عروسه الصعيد

الفصل الخامس 
بتول روحت البيت منهاره من العياط خلاص امها هتروح منها ومن كتر العياط والتعب من السفر نامت
في فيلا عماد العمراني
عماد : عملت ايه في العملاء اللي جايين من روسيا
يوسف : كتابنا العقد وهما موافقين علي الشروط اللي حطينها
عماد : تمام اوي ، طب حسام هتعمل معاه ايه
يوسف : اصبر عليا وهندمه علي اللي كل اللي عمله سواء كان هو او ابوه في اخويا او ناس تانيه كتير
في صباح جديد استيقظت بتول وعيونها ورمت من العياط ، اخدت دوش وراحت المستشفي هي وصحباتها ساره
في المستشفي
بتول : اخبار ماما ايه ي دكتور
الدكتور : لسه مش فاقت من الغيبوبه
بتول : طب ينفع ادخلها
الدكتور : اه ينفع بس خمس دقايق بس
بتول : حاضر
دخلت بتول الاوضه وصاحبتها استنتها بره
بتول : كده ي ماما مش عايزه تردي عليا انا بجد تعبت من غيرك ، بس انشاءلله هتقومي وتبقي زي الفل انا واثقه في ربنا ان يقومك بسلامه عشان مليش غيرك وفجاه أيد مامته بتول اتحركت وبتول كانت فرحانه وراحت لدكتور عشان يشوف مامتها
بتول بفرحه :ي دكتور ماما فاقت
دخل الدكتور لقي الأم فاقت لكن اثر التعب باين كشف عليها الدكتور وقال
الدكتور : حمدلله علي سلامتك
فريده ( الأم ) :الله يسلمك ي دكتور
بتول : تقدر تخرج امتي
الدكتور : بعد يومين عشان تكون تحت الملاحظة ونطمن عليها وبعد كدا تقدر تخرج
بتول : شكرا ي دكتور
الدكتور: العفو بعد اذنكم
الجميع : اتفضل
بعد ما خرج الدكتور قاعدت بتول وصحابتها مع فريده
بتول : الف سلامه عليكي ي ماما
الأم : الله يسلمك ي حبيبتي
ساره : الف سلامه عليكي ي طنط
الأم : الله يسلمك ي بنتي تعبتك معايا
ساره : تعبك راحه ي طنط بس انتي قوميلنا بسلامه
وبعد يومين ام بتول خرجت من المستشفي وحالتها تحسنت
في شركه حسام الأسيوطي
حسام رجع من امريكا وبعد ما ابوه حكموا عليه بالإعدام مسك شركات ابوه وأصبح اسمه مشهور وقوي ما بين رجال الأعمال وكبر مملكه ابوه اضعاف وكان بيفكر هينتقم من اكرم ويوسف ازاي
حسام : عايز معلومات عن عيله الأسيوطي واحد واحد انت فاهم
مدير أعماله : امرك ي أفندم تؤمر بحاجه تانيه
حسام : لا اتفضل انت
وفي ليله من اليالي تعبت ماما بتول وراحت المستشفي فالدكتور كشف عليها وخرج
بتول : عامله ايه ماما ي دكتور
الدكتور : مخبيش عليكي حالتها خطيرة وعايزه عمليه في القلب والعملية دي صعبه ونسبه نجاحها ضعيف غير ان عندها السكر
بتول بالدموع :طب اعمل اي حاجه انا مش عايزها تمشي وتسبيني
الدكتور : احنا هنعمل اللي علينا والباقي علي ربنا والعملية بعد ساعه استأذن انا
بتول كانت منهاره من العياط واتصلت بساره عشان تجيلها المستشفي لان ملهاش غيرها بعد مامتها
وبعد 3 ساعات خرج الدكتور من اوضه العمليات ووشه لا يبشر بالخير
بتول بلهفه وخوف : طمني ي دكتور علي ماما
الدكتور : الباقيه في حياتك شدي حيلك
بتول بصراخ : لا ماما ممتتش انا عارفه عمرها مهتسبني لوحدي هي قلتلي كدا مستحيل تسيبيني وتمشي هي وعدتني تكون معايا علطول انا مليش غيرها
الدكتور طلب من الممرضة تدي بتول حقنه مهداه
وبعد ما فاقت بتول قالت انا فين
ساره : انتي في بيتك ي حبيبتي
افتكرت بتول مامتها قاعدت تعيط وتقول
بتول : انا عايزه امي هي مشيت وسابتني ليه انا مليش غيرها
ساره : اهدي ي حبيبتي هي في مكان احلي من كدا ومبسوطه ولما انتي تعيطي هي هتزعل يرضيكي تخليها زعلانه
هزت بتول رأسها بمعني لا
ساره : خلاص يبقي تسمعي الكلام ومتزعليش تاني وكلي
بتول : حاضر
ويعدي اسبوع علي الأبطال من غير احداث جديده غير بتول دخلت في حاله حزن ومش بتخرج من الاوضه ولا بتروح الكليه وصاحبتها ساره كانت معاها ومش بتسبها لوحدها
في بيت اول مره نروحه وهو بيت سعيد وابنه خالد صاحب العماره اللي قاعده فيها بتول
سعيد (الأب) :بص ي بني البنت بقيت لوحدها وانت عينك منها من زمان دلوقتي بقا مفيش حجه وهتوافق عليك علطول
خالد : ياريت ي ابوي نروحلها حتي النهارده
سعيد : خلاص نروحلها بالليل
خالد دا مدمن وعلطول سكران وفاشل في كل حاجه
في بيت بتول
ساره بحزن علي صاحبتها : بردوا ي بتول مش هتاكلي كدا تزعليني منك
بتول : مليش نفس والله ي ساره
ساره بحزن : براحتك ي بتول وفجاه الباب خبط فتحته ساره وأول ما فتحته اتصدمت وقالت انت