نضجت عشقا

⁦♥️⁩الجزء الأول من الفصل الأخير ⁦♥️⁩

خارج إحدي مراكز التجميل :-

ينتظر كل من يُتعبه العالم و تُريحه عين معشوقته ، تنصهر المسافات شوقاً و الجسدِ تحلُلاً .. فـ العشق موطن ، منه و إليه نعود ..

ترجل قصي من سيارته بحوزة غنية المُغتاظة الملامح مما جعل قصي يتأفأف في ضيق :-

أنا عارف يا غنية إني لو معملتش اللي في دماغك هتفضلي قالبة وشك عليا سنتين قُدام ..

توقفت غنية قُبالته تردف بـ عصبية مُفرطة :-

قصدك إيه يا قصي ؟! قصدك إني نكدية !!

نفخ قصي وچنتيه في ضجر من شجاره معها في ذلك الموضوع مرة أخري يُردف بضيق قد شارف علي الصراخ غضباً :-

لا يا حبيبتي أنا اللي نكدي .. و أقولك علي حاجة كمان أنا راجل مُتسلط و مُتحكم و مُستبد ، حلو كدة ؟!

إنفعلت غنية بشدة من بروده تُردف بنبرة حادة :-

مهو إنتَ لو كنت سيبتني أحضر مع إخواتك تجهيزهم للفرح مكنتش هضايق ، لكن لأ لازم كلمتك هي اللي تمشي و أنا أتخرس خالص وتفضل مكلبشني جمبك زي المساجين ..

تصلّب وجه قصي للغاية مُتحاملاً علي نفسه بنبرة حاول أن يجعلها هادئة إلي حد ما :-

أنا هتغاضي عن الصوت العالي ده ، عشان عارف إن ده صوت هرمونات الزفت مش صوتك ..

هبطت دموع غنية بدون إرادتها في حزن شديد تُردف بعتاب لـ قصي الذي مسح أعلي وجهه في ضيق من بكائها :-

وكمان بتقول علي الحمل زفت ، إنتَ مبقيتش تحبني يا قصي ، خلاص غنية بالنسبالك زعلها مبقاش يفرق معاك ..

أخذت غنية تشهق في بكاء مرير إعتصر له قلب قصي ، فهو وحده من يعلم أن مزاجها أصبح مُتقلباً دوماً منذ حملها فـ تارة تُخبره أنها تعشقه وتارة أخري تبغضه ، تارة تود إقترابه و تارة أخري تنفر من وجوده بجانبها ، ولكن بالأخير لم يُغير ذلك من عشقه اللامُتناهي الذي لا يُقاد إلا لها ..

إقترب قصي منها في هدوء يحتضنها في حنان بالغ يُردف بـ غصة تملأ قلبه من بكائها الذي لا يتوقف :-

خلاص بقي يا حبيبتي حقك عليا متعيطيش  ، مش عشاني حتي عشان خاطر النونو ..

أردفت غنية بنبره تلومه بها :-

أه يا أخويا خايف علي النونو ومش خايف عليا ..

إبتسم قصي في عشق يحل القلب دفئاً لمن إستوطنته :-

النونو اللي هيجي إن شاء الله ده هيبقي عبارة عن صورة من الأصل يا عبيطة ..

ثم أكمل حديثه يُجفف عبراتها التي تؤرقه فور رؤيتها :-

وبعدين الدكتورة أخر مرة قالت إيه !! مش قالت ترتاحي في السرير و متتحركيش غير للضرورة ، كنت هسيبك إزاي معاهم من الصبح لحد دلوقتي ؟ ومين هيخلي باله منك ؟ ماما هتلاقيها مشغولة مع البنات و إنتي ممكن تتعبي في أي وقت ، وكمان أنا عارف إنك بتنسي نفسك و لا هتاكلي ولا هتاخدي الدوا .. كدة يبقي أنا غلطان ؟؟