#أقـدار 💛
#الحلقـة 6
#بقلـ ✍️ـم: نـوودين =Πeedoo
الصباح مشيت الجامعة وعد شغلتا لي قالت لي كيف م تحضري المدتيرم ودرجاتك راحت وكلام كتير م ليو أي لازمة هي لو عارفة الحاصل علي شنو 😪
هي دخلت عندهم لاب وأنا قروبي لسة قعدت في مكان هادئ وطلعت تلفوني إتصلت عليو م عارفة عملت كدا ليه ولا إنتبهت لنفسي أصلا لحد م فصل المكالمة ورجع لي أوتل م فتحت الخط قال
-وعليكم السلام والرحمة
=فضلت ساكتة يعني دا معناهو شنو 😂 بدل يسكت يخليني أبدا إتشالق ورد لي قلت ليو كيفك؟
-عايش .. وإنتي كويسة؟
=الحمدلله .. بقيت كيف؟
-الحمدلله بس ..
=مالك ف شنو!؟
-ماف شي زول عملو ليهو عملية وللان م عارف الحاصل معاهو شنو يعني حيكون في شنو أسؤ من كدا !؟
-أمك وين !؟
=رجعت البيت شوية وحتجي ليه السؤال!؟
-إنت أصلا جاوبت يبقي ماف داعي تعرف ليه .. المهم وإنت قاعد مع منو؟
=برااااي مالك إنتي بتحققي معاي؟
-كيف يعني تقعد براك؟
=عشان م عندي زول يقعد معاي ..!
-بيتكم وين !؟
=ليه جايانا لاسمح الله..!
-حتجاوب ولا مانفسك..!
=نفسي والله أنا لاقي ..
- ضحكت 😂 وقلت ليو ياود الناس جاوب علي قدر السؤال ..
=طيب بتعرفي أركويت محطة البلابل بس بيتنا تاني شارع البيوت العلي يدك اليمين رابع بيت دا بيتنا ..
-غايتو جنس غايتو م للدرجة دي عايزة أعرف قريب ولا بعيد بس م قلت ليك وصف لي بالحرف الواحد
=المهم يعني لو حبيتي تجينا علشان م تروحي
-دا م وقتو بيتكم بعيد أمك م حتجي أسي حتعمل شنو؟
=ح أستني كالعادة يعني ما طالع بيدي شي
-وين بنات خالتك؟
=ماعندي
-والأمس ديل كانو منو؟
=ماعارف وم شفتهم و م عندي خالة ولا عندي بنات خالات ولا عندي أهل زاتو
-😂😂😂 ومقطوع من وين ..!؟
=من شجرة منقة ..
علي فكرة عادي قول لي م عايز أوريكي بس لانو أمس أنا لقيتهم ماف داعي للغتاتة بتاعتك دي
=والله العظيم م عندي بنات خالات هنا إنتي حتغالطيني في أهلي كمان
-ماعلينا أصلك مابتعترف ومامهم يبقي عندك زاتو بركة الله ريحهم كنت حتجننهم
