عروسه الصعيد

الفصل الحادي عشر

روايه ( زهره الصعيد )
الفصل الحادي عشر
عماد بصدمه : ايه اخوي مات
بتول بالدموع : ايوه مات وسبني لوحدي مكنش ليا حد في الدنيا غيره هو ماما كانوا كل حياتي مكنش ليا عيله زي اي بنت لكن هما كانوا عيلتي
عماد بالدموع وهو وخدها في حضنه : انا اسف ي بنتي انا اعوضك عن كل اللي فات اوعدك
بتول كانت في حضن عماد اول مره تحس بالأمان بعد ما ابوها وامها ماتوا وبالطبع يوسف كان متابع الحوار وكان فرحان عشان بتول طلعت بنت عمه
عماد : انتي من النهارده هتعيشي معايا في الفيلا
بتول : لا ي عمي مفيش لزوم انا أعيش في السكن
عماد: يعني بعد السنين دي كلها عايزه تبعدي تاني كدا هتزعليني منك
بتول : حاضر ي عمي اللي تشوفه بس اروح اجيب حاجاتي من السكن
عماد : يوسف هيروح معاكي ثم وجه كلامه ليوسف وقال روح معاها السكن تجيب حاجاتها وتروح بيها علي الفيلا وانا هحصلكم
يوسف بفرح :حاضر ي بابا
راحوا السكن وجابوا الحاجه وركبوا العربيه
بتول : هي الفيلا بعيده من هنا
يوسف : لا نص ساعه ونوصل ، هو انتي فرحانه عشان لقيتي اهلك
بتول : صدقني مش هتفرق من ساعه ما بابا وماما ماتوا وانا مفيش حاجه بتفرق معايا عارف كان نفسي وانا صغيره يكون ليا ولاد عم ولا خال العب وأتكلم معاهم طلعت ملقيتش حد جنبي غير ماما وبابا حتي خالتي سافرت واتجوزت بره مصر
يوسف اتمني ياخدها في حضنه ويخفف وجعها ويقولها انا معاكي ومش هسيبك لكن مقدرش وفجاه تليفونها رن وكانت اسيل
اسيل : انتي فين ي زفته روحت السكن مش لاقيتك
بتول : ابقي احكيلك بعدين سلام
وبعد نص ساعه وصلوا الفيلا
يوسف : مساء الخير
الجميع : مساء النور
فايزه : مين البنوته دي يوسف
جه عماد من وراء وقال دي بتول بنت اخوي ماهر
الكل كان مصدوم ومش مصدق بعد كل السنين دي يظهر ماهر او بنته
ناهد : بنت اخوك مين دي هو اي حد يجي من الشارع يقولك انا بنت اخوك تصدقه 
عماد بعصبيه : الزمي حدودك معايا ي ناهد وبعدين انا مش صغير لما تقوليلي الكلام دا وأقدر اعرف الصادق من اللي كداب
ناهد افتكرت خطتها فحاولت تصلح غلطتها : انا اسفه مقصدتش بس دلوقتي متامنش لحد لان أولاد الحرام كتير
فايزه بحب :تعالي يابنتي في حضني وحشتيني ي بنت الغالي فايزه حضنت بتول بحب وحنان كأنها بنتها
هاني : اذيك ي بنتي عامله ايه
بتول : حضرتك عمو هاني مش كدا
هاني : ذكيه زي ابوكي ايوه انا عمك هاني تعالي في حضني ي بنتي
مريم : انا بنت عمك مريم بس من النهارده اعتبريني أختك
بتول كانت فرحانه خلاص لقيت عيلتها بعد كل السنين دي وقضوا وقت جميل في جو عائلي جميل باستثناء ناهد وسالي اللي هيموتوا من الغيظ
في اوضه سالي
ناهد : عجبك كدا أهي جت واحده من الشارع هتاخد كل حاجه علي الجاهز
سالي : طب اعمل ايه ي ماما
ناهد بشر : ننفذ الخطة النهارده هو دا الحل الوحيد
في اوضه يوسف بيتكلم مع زين
زين : الخطة ماشيه كويس والأجهزة هتوصل بكره
يوسف : طب تمام كدا وفجاه الباب خبط
يوسف : أكلمك تاني ي زين سلام
بعد ما قفل مع زين قال ادخل
مريم : انا سمعت ماما وسالي كانوا بيقولوا هينفذوا الخطه النهارده
يوسف : تمام كدا انتي نامي هنا واتغطي كويس وانا اطلع بره في الاوضه اللي جنبيكي
سالي جهزت نفسها ولبست قميص قصير وراحت اوضه يوسف اول دخلت صرخت عماد وفايزه وناهد وبتول جاءنا علي صوت صراخها
فايزه بتصنع : انتي بتعملي ايه هنا ي سالي
جه يوسف من وراء وقال انا اقولك بتعمل ايه هنا ي مرات عمي
Nora Zakar