Teach Me Again (Teach Series #2)

SIMULA

SIMULA

Umihip ang malakas na hangin kasabay ng tunog ng paghampas ng alon, kaagad kong hinawakan ang kumpol ng aking buhok upang pigilan iyon sa paglipad.

"Mama mo panget!"

"Nade Nerd!"

Sinamaan ko ng tingin ang batang mataba na sumigaw no'n, nagtawanan silang magkakaibigan habang inaasar ako.

Imbes na pansinin ay itinuon ko na lang ang aking atensyon sa barbie na hawak ko. Gamit ang maliliit na daliri ay umarte akong sinusuklayan si Gigi, ang aking laruan.

Akala ko'y umalis na ang mga batang hamog, 'yon ang tawag mo sa kanila. Pero nagulat ako nang biglang sumulpot 'yong pinaka mataba sa kanila at inagaw ang laruan ko.

"Give my barbie back!" I shouted at three of them.

"Mama mo give my barbie back!" asar ng isang bata.

Naikuyom ko ang aking palad sa suot kong bestida. Kanina pa sila! Kanina ay ako lang ang naka-tambay rito sa deck ng cruise ship kung nasaan kami naka-sakay pero bigla silang dumating.

Ang totoo ay kilala ko sila, anak sila ng mga kaibigan ni Daddy na kasama namin ngayon sa business trip.

"Iiyak na 'yan! Iiyak na 'yan!" They chanted.

Pilit kong inabot ang manika ko sa kanila pero dahil higit na mas matangkad sila ay pinagpasa-pasahan nila iyon.

Gusto ko ng umiyak pero alam kong walang mangyayari, lalo lang silang matutuwa kapag umiyak ako.

"A-Akin na 'yan!" Pumiyok ako habang sinusubukang kunin si Gigi sa kanila.

"A-A? Hahaha bulol."

"Ang ingay naman, natutulog 'yong tao e!"

Napahinto ako sa pag-ayaw at sabay-sabay kaming napalingon sa nagsalita. Bahagyang kumunot ang aking noo nang makita ang isang batang lalaki na nagkukusot ng mata habang nakahiga sa isang sun lounger sa gilid ng pool.

Kunot-noo siyang lumingon sa amin apat saka umupo, napakamot pa siya sa ulo niya animong iritang-irita sa amin.

Sandali niya kaming pinasadahan ng tingin, napatayo ako ng tuwid ng tingnan niya ako.

Tumayo siya at doon ko napansin na higit siyang mas matangkad kaysa sa mga batang umaayaw sa akin.

He's tall and look powerfull.

Namulsa siya saka lumapit sa amin, napanguso ako saka napatingin sa bestida kong kulay dilaw.

"K-Kuya inaaway nila ako!" buong lakas na sumbong ko sa batang lalaki.

Umihip ang malakas na hangin, kalmado ang dagat pero malamig ang hangin lalo't nasa gitna na kami ng karagatan.

"Give her barbie back," utos niya sa mga batang umaaway sa akin kanina.

Nilingon ko sila at dinilaan, lumakas ang loob ko dahil may kakampi na ako, mukhang mabait naman 'tong si Kuyang tulugin. Kanina pa ba siya dyan natutulog?