#أقـدار 💛
#الحلقـة 3
#بقلـ ✍️ـم: نـوودين =Πeedoo
”كيف الصباح بيكون صباح.. لو ما شرق حسّك علي..
ونوّر ضلام الأمكنه💙🌸..!“
مشيت لأمي لقيتا راقدة قعدت جنبها ..
-يمة!
=هااا
-بكرة عايزة أشيل معاي شاي وزلابية بتقدري تعمليهم لي بدري ..
=سمح الصباح بقوم بدري أعملن ليك .. عايزاهن ليه!؟
-سكتا مسافة م متعودة أكذب لأمي ولاهي ربتني علي كدا .. أنا عارفة كويس إنو هي قدر شنو بتثق فيني .. قلت ليها الليدر بتاع قروبنا حصل ليو حادث وحنمش نزورو ف المستشفي ..
=كررر يايمة ربنا يقومو بالعافية .. بقت تسأل فيني هو كيف والحصل ليو شنو ..
إطمنت إنو أنا من الدنيا دي طلعت لي بأم ظابطة يمكن أبوي م جنبي بس أمي م حسستني إني ممكن إحتاج لشى طول ماهي عايشة ..💛
قعدت قريت شوية جا محمد داخل الساعة كانت 11 فتحت ليو الباب براحة علشان جدو م يحس 😂 عاملين زي الحرامية مشيت جبت ليو موية بعد شرب قال لي جدو سأل عني؟
=أياا وقلت ليو مشيت المسجد ولسة م جيت 😂
_ماعارف من غيرك أعمل شنو .. هاك مش قلتي عايزة لبن بدرة
=دا كتير ياخ أنا كنت عايزة حاجة بسيطة
-ياستي ماف حاجة كتيرة عليك أعملي لي معاك كوووباية شاي ظابطة كدا طلع بسكويتة من جيبو ختاها لي ف التربيزة ومشي ..
بحب محمد أخوي دا جدا جدا أصلا م عندي غيرو هو أكبر مني بي 3سنة بس بفهمني وبحسسني إنو تؤامو 😂 صغيروني قدري كدا ماف زول بصدق إنو أكبر مني زاتو .. ختيت المرجع ومشيت عملت شاي لقيتو قال لي ياسلام ياخ كويتي لي وكمان طلعتي لي سريري برة أختك وين أنا 💛
=ياقلبو حاجة بسيطة جبت البسكويتة وأديتو الشاي
-شيليها جبتها ليك أنا م عايز
=نقسما طيب ..
شربنا الشاي وأمي جات تقفل المطبخ قالت لينا مجانين إنتو تشربو شاي لانصاص الليالي!
=أنا أصلا عايزة أساهر ومحمد بساهر ف تلفونو فما حتفرق معانا ..
خلاص أقفلي معاك المطبخ وبعدين قفلي الاوضة بدون كركبة جدك نومو خفيف بصحى ..
طيب يمة إنتي نومي 💛
قفلت المطبخ وجريت باب الاوضة وقعدت أقرا ومحمد في تلفونو .. ماإنتبهت للزمن حد م لقيت الساعة 1 جات طفيت النور .. لقيت محمد نايم ومادخل تلفونو يشحنو شلتو وديتو جوة وقفلت ماجاني نوم 😪 صليت لي ركعتين ورقدت ..
••••••••••♪•••••••••••♪•••••••••••••♪••••••••••••••♪••••
الساعة 2ص كان حاسي بألم فظيع في رجلو حاميهو النوم .. أمو بتقيل تعبانة طالعة ونازلة ماحب يصحيا .. نور بتلفونو لقا قارورة الموية فيها شوية .. شال المسكن أخد ليو حبة ورقد بفكر .. أخدتو نومة بعد صلاة الصبح ..
