#أقـدار 💛
#الحلقـة_13
#بقلـ ✍️ـم_نوودين=Πeedoo
"أنظرُ إليكَ فيُرعبُني حجمَ العاطفةِ التي أحملهَا، يُرعبُني التفكير فيمَا قد أفعلهُ من أجلِك.💛"
تاني يوم لاقيت أمو كان عندي محاضرتين خلصتهم و مشينا السنتر وطبعا جرجرة الاجراءات المعروفة 😪 في النهاية قالو لينا مفروض نجيب سجل الحضور بتاعو أول علشان سمسترهم الفات كلو أغلبو زيارات ومفروض تتحسب لو م إشتغل عملي 75% بيطلع حرمان قلت ليها طيب ياخالتو إنتي خليكي هنا .. أناح أشيل بطاقتو وأرجع السنتر أجيب مذكرة بحضورو وأجي .. قعدتها ف الكافتريا ورجعت ..
هي المسافة م بعيدة شديد بس كمان بتاخد وقت طول الطريق كان بيسألني الحصل شنو وعملنا شنو ف الموضوع وأنا شغالة ليو إنت م تصبر م عندك صبر 😂وقعدنا نتشاكل زعل قفل مني م إشتغلت بيهو كتير مشيت وتاني رجعت برجولي فترت عديل كدا 😪 ..
بعد الضهر خلصنا الاجراءات وقالت لي م بتمشي بالمواصلات أجرت أمجاد وصلتني جنب البيت ووصفت ليها البيت قالت لي بجيكم مرة تانية بعدها مشت .. رجعت نمت طوالي م صحيت إلا بعد صلاة العصر لقيت مكالمة منو رجعت ليو بمسج وختيت تلفوني ف الشحن إنشغلت مع القراية م شفتو تاني الا الساعة 11بعد محمد إتصل علي أفتح ليو الباب .. لقيتو رد علي المسج وشكرني كتير وكلام م متعودة عليه 😂
بقينا متواصلين بالمسجات ساعات برد متأخر قصدا علشان نفضل نتونس لو رسلت ليو الساعة 9م يرد عليها بكرة الصباح 😂 عارفة حركاتو دي بس طنشتو ماناقصة براي كاتمة فيني إمتحانات .. يوم الخميس جيت فترانة .. سامعة أمي بتقول لي عازميننا فطور .. من التعب م ركزت معاها بعد مشيت أكلت وجيت قلت ليها منو منو؟ وعازميننا شنو 😂
-بسم الله يابت عقلك دا وين؟
=ياخ كنت جيعانة حنمش لناس منو أنا والله لبسة نضيفة م عندي 😂
-ألفحي ليك عباية بس .. خالتك سامية قالت عاملين كرامة
=إتزكرت أخر مسج رسلا لي كنت بدردش معاو قال. لي أشوفك بكرة ف الموعد 😂 أنا قلت دا مالو طلع عارف الموضوع فرضا أنا م مشيت نفسي أعرف بجيب ثقتو دي من وين 🌝
قلت ليها طيب للصباح مع اني مخططة أغسل وأكوي وأقعد أقرا بس غسلت بالليل وصحيت من 6ص شغالة مكوى جا محمد كويت ليو جلابيتو قال لي م تتأخرو ..
طلعنا بدري بعد نزلنا المحطة أمي قالت لي خالتك قالت إنتي بتعرفي البيت وصفو ليك .. للحظة كنت ح أقول ليها م بعرفو إتزكرتو يوم وصفو لي مشينا كان واضح من العربات الواقفة برة .. ودخلنا سلمنا عليهم جات خالتو سامية إستقبلتنا ببشاشة ورسلت بت كانت واقفة جنبها تجيب لينا موية وقعدت معانا ..
شوية أمي قالت حتمشي تساعدهم ف المطبخ .. وفي بنات قاعدات جنبي أي واحدة ماسكة تلفونا أنا أمشي مع أمي المطبخ أعمل شنو هو كلو نسوان قعدت في مكاني جو بتين لقيتهم مرة شكلهم بنات خالتو الماعايز يعترف بيهم 😂 جو سلمو علي وقالو لي نحن شايفنيك قبل المرة ف حتة زكرتهم إنو إتلاقينا ف المستشفي ..
