عروسه الصعيد

الفصل العاشر

(عروسه الصعيد )
البارت( 8)
مريم : هو دا كل اللي حصل وعشان انت اخوي مش بحب اشوفك في الموقف دا
يوسف : شكرا ي مريم عشان قولتيلي دلوقتي اسمعيني كويس ونفذي اللي اقولك عليه ماشي راقبي سالي ومامتك كويس ولما تلاقي سالي جايه الاوضه تعالي قوليلي بسرعه تمام وبعد كدا هتنامي في الاوضه وتتغطي كويس كان انا الموجود مش انتي وسيبي الباقي عليا
مريم : بس انا خايفه يعني ماما تعرف انا اللي قولتلها وبعد كدا تضربني
يوسف : نعم ! وبتضربك ليه انشاءلله
مريم : والله ي يوسف مش بعملها حاجه وكل اللي تقوله عليه بعمله بس هي بتحب سالي عني ومش بتخليها تعمل حاجه وسيبها براحتها ترجع البيت متاخر
يوسف : طب عمي هاني
مريم : بابا هو اللي مصبرني اقعد في البيت لو كدا كنت مشيت من بدري
يوسف خدها في حضنه وطبطب عليها وقال
يوسف : ي حبيبتي ي مريم من النهارده هتعيشي هنا معانا وعلي عمي متخفيش ان اقنعه
مريم : سيبها بظروفها ي يوسف ، الكلام اخدنا ونسيت اقولك ان عمي ومرات عمي مستنيينك تحت عشان تفطر
يوسف : اغير هدومي وانزل علطول
في فيلا حسام
حسام : برافوا عليكي هتلاقي الفلوس متحولة علي حسابك
مجهول : خيرك مغرقني ي باشا
حسام : وأي اخبار جديده توصلي انتي فاهمه
مجهول : طبعا ي باشا
في فيلا يوسف
وصل يزيد الفيلا وسلم علي الموجودين
يزيد : مساء الخير ي جماعه
الجميع : مساء النور
يوسف : تعالي عايزك في المكتب
في المكتب
يزيد : انتي مقولتليش ان مريم عندكم
يوسف بخبث : وفيها اي لما اقولك
يزيد بإحراج : لا مفيش حاجه
يوسف : بلاش تكدب علي نفسك انت بتحبها ومش هتلاقي احسن من مريم
يزيد : ايوه بحبها بس خايف ترفضني او تكون بتحب حد تاني وساعتها انا اللي ادمر
يوسف : وترفضك ليه ؟ انت مليون بنت بتتمناك ومش ناقصك حاجه وشاطر في شغلك واطمن مريم مش بتحب حد
خد خطوه اعترفلها بدل ما تخسرها
يزيد : خليها بظروفها ، المهم عديت علي الشركه ودورت علي الملف ملقتهوش
يوسف : كنت حاسس ان دا هيحصل عشان كدا النسخة الاصيله شيلتها في مكان مش هييجي علي بال حد
يزيد : مين ي تري اللي خد الملف ؟
يوسف : مش عارف بكره هنشوف الكاميرات المراقبه ونشوف مين اللي خده
تاني يوم في الشركه
عماد : يوسف موجود ؟
بتول : ايوه ي أفندم موجود نقوله مين
عماد : انا صاحب الشركه وابوه يوسف
بتول بتوتر : اسفه ي أفندم مكنتش اعرف حضرتك اتفضل مستر يوسف جوه
عماد : حصل خير
دخل عماد ليوسف
عماد : ايه حكايه الملف اللي ضايع دا
يوسف : الكاميرات جابت اللي سرقه وتتعاقب
عماد : الملف دا مهم ي يوسف المشروع دا بنخططله من سنيين
يوسف : متقلقش ي ابوي انا كنت عامل حسابي النسخة اللي انسرقت مش الاصيله الاصيله معايا ومحدش يعرف فين مكانها
عماد : طمنتني ، طب البنت اللي بره دي مين واشتغلت امتي ؟
يوسف : دي بتول في رابعه هندسه اشتغلت من يومين
عماد : بس حاسس اني اعرفها او شوفتها قبل كدا عارف اول ما شفتها ارتاحتلها
يوسف : نفس الإحساس
عماد : طب خليها تدخل عايزه أتعرف عليها
يوسف :من عنيا ثم رفع سماعه التليفون وقال تعالي ي بتول المكتب حالا
بتول :حاضر ي أفندم
دخلت بتول الكتب
عماد : اذيك ي بتول
بتول : تمام الحمدلله ي أفندم
عماد : انا ارتحتلك ممكن يكون اول مره أقول لحد الكلام دا
بتول : شكرا ي أفندم علي ثقتك فيا
عماد : انتي منين ؟ واسمك بتول ايه ؟
بتول : انا من الصعيد واسمي بتول ماهر عوض
عماد : ماهر عوض مين ؟
بتول : ماهر عوض العمراني
عماد بصدمه : اخوي
بتول ب استغراب : اخوك
عماد : طب لامواخذه في السؤال مامتك اسمها ايه
بتول : فريده ناصر
عماد بفرحه : ايوه هو اخوي وانتي بنت اخوي قلبي كان حاسس وبعد كدا خدها في حضنه
بتول : انا مش فاهمه حاجه
عماد : انا افهمك ابوكي كان بيحب بنت معاه في الجامعة وكانت من الصعيد اللي هي مامتك وناهد بنت عمي كانت بتحب ابوكي ومكنتش موافقه علي الجوازه دي فعملت غسيل مخ لجدك عشان مش يوافق علي الجوازه وطلعت عليها سُمعه وحشه فجدك خيره بين الميراث وفريده فهو اختار فريده وسافر بعيد عننا واتجوزها ومن ساعتها منعرفش حاجه عنه وفي الايام الاخيره لجدك تعب وراح المستشفي وضميره انبه عشان ظلم ابنه فكتب نصيبه في للميراث وقال دوروا عليه عشان يسامحني دورنا عليه كتير ملاقناش لي اي اثر في القاهرة ، ناهد ساعتها مش لاقيت فيها فايده ففضلت وراء هاني اخوي لغايه ما اتجوزته لان اهم حاجه عندها الفلوس
بتول كانت بتسمع الكلام ومصدومة ومش عارفه تتكلم
عماد : عارفه ي بتول انتي نسخه من ابوكي نفس العيون ونفس الملامح
بتول بالدموع : يعني انت عمي ؟
عماد : ايوه ي بنتي انا عمك واخوي عامل ايه
بتول بحزن : بابا مات وانا عندي 10 سنيين وماما ماتت من شهر
عماد بصدمه : ايه اخوي مات
Nora Zakaria