Teach Me Again (Teach Series #2)

Kabanata 33

Kabanata 33:

Have you ever asked yourself, what's your purpose in life? Why are you breathing? Why are you here in the place that full of sins and problems?

Life doesn't always go the way you want it. I used to be warm, but I lost my fire while giving light to others. When the time passed by, I learned how to relight myself.

Mahirap pala kapag binabase mo ang kasiyahan mo sa ibang tao, mahirap kapag naka-depende sa isang tao ang saya mo dahil kapag nawala iyon, mawawala rin ang saya mo.

Inipon ko ang aking buhok sa kanan kong balikat at hinawakan iyon upang hindi liparin ng malakas na hangin. Bahagya pa akong napapikit nang tumama ang malamig na simoy ng hangin sa aking mukha.

Bumaba ang tingin ko at pinanuod ang hampas ng mga alon sa sinasakyan kong cruise ship. Hindi ganon kalakas ang mga alon pero dahil sa hangin ay mas nabibigyan buhay ang bawat galaw nito, para silang sumasayaw at hinehele ang barkong sinasakyan ko.

Kaagad kong kinuha ang aking cellphone nang tumunog ito. Text ni Genesis ang bumungad sa akin, sinasabing tatawag siya.

Bahagya akong napanguso saka pumunta sa messenger, wala pang isang minuto ay lumitaw na ang pangalan niya at kaagad ko naman iyon sinagot.

"Hi!" bati ko.

Itinapat ko ang camera sa akin habang naglalakad ako papunta sa isang sun lounge na kulay puti malapit sa pool, sa ilalim ng malaking payong.

"Good afternoon, Mommy how's your vacation?" masiglang wika ni Genesis.

Bahagya siyang nawala sa screen nang dumungaw roon si Revelation. "Mom! I miss you!"

I chuckled. "Isang araw pa lang ako nandito, miss na kaagad? Where's your sister?" Nakangiting tanong ko sa kanila.

Narinig kong tinawag ni Rev si Isaiah, ilang sandali pa ay dumungaw ang aking prinsesa sa screen. "Hi, Mama! Pasalubong ng pusit!" aniya.

Natawa ako at doon ko lang napansin na may ponytail ang dalawang lalaki sa kanilang buhok, iba't-ibang kulay iyon.

"What happened to your hair?" tanong ko sa kanila.

Bahagya akong sumandal sa sandalan para makipag-usap sa kanila ng maayos. Kaagad humaba ang nguso ni Rev at itinuro niya si Isa. "She wants to play parlor and pageant."

"Ginagawa kaming bakla ni Isa, Mommy," sumbong pa ni Genesis.

Lumabas ulit ang mukha ni Isa sa screen, malaki ang kaniyang ngisi. "My Kuyas are pretty handsome, yeh mom?" tanong niya habang tinataas-taas pa ang kilay.

Tumango ako kahit natatawa na sa kanila.

"Of course, they are handsome but please baby huwag mong ganyanin ang mga kuya, paano na lang kung makita sila nang crush nila sa kapit bahay?" sabi ko.

"Mommy, hindi namin 'yon crush!" sabay pang sigaw ng dalawa.

Humalakhak ako. "Sure sure sige, kumain na ba kayo? Nasaan si Lola mami?" mas umayos ako ng higa.

"Nasa itaas po, mama. Aalis kami mamaya, pupunta kami kila mamita mag mamajong daw sila," tukoy ni Isaiah sa ina ni Daryl, bahagya akong ngumuso doon, kahit kailan talaga si Mommy pati mga anak ko dinadamay pa sa gala niya.

"Sige ingat kayo," wika ko.

Narinig ko ang boses ni Mommy sa kabilang linya bago sila nagpaalam. Nang mamatay ang tawag ay nanatili akong nakahiga sa sun lounge. Hindi na mainit ang araw sa balat kaya inantok ako habang nakahiga.

Hindi ko namalayan na mag-iisang oras na akong nakatulog dahil nang magising ako ay wala ng araw at kulay  kahel at asul na ang langit.

Marahan tinatapik ng isang babae ang aking balikat. "Nade, gising na," aniya.