عروسه الصعيد

الفصل الرابع
وقفنا لما اكرم اضرب بالنار ومامته أغمي عليها
في المستشفي اكرم دخل اوضه العمليات وابوه وأمه واخوه يوسف وصاحبه مجدي واقفين بره بيدعوا ان يقوم بالسلامه
وبعد اربعه ساعات تحت العمليات خرج الدكتور ووشه مش مبشر بالخير والكل جري علي الدكتور عشان يطمنوا علي اكرم
فايزه بالدموع : طمني علي ابني قولي انه حلو وهيرجع لحضني تاني
الدكتور : للأسف المريض مش هيقدر يمشي تاني هيقعد علي كرسي متحرك دا تلاته رصاصات في رجله وواحده في صدره يعني الحمدلله انه عايش لغايه دلوقتي
الكل كان مصدوم من اللي قالوا الدكتور وإزاي اكرم مش هيمشي تاني
فايزه وهي منهاره في البكاء : طمني يا دكتور قول ان دي مش الحقيقه وابني هيرجع زي الاول أبوس ايديك ي دكتور اعمل ايه حاجه عشان ابني يخف
الدكتور : احنا عملنا اللي علينا والباقي علي ربنا انتوا ادعولوا
عماد : هو هيفوق امتي
الدكتور : بعد ساعتين هيفوق وتقدروا تدخلوا تطمنوا عليه استاذن انا
يوسف : والله لاوريه اللي عمل كدا وحياه أغلي حاجه عندي لاهندمه عشان يقرب لحد من عيله العمراني
في مكان تاني
حسام : عملت ايه في موضوع اكرم
مجهول : انا عملت زي ما قولتلي دخلت فيلا عماد العمراني من غير ماحد ياخد باله وضربته بالنار وهو دلوقتي بين الحياه والموت
حسام : برافوا عليك وخليك متابع الأخبار وانا هنزل مصر بعد اسبوع
وبعد ما قفل السكه وقال بشر والله لهندم كل واحد كان السبب في القبض علي ابوي وأختي وخاصه اكرم
في المستشفي
بعد ساعتين فاق اكرم من العمليات والكل دخلوا عند اكرم
فايزه بالحزن عل ابنها : عامل ايه يا ضنايا
يوسف متكلمش
فايزه بقلق: رد عليا ي بني طمني
الدكتور : للأسف ممكن يقعد فتره من غير كلام عادي متخافوش
وبعد أيام اكرم نفس الحاله مش بيتكلم وقعد علي كرسي متحرك والدكتور قال ان فقد النطق بس لفتره ممكن لفتره دي تكون كبيره او صغيره علي حسب الجو اللي حواليه والحالة النفسيه وجاسر وبنته اتحكم عليهم بالإعدام وحسام ابن جاسر مسك الشركه مكان ابوه واتوعد من اللي كان السبب في إعدام ابوه
باك
يوسف : متخفش ي اكرم هجبلك حقك ي اخويا وهخلي شركات جاسر وابنه يعلنوا إفلاسهم قريب
فابتسم اكرم لأخوه وكان اول مره يبتسم بعد الحادثة
في بيت الطلبات
اسيل : مالك ي بنتي رايحه جايه خيلتيني
بتول : قلقانه علي ماما رنيت عليها ومش بترد
اسيل : أكيد التليفون بعيد عنها خير انشاءلله
وفجاه التليفون رن
اسيل بلهفه : الو ي ماما
ساره : انا مش مامتك ي بتول مامتك تعبت ونقلنها في المستشفي
بتول بصدمه وخوف علي مامتها : ايه ! طب خلي بالك منها ي ساره عقبال ما اجي
ساره :  في عنيا وانتي خلي بالك من نفسك سلام
بعد ما قفلت ساره اسيل قالت لبتول مالها طنط
بتول بالدموع : ماما في المستشفي انا لازم اسافر دلوقتي
اسيل : ي بنتي هتسافري فين دلوقتي الساعه بقيت 5ومش هتلاقي مواصلات
بتول : انا لازم اسافر مش أسيب امي لوحدها
اسيل : براحتك بس خلي بالك من نفسك ولما توصلي طمنيني عليكي
بتول : حاضر انا اروح أغير بسرعه
بعد ساعات وصلت بتول المستشفي وسالت في الاستقبال عن الاوضه الموجودة فيها امها
بتول : قومي ي ماما الله يخليكي هتسيبيني لمين انا مليش غيرك في الدنيا من غيرك مقدرش أعيش ارجوكي ي ماما ردي عليا وفجاه دخل الدكتور
الدكتور : مينفعش ي انسه اللي بتعمليه دا مش هيجيب نتيجه انتي ادعيلها تقوم بالسلامه
بتول وهي تمسح دموعها : هي مالها ماما ي دكتور
الدكتور : للأسف دخلت في غيبوبه ومش عارفين هتفوق امتي
بتول بصدمه : ايه
Nora zakaria