#أقـدار 💛
#الحلقـة_18
#بقلـ ✍️ـم_نوودين=Πeedoo
"ويحدُث أن تتنفَّسَ بصورةٍ أفضَل لأنَّ الشخص الذي تُحبّهُ يدعمكَ ويسعَى لِقُربك.💛!"
بقولو الأيام دول .. علي قدر م بتمر بيك أيام سيئة هي بتبين ليك إنو فيها خير ومابتدوم مصيرا تعدي وتفرح .. في الأيام الكنت منفسنة دي حصلت كتير مشاكل بس بينت لي إني م براي وإني لسة فيني قوة تحمل وبقدر أواجه مشاكلي ..
محمد جا وبعد جوطة من أهلو وجدو غايتو ماعارفة الأحسن إنو أهلك يكونو أهل ولا كل زول من حتة ولا م يبقي عندك أهل زاتو 😭😂 حيروني كنت بقول أنا أهلي متخلفين لكن أهل محمد برضو م قصرو وإتعولقو فينا نفسي أعرف ليه المشاكل دي كلها طالما ف نفرين بحبو بعض وقررو يكملو حياتهم الباقين حاشرين نفسهم ف القصة ليه 🙂💔
المهم قررو تكون الخطوبة في عيد رمضان وبعدها تخلص السمستر وهو يجهز نفسو .. حياة الأولاد صعبة ياخ محمد بقا مشغول شديد ومرات ببيت في محل الشغل وحتي لو إتصل علي 5د يطمن علينا وبس فاقداهو جدا 😢💔
أما وائل متواصلة معاه طول الفترة دي وقال لي إتحسن كتير حتي بدا يحرك رجلو اليمين .. والشمال بعد يفكو المسطرة حيشوف الحيحصل شنو .. كنت بدعي ليو طوالي..
أجزو لينا لرمضان ومفروض أقرا لانو بعد العيد إمتحاناتي .. ومفروض أجهز لخطوبة محمد ودا غير الصيام وشغلتو المابتخلص الفترة دي بقيت مضغوطة شديد ياخ مرات م بفتح النت خالص بس بيفضل كل يومين تلاتة يفقدني ويتصل علي ..
أول يوم ف العيد قلت أسبقو وأتصل عليو المرة دي .. فصل المكالمة رجع لي بقينا نتشاكل ليه يفصل فيني وأنا لو م عندي رصيد بتصل عليو أصلا 😂
نسينا نعيد لبعض 10 د بنتناقش زهج قال لي خلاص ح أقفل أرجعي لي علشان رصيدك المحرقك دا ..
=بعد شنو الحاجة لما تتأخر بتبقي ماحلو بكل نفس أنا من أمس دخلت رصيد وصاحية بدري علشان أتصل عليك تفصل فيني 🙂💔
-قدر لا إله إلا الله م ناقص دراماتك دي كل الحكاية إنو أنا كمان عايز أتصل عليك ماأكتر من كدا
=كويس
-أسي ماعايدتي لي زاتو لما العيد قرب ينتهي
= 😂 وتقول أنا دراما؟ العيد متين بدا لما ينتهي
-بدأ أسي بعد ضحكتي
=خلاص الشياطين فكوهم 🌝
-أختيني طيب .. وأدي التلفون لأمك
=كويس مسافة أصل ليها بس
-خلاص الوقت داك أجهز لي كلام حلو أقولو لنسيبتي دي
=ههههههاااااي
-إستغفر الله العظيم دي ضحكة ليك
=ماعندك شغلة بيها .. وصلت لأمي قلت ليها يمة دا وائل عايز يسلم عليك
