#أقـدار 💛
#الحلقـة_19
#بقلـ ✍️ـم_نوودين=Πeedoo
فتحت البعدها مكتوب عليها: -
"جئتني علىٰ هيئة مجرّة ڪاملة
جعلتني أتخلىٰ عن ڪل الڪواڪب 💛!"
فضلت أقرا دي مسافة .. هو قاصد كلامو دا 😭
قلبي بقا يدق ماعايزة أفتح البقية غمضت عيوني شديد بعدها فتحت واحدة مكتوب عليها: -
" لستِ الأولى حتمًا ، لكنكِ وبطريقة ما نلتِ مني حتي أصبحتي الوحيدة بقلبي 💛!"
فتحت أخر واحدة مكتوب عليها: -
"أنتِ كل عادات قلبي التي لم أتمكن من كبح جماحها.... بـحبك وبرضو م تصدقي بعد دا كلو. "وراسم الإيموشن دا 👈 ☹️ "
ماعارفة كنت حاسة بشنو وقت رسلت ليو sms محتواها
"لكنَّني أعترفُ بصدقٍ حزين، لقد أحببتكَ حقًا ذاتَ يوم، ولَولا عكَّاز الأبجديَة لإنكَسرتُ أمامَك."
قعدت ساعة بشوف الحاجات .. يمكن هي حاجة بسيطة وعادية جدا بس بالنسبة لي أبدآ ماكدا .. عارفين يعني شنو زول يتذكرك ويجيب حاجة علشانك!؟
معناه فكر فيك بغض النظر عن المبلغ الرمزي الهدية مابتتقاس بالقروش بالمعزة ..
الرسايل دي من الطف الحاجات القريتا في عمري كلو .. هي م مجرد رسايل دا شعور مغلف .. عارفة لو كان قالا لي م حتجي حلوة .. أساسا هو م بيعرف يقول كلمتين حلوين ورا بعض بيفضل يبين إنو قاسي وشايف نفسو وم فارق معاو بس عيونو بتبين عكس كدا ..
كل اللحظات الكان بتصرف فيها معاي بفظاظة ولا أي شي قصاد نظرة منو بتقول ألف معليش 💛
أنا بشوفو بقلبي والناس بتشوفو بعيونا .. صح هو بتغالظ علي مرات بس ولامرة أنا حسيت كدا .. كان دايما بيصلني منو إحساس البتريدو عذبو 😂💛
حتي وهو مطنش وم عايز يتكلم معاي بفهما .. إتكلمي ح أسمعك 💛
ولما يقول لي أمشي .. معناه إياك تمشي 💛
كل مرة قال فيها خليني في حالي كانت بتصلني إنتي حالي حتخليني؟
كتير بتسائل أنا بستحملو ليه؟
في كل مرة بتجيني نفس الإجابة .. إنو دا أساس م شعور صعب وبطلب مني إستحمال حاجة كدا علي قلبي زي العسل .. كونو لسة بيتكلم معاي حتي وهو زهجان .. وقافل من كل الناس .. لسة عندو إستعداد يسمعني ويرد لي .. ببساطة هو البيستحملني 💛
يفوز اليوم دا بإنو أحلي يوم بعد م كان سيئ وهو صلحو 💛
مشيت فطرتا وجيت بكل نفس بديت أقرا إتصل علي وقعد يرغي كتير .. لحد زمن الصلاة جا قفلت منو مشيت صليت وجيت أقرا رسل لي sms
-ماعايزة يشرحو ليك أنا شاطر في الشرح .. أقصد ف المادة دي 😉
=ماعايز تخليني أقرا .. أصلا كنت عارفة الحب دا سبب رسوب نص الطلاب 😂
-وحبيتي مالك وقت عارفة كدا 😉
=ماعارفة 🙂💔
-خلاص أمشي أقري بعد تخلصي أنا موجود 💛
