Nexus Academy: The Enchanted Home

Kapitulo VII - Deal

Kinabukasan ay maaga akong nagising upang maghanda sa pagpasok sa eskuwelahan. I can't believe that my short semestral break has already ended! Parang kahapon lang ay kaka-anunsyo pa lang ng bakasyon namin, ngayon ay papasok na naman ako!

It's just like the logic about Mondays and Fridays— Bakit ang lapit ng Friday sa Monday pero ang layo ng Monday sa Friday? Ugh!

"The look on your face says you want to end this school year already," natatawang puna ni Sage sa akin.

I rolled my eyes and pouted even more. Pagkatapos naming mag-almusal ay sabay na kaming tumulak ni Sage patungo sa Nexus Academy. Awtomatikong naglaho ang disgusto ko sa pagpasok nang makita ang kagandahan ng aming mahal na paaralan mula pa lang sa entrada.

Nexus Academy: Hogar de los Encantados

"Astra!" Napalingon ako sa tumawag sa aking pangalan mula sa 'di kalayuan. Agad akong tumakbo at sinalubong ng yakap ang kaibigan kong si Estefania nang tumakbo rin siya papalapit sa akin.

Nang bumitiw ako sa yakap ay pinasadahan ko ng tingin ang maliit na pagbabago sa kanya. Her silky brown wavy hair swam down her neck like a waterfall. Napansin kong mas humaba at kumapal ito sa loob lamang ng dalawang buwan naming hindi pagkikita.

"You look gorgeous, Steffy..." puri ko sa kanya.

Her cheeks flushed at my sudden compliment. Pabiro niyang hinampas ang braso ko kaya napaiwas ako. "Mas maganda ka, tanga!"

Napahalakhak ako sa sinabi niya. "Bakit may kasama pang mura?!" pabirong reklamo ko.

Hinawakan niya ang kamay ko at umambang hihilahin na ako papasok sa paaralan. Agad hinanap ng paningin ko ang biglang naglahong kapatid. "Huh? Nasaan na si Sage?" pabulong na tanong ko sa sarili.

Ipinagkibit-balikat ko na lang iyon at nagpahila na lang sa tumatakbong si Steffy. The gentle wind blew as we entered the home of the enchanted ones. Hindi ko napigilan ang pagngiti habang pinagmamasdan ang iba't ibang uri ng encantados na nagtipon-tipon ngayon sa balik-eskuwela. Kung titingnan mo sila sa ilalim ng mataas na sikat ng araw, hindi mo agad maiisip na mayroon silang ibang anyo tuwing gabi. Mukha lang kaming mga normal na estudyante katulad ng ibang mamamayan sa iba pang rehiyon.

I stared at the beauty of our sanctuary in awe. The buildings made of mushrooms looked astonishing and magical as usual. I looked up and saw the ever-changing sky art caused by the clouds that brought infinite images of beauty in different sizes and shapes. Sa likod ng mga ulap ay nagtatago ang nakangiting Haring Araw.

"Are you ready for Defense class?" tanong sa akin ni Steffy.

I lazily hugged my friend's back. "I wanna go home already, Estefania..." I drawled.

Napahalakhak siya dahil sa sinabi ko. "Kakapasok pa lang natin, pero nasa pag-uwi na agad ang isip mo!"

I tilted my head and tried to block her vision. "Huwag na lang kaya nating pasukan ang klase ni Sir Miguel?" I tried to convince her.

Itinulak niya palayo ang mukha ko gamit ang isa niyang kamay. "Oh, tukso! Layuan mo ako!" pag-awit niya sa isang linya ng kilalang kanta na narinig namin mula sa mundo ng mga manna.

I laughed heartily at her jokes until we arrived at our first class. Naghiwalay na kami ng landas ni Steffy dahil nahahati ang aming klase base sa uri ng encantados. She's with the centaurs while, on the other hand, I'm with the fairies. Mahahati lang kami from Class A to Class D kapag kami'y labing-walong taong gulang na at kapag nasa ika-huling taon na kami sa high school.

Natahimik ang lahat dahil sa pagpasok ko sa silid, ngunit kalaunan ay bumalik na rin ang ingay dahil sa pagbati at pagsalubong ng ilan kong kaklase sa akin. "Greetings, Your Royal Highness..."