وَطّن.

شخصيات.

أهلاً مجدداً،
هذهِ القصه اللي طاح يوسف فيها بعشق مجهوله. اي نعم، مجهول، مجهول هو عمره ما عرفه ولا يعرف اسمه. بس دخل بحياته و خلاه يحبه من قبل حتى لا يعرفه. صحيح انه مجهول، لكن له قصه كفيله بانها تتركك غرقان بفضولك.

قابلوا شخصياتنا..

• راشد ، ٤٣ سنه. أبو لولدين لكنه الصوره المُجسده لمعنى أب بالنسبه لطفلين ثانيين، عيال كوثر. مُدير معروف في شركه مُحترمه، و المالك المشترك لـ Home. بشرته حنطيه، شعره أسود و طويل و جسمه رياضي بالنسبه لعمره، رموشه كثيفه. متزوج شيخه.

• شيخه، ٤٣ سنه. أم لولدين لكنها ساهمت بتربيه أطفال اثنين ثانيين، و كانوا هالطفلين عيال كوثر. تشتغل كرئيسه قسم لُغه فرنسيه، و المالك المشترك لـ Home. بشرتها بيضه و شعرها بُني مايل للشقار، ملامحها ناعمه لدرجه تعطي إيحاء انها مستحيل تكون خليجيه. متزوجه راشد.

• كوثر، ٤٣ سنه. أم لطفلين. ما تزوجت، و لا تفكر بهالموضوع. كَرّست حياتها لتربيه عيالها و شغلها، و من بعد تجربتها المريرة مافكرت بطاري الزواج ابد، و مجرد طاري الارتباط يجيب لها الغثيان. رفضت عرض راشد لما طرح عليها انها تكون المالكه المشتركه لـ Home، لانها ما تبي تاخذ الارباح. اكتفت ان اسمها يكون موجود من المؤسسين و بس. شعرها اسود طويل، عيونها رماديين، كونها اُردنيه لكنها عايشه و مولوده فالكويت. بشرتها بيضا، خدودها و شفايفها ورديه.

* عُمر و عّز، تؤام، اثنينهم اعمارهم ٢١. عُمر هو الأكبر بين الاثنين حتى و ان كانت ١٥ دقيقه، عُمر يبقى يذّكر عّز انه الاكبر. قراب من بعض بشكل يخوف، لكن قربهم مريح أمهم و أبوهم، كونهم يراعون بعض و يهتمون ببعض، و مافيه مشاكل بينهم. مايتشابهون كثير، لكن ان دققت بملامحهم بتستوعب انهم تؤام. ما زالوا يعيشون مع امهم و ابوهم.

• عُمر، طالب حُقوق، بثالث سنه له. أخذ ملامح ابوه اكثر، حنطي عيونه حاده بشكل يخليك تخاف تتكلم معاه لونهم بُني غامق، حواجبه و رموشه كثيفه، فكه بارز و لحيته خفيفه و متناثره، عنده غمازات خفاف. طويل، بنيته قويه، كون انه معضل. شعره ناعم، قصير مايحبه يكون اطول من ان قذلته (غّرته) توصل لخشمه. شعره الطبيعي بُني، لكنه دايم يصبغ شعره اسود، لانه يحب كيف يعطي مظهر غامض و حاد لشكله. شفايفه مزمومه، و غامقه شويه لكنها محتفظه بزهريتها. ميوله الجنسيه: مثلي. ما عمره حب ولا دخل بعلاقه، عنده العلاقات شي مو مهم، لكن العلاقات العابره لعبته. كونه متبلد و مايهتم الا للناس القريبه منه. رفيج عمر لـيوسف، و كأخو بالنسبه له، دايم يهتم فيه و يوسف متعود على اهتمام عُمر و قُربه.

• عّز، المُدير الحالي لـ Home. اخذ كورسات اداره اونلاين، لكن ما درس في جامعه فعليه. عّز جامع بين ابوه و امه، اخذ بياض امه، و كثافه رموش ابوه. فكه بارز، بينما ملامح عُمر رجُوليه اكثر، ملامح عّز طفوليه اكثر. شعره على لونه الطبيعي بُني و فالشمس ساعات يعكس شقار، ناعم و طويل. يوصل لأخر رقبته، بدايه كتفه. يحب المظهر اللي يعطيه اياه الشعر الطويل، و خصوصا ان شعره كثيف. غمازاته واضحه، و ماعنده لحيه لان ما تلوق على ملامحه الطفوليه. شفايفه فيها زمه خفيفه، لكن اخذ شفايفه من امه، كونها مليانه اكثر من عُمر. مش طويل ولا قصير، لكنه اقصر من عُمر و يوسف، ماعنده عضلات واضحه مثل عُمر، كونه يفضل جسمه بهالشكل. ناعم جداً في تعامله و حياته و حتى ستايله. رفيج يُوسف المقرب، لكنه بمثابه تؤام رّوحي ليوسف. يحتمي بيوسف و يهرب له لما دنيته تكون سوده. و على الرغم ان يوسف اصغر، لكنه يحب يهتم بعّز. ميوله الجنسي : ثنائي. دخل بعلاقه، لكنها هدمت كل مافيه، كسرته و خلته ما يفكر بالموضوع مره ثانيه. من شده تعلقه بهالشخص.