#أقـدار 💛
#الحلقـة _8
#بقلـ ✍️ـم: نـوودين =Πeedoo
=وائل ..!
- أنا نايم
=بتكلمني من الحلم مثلا؟
-قدر ماناقصك مصدع من قبيل وبحاول أنوم ممكن تسكتي مني!!؟
=مارديت ليه .. أنا ماعارفة ليه بستحمل نفسنتو دي وأصلا لو م العمود ماكان جيت ليو ..تاني بتراجع وبقول م مشكلة العليهو م هين براو تعبان وماري بظروف صعبة والفيهو مكفيهو .. قعدت ف الكنبة وقاعدة أهز في رجلي الحركة دي بعملا وقت أحس نفسي زهجانة ومضايقة وماسكة تلفوني بحرك المساكة م كنت عايزة أناقشو شوية بكون كويس وشوية بتغير 180° الصباح كان رايق أسي كأني قاتلة ليهو زول قالب لي خلقتو ..
ولا إشتغلت بيه وم رديت ليهو مستنية أمو تجي وأنا أصلا م عارفاها مشت وين 😂
مرت 5دقايق كلنا ساكتين وأنا بديت أحس بالملل .. فجأة قال لي م توتريني معاك ياخ بالحركة دي
-في حد نايم بتوتر؟
=أنوم كيف وأنتي قاعدة تعملي حركاتك دي
-وقفت رجلي ودخلت تلفوني ف الشنطة ولويت ليو خشمي وسكتا ..
سكت شوية وقت م عبرتو قال لي لو مستنية أمي هي م حتجي أسي
- ماسألتك نوم نومك ...
=مابعرف أنوم وأنتي قاعدة لي كدا
-خلاص وين العمود بتاعنا أنا جيت أشيلو وماشة 😒
=ماعارف مكانو تسأليني من حاجات المطبخ شايفاني بت!؟
- مشيت جنب الشباك لقيتو شلتو ودخلتو ف الكيس بتاعو وقمت ماشة
=م تستني أمي تجي بعداك دا شنو عدم الزوق دا
-محموم إنت؟ أسي مش قلت لي م أستناها
=قالو ليكي عندي ملاريا؟
-المهم لو جات قول ليها أنا جيت شلت العمود ومشيت
=مابقول ليها ولا شي لو عايزة إستنيها م عايزة عنك "ورجع يدو ختاها ف راسو وعمل نفسو نايم "
م إشتغلت بيهو إتحركت علشان أمش جات أمو سلمت علي وقالت لي معليش كنت في الصيدلية تحت .. أتكلمت معاها شوية وقلت ليها يلا ياخالتو ف العافية ..
بقت ماشة معاي وقالت لي حيغيرو الغرفة بكرة وإحتمال بعد يومين يخرجو وكدا ماأبديت ليها أي رد فعل عن إني ممكن أجيهم بكرة ..
مشيت زهجانة أصلا غلطانة أنا الجيتو عامل فيها عايز ينوم 🙂 وصلت البيت أمي سألتني منهم قلت ليها إتصلي لي أمو لانو قبيل قالت لي كلام م فهمتو زاتو كنت مصدعة ..
دخلت غرفتي رميت الشنطة وفكيت طرحتي رقدت مسافة وأنا ندمانة إني مشيت ليو أصلا .. وحلفت تاني م أمش ليو 😒 شلت لي غيار مشيت إدوشت وجيت أمي قالت لي شيلي الأكل أمشي إتغدي مع جدك ..
