عروسه الصعيد

الفصل السابع عشر

الداده : ناهد طليقه الأستاذ هاني بره
الكل بصدمه : مين ؟
يوسف : ودي جايه تعمل ايه هنا ؟
فايزه : مش عارفه تعالي نطلع نشوفها
وطلعوا اوضه الاستقبال وأول ما ناهد شافتهم جريت عليهم تتوسلهم
ناهد بدموع التماسيح : سامحوني انا غلطانه واستاهل كل اللي بيحصلي انا ندمانة علي اللي عملته ارجوكم سامحوني
يوسف بغضب : اطلعي بره مش عايزينك في حياتنا تاني
ناهد : انا اسفه ارجوك سامحني
يوسف : اسفه علي عمي ماهر اللي خلتيه يمشي ويسيب البيت عشان مكنش بيحبك ولا اسفه علي بنتك اللي بتتعاملي معاها زي الخدامه ولا بنتك التانيه اللي كنتي هتشوهي سُمعتها عشان الفلوس
ناهد : كنت عاميه وغبيه ساعتها لكن دلوقتي ندمانة وياريت تسامحوني
جه عماد وهاني من وراءها وقالوا
عماد : اللي زيك محدش يسامحه أبداً
هاني : انتي ايه اللي جابك هنا تاني
ناهد بتمثيل : سامحوني عشان خاطر ربنا بنتي سالي تعبانه
يوسف : ودي كدبه جديده ولا ايه
ناهد : لا مش كدبه واهي الاوراق لو عايز تتاكد
هاني اخد الأوراق وتأكد ان الأوراق سليمه
هاني : ومن امتي سالي تعبانه
ناهد بدموع التماسيح : ي حبه عيني من اول ما طلعنا من هنا وهي حالتها النفسيه تدهورت وعلطول تعيط وفي يوم تعبت وروحنا عند الدكتور فقالنا عايزه عمليه في الكلي
هاني : لازم اخدها المستشفي النهارده ونتابع حالتها ونشوف العمليه هتتعمل امتي
ناهد بتوتر : لا ما الدكتور قالنا ان الدكتور اللي هيعمل العمليه هييجي من امريكا بعد شهر
عماد : ولسه هنستني شهر
ناهد : عشان الدكتور دا شاطر
يوسف : واسم الدكتور اللي هيعمل العمليه ايه ؟
ناهد بتوتر : مش عارفه اسمه غريب كدا
فايزه : خلاص ي ناهد هاتي بنتك وتعالي عيشي هنا عقبال ما بنتك تقوم بسلامه
ناهد بفرح : ربنا يخليكي كنت عارفه ان قلبك كبير وهتسامحيني بعد إذنكم اروح أجيب بنتي واجي
فايزه : اتفضلي
بعد ما ناهد مشيت يوسف قال
يوسف : قلبي مش مطمن حاسس ان وراءها حاجه
فايزه : هيكون وراها ايه يعني بنتها تعبانه وجايه عشان نسامحها
يوسف : والله ي ماما انتي طيبه وعلي نياتك
في بيت ناهد
ناهد : ي بت ي سالي قومي
سالي : سيبيني انام ي ماما
ناهد : ي بت قومي اقولك علي حاجه مهمه
سالي : اهو قومت ايه الحاجه المهمة اللي عايزه تقوليها
ناهد : بصي انا فهمت ابوكي وعمك ويوسف انك تعبانه وهتعملي عمليه في الكلي
سالي : لا واحده واحده انا مش فاهمه حاجه
ناهد : احنا هنروح فيلا عمك وتعملي نفسك تعبانه 
سالي : وليه دا كله
ناهد : عشان يسامحونا ونرجع الفيلا تاني يعني عجبك العيشه اللي عايشينها بعد ما ابوكي طلقني
سالي : اشك ان يسامحونا اصلا
ناهد : هو وقت شك دلوقتي قومي جهزي شنطتك وأما اروح اجهز شنطتي
سالي ب استسلام : حاضر
في شركه يوسف
يزيد : مالك ي يوسف شكلك مش عاجبني
يوسف : الزفته ناهد رجعت وشكلها وراءها حاجه المرادي
يزيد : حماتي ؟
يوسف : حمه لما تأخذها ونرتاح منها
يزيد : حاسب اللي بتغلط فيها تبقي حماتي
يوسف : ربنا يعونك معاها دي ست عقربه
يزيد : انا هتجوز بنتها مش هي ، بص انا أعاملها حلوه لغايه لما اتجوز مريم
يوسف : بتاع مصلحتك
يزيد بضحك : امال
في فيلا يوسف
بتول : مرات عمي عايزه اقولك علي حاجه
فايزه : قولي ي بنتي اللي عايزه تقوليه
بتول : هو اكرم ايه اللي حصله ؟
اول ما جابت سيره ابنها عينيها دمعت
بتول : خلاص مش عايزه اعرف لو هتعيطي
فايزه : اقولك اللي حصل
فايزه حكت لها كل اللي حصل من اول ما اكرم مسك قضيه جاسر الأسيوطي لغايه ما اتصاب وقعد علي كرسي متحرك وفقد النطق
بتول : طب انا من ساعه ما جيت ومشفتوش قاعد معانا
فايزه : مش بيرضي يطلع من الاوضه يوسف حاول كذا مره يطلعه لكن مقدرش
بتول : طب ينفع انا اقعد معاه
فايزه : طبعا ي بنتي دا هيفرح اوي وخصوصا اكرم بيحب ابوكي جدا
بتول : انا هطلعله
دخلت بتول اوضه اكرم
بتول : اذيك عامل ايه ، انا بتول بنت عمك ماهر اكيد يوسف حكالك عني
هز رأسه بمعني ايوه
بتول : انا مبسوطه عشان شوفتك النهارده وكل يوم هاجي احكي معاك موافق نكون اصحاب
ابتسم اكرم
بتول : بدل ما ابتسمت يبقي موافق اسيبك ترتاح شويه  وابقي اجيلك مره تانيه
وصلت ناهد الفيلا وفايزه رحبت بيهم
فايزه : الف سلامه عليكي ي سالي
سالي : الله يسلمك ي مرات عمي
فايزه : اطلعي ي بنتي ارتاحي شويه
ناهد وسالي طلعوا اوضهم
في اوضه ناهد
ناهد : الخطه ماشيه كويس وانا دلوقتي في الفيلا
حسام : طب كويس خلي بالك يعني حد يكشفك
ناهد : لا متخافش
Nora Zakaria