عروسه الصعيد

الفصل السابع

في صباح يوم جديد تستيقظ بتول وهي داخله الحمام
سمعت ساره وامها وهما بيقولوا
ام ساره : هي صحبتك هتقعد عندنا كتير كفايه استحملنها اسبوع هو انا خلفتها ونستيتها
ساره : ي ماما بتول ملهاش غيرنا يعني هتروح فين طيب وكمان دي مش مقصره معاكي في حاجه دي مش بتخلينا نشتغل في البيت وبتعمل شغل البيت كله
بتول سمعت كلام ام ساره وكانت مصدومه ولكن قررت تمشي وكتبت ورقه وحطتها علي السرير ومشيت لما اتاكدت ان مفيش حد في البيت
في شركه حسام الأسيوطي
زين : هو حسام بيه موجود
السكرتيره: ايوه ي أفندم نقوله مين
زين : قوليله زين السيوفي وهو هيعرف
السكرتيره : حاضر ي أفندم ثانيه واحده
في المكتب
السكرتيره : في واحد اسمه زين السيوفي عايز يقابلك
حسام : خليه يدخل بسرعه
السكرتيره : امرك ي أفندم
طلعت السكرتيره : وقالت اتفضل مستني حضرتك جوه
دخل زين بكل شموخ وبرود المكتب
حسام : اتفضل ي باشا
زين ببرود : شكرا
حسام : حضرتك مفيش داعي ، انا جاي ومعايا صفقه هتكسبك ملاييين ومش بس كدا مفيش شروط جزاء ونسبتك 70% والملف اهو تقدر تتاكد بنفسك
حسام اخد الملف وقراه بس استغرب لما شاف المبلغ كبير
حسام : بس المبلغ دا كبير اوي وانت كدا هتخسر كتير
زين : عشان أكون صريح معاك انا مش بشتغل في الأجهزة الطبيه وسمعت ان شركتك بنشتغل في الحاجات دي وبالتالي هتستفاد اكتر وانا قولت انت اولي ب حد تاني ولو مش موافق عادي في شركات تاني تتمني تشاركني
حسام عجبه العرض وفرصه مش هتتعوض خاصه الصفقه هتكون مع زين السيوفي
حسام : خلاص انا موافق
زين بابتسامه انتصار : تمام نمضي العقد
مضي حسام العقد وبعد كدا زين خرج من الشركه واتصل بيوسف
يوسف : اي الأخبار
زين : حسام مضي العقد وشرب الطعم
يوسف : تمام اوي بس خلي بالك كويس عشان حسام مش سهل ومتخلوش يشك فيك وابقي غير رقمك
زين : من الناحية دي متقلقش انا واخد حذري كويس
في بيت ساره
ساره بصوت عالي : ياماما ي ماما
ام ساره : في ايه يابت بتزعقي كدا ليه
ساره : بتول مش موجوده في الاوضه ولا في الشقه كلها
ام ساره : احسن بردوا ريحتنا
ساره : دي ملهاش غيرنا يعني هتكون راحت فين
الأم :وانتي مالك شاغله بالك ليه ما راحت مكان ما راحت
ساره لقيت ورقه علي السرير فتحتها وكان مكتوب فيها
"ساره وطنط انا بشكركم كتير عشان وقفتوا جنبي سامحوني لو سببتلكم ازعاج في البيت واستحملتوني كتير بحبكم ...بتول "
ساره ببكاء : ي حبيبتي ي بتول ياتري روحتي فين
الأم : مالك بتعيطي ليه هو حد مات عندك وانا معرفش
ساره بصت لامها وبعدا كدا دخلت الاوضه وقفلت عليها الباب وفضلت تعيط
في الشارع
بتول لنفسها : طب اروح فين دلوقتي مليش حد هنا وفكرت شويه وقالت انا هروح السكن مفيش مكان غيره وبالفعل راحت محطه القطر وبعد ساعات وصلت السكن واستقبلتها صحبتها اسيل
اسيل : حمدلله علي السلامة ي بتول كل دا غيبه ي بنتي
بتول بحزن : الله يسلمك ي اسيل خلاص هبقي موجوده هنا علطول ومش هسافر تاني
اسيل : مالك ي بتول صوتك وشكلك مش مطمني
بتول : ابقي احكيلك بعدين بس المهم عايزه شغل
اسيل : حظك حلوه كنت بقرا في الجرنال النهارده وكان فيه اعلان عايزين موظفين جدد في شركه العمارني
بتول بفرح : بجد طب الشركه دي فين والميعاد امتي
اسيل : الشركه في ....... الساعه 10
بتول : شكرا ي اسيل بجد
اسيل : علي ايه ي روحي ، روحي غيري هدومك وارتاحي شويه عقبال ما اعمل الاكل
بتول : حاضر
في صباح جديد استيقظ يوسف وأخد دوش ولبس بدله سودا (زي رسمي) ونزل تحت
يوسف : صباح الخير
الجميع : صباح النور
فايزه : اقعد افطر ي بني
يوسف : ابقي افطر في الشركه عشان اتاخرت علي الموظفين الجدد..سلام
في الشركه يدخل يوسف الشركه بكل شموخ وعظمه وكيرزمه  اللي بتجذب اللي حواليه فهو بيسموا الأسد او الجوكر
يوسف : الموظفين كلهم موجودين ؟
السكرتيره : ايوه ي أفندم موجودين ومستنيين  حضرتك
يوسف : تمام دخليهم واحد واحد وعايز قهوه ساده علي مكتبي حالا
السكرتيره : امرك ي أفندم
دخلوا الموظيفين المقابله واللي أتقبل واللي اترفض وجي الدور علي بتول دخلت المكتب متوترة حاولت تخفي توترها شويه اول ما دخلت كان يوسف مريح رأسه علي الكرسي من التعب وأول ما سمع صوتها قام وشاف قدامه ايه من الجمال وفضل سرحان فيها وبعد كدا قال
يوسف : احم قدمي نفسك
بتول : انا بتول ماهر عوض العمراني
يوسف بصدمه : مين ؟
Nora zakaria