#أقـدار 💛
#الحلقـة_9
#بقلـ ✍️ـم_نوودين=Πeedoo
=معليش دا أخوي ..
_معليش أنا م كان مفروض أتكلم معاك الزمن دا ..
سكتا وفتحت الباب .. محمد قال لي خالطة ومخلياني مشرد برة مش 😂
لالا والله ياخ بس
ماعلينا جعان شديد جيبي لي حاجة أكلا .. وطوالي مشي
رديت لوائل إعتذرت منو قال لي مايكون إتسببت ليك في مشكلة ..
=بعرف أتصرف مع محمد دا إنت م تشيل هم ويلا نوم كفاية سهر حاول الليلة تنوم أوكيه
-حاضر يلا تصبحي ع خير
جهزت الاكل ومشيت لمحمد قعدت جنبو وفضلت ساكتة .. بدا ياكل م سألني خالص 😂أنا بعرف إسلوبو دا نظام أحكي قبل م أجرجرك، أنا كنت مستاءة وظاهر في وشي قال لي مالك الليلة؟
=ماف شي إنت كيف كان يومك؟
- اهو ماش الحال .. إنتي كيف مع القراية؟
=غلبتني السمستر دا ياخ 😭إمتحاناتنا قربت وأنا م قارية كويس
- بتتسهل يازولة .. إنتي سيبي الخلط دا وأقري بس 😂
=ماخالطة والله يامحمد 😢
-علي أنا .. شايفك الايام دي
=والله ماكدا يامحمد بس إضطريت للمكالمة دي إنت أكتر واحد عارفني ماعندي شي للاولاد والونسة أخر الليل بس وائل كان زهجان وحذف الواتس وإضطريت إتكلم معاهو
-قدر ..! وريني البينك وبينو شنو ليه الولد دا إنتي مهتمة بيهو كدا؟
=مافي شي لحدي الان 🙂 وحكيت ليو كل القصة من يوم بدت وقلت ليو كل الحكاية أنا حاسة بالذنب لاني قلت ليو كدا وبعدها حصل ليو حادث هو مفتكر إنو أنا الدعيت ليو 😪
-المهم ماعايزك تتكلمي مع أي زول بالتلفون وخاصة بالوقت دا وتديهو فرصة زي دي مابفرض راي عليك وكيف تتعاملي مع الناس الفي حياتك ولا ح أقعد أراغبك وأقول ليك ماتمشي الحتة دي وم تتونسي مع دا إنتي واعية وكبيرة وبتعرفي تتصرفي وأنا واثق منك .. بس لأني أخوكي ومسؤل منك من حقي أقول ليك كدا بدافع الخوف وواجبي تجاهك .. ماتشغلي نفسك بأمور زي دي ممكن تأثر علي مستقبلك ركزي في قرايتك أهم شي براك عارفة قدر شنو أمي تعبانة معانا وماحيبقي ليها سمح وقت مستواك يتراجع وتهملي قرايتك وتهتمي بأمور غيرا أتفقنا ..
-هزيت ليو راسي بمعني أوك وم عرفت أقول ليو شي رفعت الصينية مشيت جبت ليو موية وقفلت البيت رقدت ماعارفة نمت متين من كترة الارهاق العلي ..
الصباح صحيت وأمي عملت لي شاي قالت لي ودي ليهم .. محاضرتي الليلة زيارة قلت م مشكلة لو إتأخرت وفاتوني بالترحيل ممكن أمش براي طلعت ومشيت ليهم أتزكرت إنو حولوهم من الغرفة وأنا م عارفاها وين 🙂💔إتصلت عليو مابرد .. إتصلت لأمي شلت رقم أمو إتصلت عليها برضو م ف رد ..
