعي اللي اقولك عليه كويس ومش عايزه حد يعرفه غير انا وانتي وبس عشان الجوازه دي تم
نسيبيهم يخططوا براحتهم
في بيت سعيد
خالد بعصبيه : انا تقولي ناقصك عقل ومش موافقه عليا ماشي ي بتول انا اعرفك مين خالد
سعيد :اهدي بس ي خالد وانا اعرفها اصلها كويس ، احنا دخلنا البيت من بابه وهي قلت أدبها معانا يبقي تستحمل اللي اعمله فيها
خالد : هتعمل ايه ي ابوي
سعيد : هطلعها من الشقه واخليها تتشرد في الشارع زي الكلبه
خالد: لو طردتها من الشقه هتروح عند صاحبتها ساره
سعيد : ام ساره ست عقربه وخلقها ضيق وهما يومين بالظبط وهطردتها بره البيت مش هتلاقي حد غيرنا فهتيجي راكعه تحت رجلينا وساعتها هتتجوزها وتعلمها الأدب
خالد بإعجاب : فكره حلوه ، دا انت دماغك سم
سعيد بفخر : أتعلم من ابوك شويه
في شركه يوسف العمارني وتحديدا في مكتبه
يوسف : انا عايز منك خدمه
زين : انا تحت امرك ي يوسف
استوب
زين صديق يوسف شاب عمره 30سنه ابوه مات وسابله الشركه يديرها وهو بذكائه وشاطرته كبر الشركه وفتح افرع كتير في كل مكان وعنده اخت واحده
يوسف : انت هتدخل في صفقه مع شركه حسام الأسيوطي الصفقه دي عباره عن اجهزه طبيه مضروبه وهنحط في العقد مبلغ مكنش يحلم بيه ومن غير اي شروط جزاء كل تفاصيل الصفقه في الملف دا ولغاية ما الصفقه تتم ولا كانك تعرفني مفهوم
زين : مفهوم ي يوسف وانا انشاءلله هروحله الشركه واعرض عليه الصفقه
يوسف : تمام كدا
وينتهي اليوم علي كدا
في صباح جديد تستيقظ بتول علي صوت جرس الباب
بتول : ايوه ي اللي علي الباب حاضر وفتحت الباب وقالت مين حضرتك
الراجل : انتي اللي مين دي شقتي
بتول : شقتك مين دا انا من ساعه متولد وانا عايشه هنا
الراجل : انا معرفش اللي بتقولي اللي اعرفه اني استلمت الشقه دي من صاحبها امبارح فخلصي كدا عشان حاجاتي تحت وعايز افرش الشقه
بتول في نفسها : ي سعيد الكلب عملتها فيا انت وابنك ثم قالت
بتول : طب استني عليا يومين أكون لقيت شقه جديده
الراجل بعصبيه : هو لسه هستني والحاجه اللي تحت أؤديها فين
طلعت ساره وامها الجيران علي صوت الراجل
ساره : فيه ايه ي بتول وماله الراجل بيزعق كدا
بتول : بيقول الشقه بتاعته وعايز يطلعني منها
الراجل : ايوه بتاعتي والورق دا يثبت
اخدت ساره الورق وأتأكد انه مظبوط
ساره : خلاص ي بتول تعالي عندي وانشاءلله هتلاقي حل للموضوع دا
بتول باستسلام :حاضر
دخلت بتول وساره ومامتها البيت
بتول : انا مش عارفه اقولك ايه ي ساره بجد شكرا
ساره : انتي عبيطه يابت انتي اختي ومفيش شكر بينا
بتول : ربنا يخليكي ليا
ساره : ويخليكي ليا
عدي اسبوع علي ابطالنا بدون احداث جديده وفي يوم تستيقظ بتول عشان تدخل الحمام سمعت الحديث اللي ما بين ساره وامها فتسمرت مكانها من الصدمة
أنت تقرأ
عروسه الصعيد
Roman d'amourتتحدث هذه الروايه عن فتاه في كليه هندسه وحيده باباها ومامتها بابها مات وهي عمرها 10 سنين ومامتها كانت بنشتغل في الخياطه عشان تصرف علي بنتها لكن للاسف ماتت هي كمان اصبحت يتيمه مش ليها حد ❤️
