#أقـدار 💛
#الحلقـة_11
#بقلـ ✍️ـم_نوودين=Πeedoo
رسل لي مسج يطمن علي وصلتا كيف؟
= قلت ليهو كويسة الحمدلله ..
_متأكدة!؟
=دقيقة إتأكد ليك 🙂
-ياخ بطلي غتاتة وريني مالك م رديتي وقت التلفون جنبك
=وعرفتو كيف إنو جنبي!؟
-لانو رديتي ع المسج وبطلي كلام م ليو لازمة في شنو؟
=مف شي ياوائل أنا كويسة ووصلت تمام
-ماحاسي كدا
=الاحساس م دخلو بالموضوع دا
-محمد عمل ليك موضوع أمس؟
=موضوع شنو كمان؟
-أنا أعرف من وين إذا إنتي،م حابة تحكي
=لالا والله م ف حاجة زي دي أنا م رديت لأني "بقيت أفكر أقول ليو شنو " إضطريت أكذب عليهو وقلت ليو لأني فترانة
-بس م فترانة من الكتابة 😏
=أسفهك يعني! ؟
-تقدري؟
=أي ليه م بقدر
-جربي طيب خليني أشوف
=مايبقي ليك حار 🌝
-فرصتك ضاعت كان بإمكانك تسفهي الرسالة بس شايفة م قدرتي .. قلت ليك م بتقدري 😉
=😒😒😒😒
قعد يدردش معاي شوية حد م مزاجي راق طلعت الساعة كانت 9ونص غسلت وشي جا محمد قال لي مالا الدكتورة زعلانة؟
=أمي قالت أبوي جا ومالقاني .. تخيل جايب معاهو فواكه حد قال ليو أنا جعانة؟ هو وقت جاي يشوفني م ينتظرني طيب؟ أقلاها يتصل علي يكلمني كنت ح أسيب كل شي وأجي علشانو بس هو م عايز كدا دي المرة التالتة بيجي صدفة ولا بيجي حسب وقتو الفاضي ويقول لي جيت م لقيتك .. هو لو جاي علشاني فعلا كان عرف يصل لي 😔
_ خلاص بطلي بكي عيونك حتوجعك .. إتصلي علي قولي لي الكلام الحاسة بيه دا .. ماتشيلي جواك كفاك وجع .. أنا مابقدر أشوفك زعلانة كدا وم أعمل ليكي شي
=محمد إنت م قادر تفهم قدر شنو الموضوع دا مؤلمني 😭 أنا بحاول إتجاوز ليهو كل المواقف دي بس هو بيرجع يثبت لي إنو أنا م مهمة عندو ولا كأني بتو 😔💔...
-معليش ياقلبي عارفك وحاسي بيك وبقول ليك كدا علشان أنا م عارف الشعور دا ولا حتي بعرف يعني شنو أبو 💔
=إنت حتبكي معاي يعني! ؟
خلاص بلاش سيرة الابهات الله يرحمو ويغفر ليو م تفكر كدا يمكن لو كان عايش أسي أنا م كنت أختك .. وحتي إذا أبوي زعلني إنت قاعد علشان تراضيني بلاش الجو الكئيب دا علشان يمة م تضايق ممكن؟
-معليش طيب يلا قومي غسلي وشك وجيبي لينا حاجة ناكلا
=حااضر من عيوني
