أقدار

الأخيـرة

#أقـدار 💛
#الحلقـة_الأخيـرة
#بقلـ ✍️ـم_نوودين_Πeedoo

"فِكرَة أن يُحاولَ أحدهُم من أجلكَ، فكرَة دافئة جدًا 💛!"

بقولو علشان تكسب حاجة إنت لازم تتعب وتضطر تتنازل كتير .. الحاجة دي عملناها علشان نكسب بعض سواء كان من ناحيتي أو ناحية وائل  نحن تعبنا شديد وحاولنا .. لأول مرة أقعد مع أبوي وأحنسو وأحسسو بنقصي بدونو أنا فعلا محتاجة رضاهو وموافقتو .. محتاجة يقيف معاي ومايصغرني قدام الناس ..

الإنفصال الحصل بينو وبين أمي م عيب ولا حاجة بلومو عليها أي حد لا أنا ولا المجتمع بس كونو أنا وهو ننفصل دا عيب ولا أنا ولا المجتمع حنغفر ليو الحاجة دي .. بالأخر أنا بحتاج ليو حتي لو هو م محتاج لي وعندو غيري أنا مابقدر أشتري أبو من السوق .. مابقدر أجيب زول يسد خانتو .. مابقدر أكتب إسم زول غيرو وأسندو لأسمي .. يمكن عرفت الحاجة دي متأخر شديد بس أن تصل متأخر خيرا من الا تصل .. وفي النهاية هو أبوي برضو وحن علي بعد تحانيس وبكي ودموع 😂

وافقو تتعمل الخطوبة مبدأيا كدا وبس وائل يخلص ويجهز نفسو الباقي حيتم كانت أحلي مناسبة جمعتني مع أمي وأبوي ومحمد ووائل في صورة 😔💛
المعني الحرفي لي قلبي في صورة 💛 أحلي ناس بحبهم في حياتي واقفين جنبي ومبسوطين لي تاني م عايزة شي أنا نلت نصيبي من الفرح في الدنيا 💛

ممتنة جدا لـ وائل لو م هو نادا أبوي وقال ليو تعال ياعمي عايزك في صورة م كان حصلت .. كنت ح أحضنو قدام الناس لولا جدو واقف بعاين لي 😂

كانت خطوبتنا وعرس محمد في نفس اليوم حتي وائل إتحنن معاهو يوم الحنة وأنا راسمة وأخر مكياج مع العروس يعني كان حاجة كدا في منتهي الوبعلي 😭💛

لما أموت م ح أنسي اليوم الإتجبر فيهو خاطري دا 💛

عدت سنة كانت أحلي أيام عمري في الجامعة .. مع إنو وائل أغلب الوقت مشغول وجدولنا مضارب مع جدولهم بس كل صباح لازم يلاقيني بقول أتصبح بيكِ 😂 ومرات نهاية اليوم بنتلاقي .. بعدها هو خلص سنة الإمتياز وإحساس حينزل شغل وم ح أشوفو ف الجامعة ..

صحباتي كانو بشغلوها لي خلاص حترجعي لينا تاني وتقضي الوقت كلو معانا م ف زول حيتصل ليك يقول ليك تعاليني ف المين ولا في السييتا ولا أقعدي نشرب شاي مغرب ولا أرح صيدلة نخلط 😂

حيوانين حاسديني علي الساعتين البنقعد فيها دي 😭بس طبعا وائل م خلي حركاتو ساعات بتصل لي فجأة بقول لي أطلعي لي جنب البوابة بفرح باللحظة دي أكتر من فرحتي بالنتيجة ..

كمية الزكريات والصور المحتفظة بيها دي عوضتني عن كل لحظة سيئة مرت بي في حياتي ..

-مابقول إنو السنين دي كلها كانت معانا فل الفل لاأبدآ بتجي علينا لحظات وعلاقتنا بتكون م زي أول بس مهما حصل نحن متفقين مانخلي البينا يتأثر بظروف أو حتي ناس 💛