رواية #كبرياء_شيفيكا_الاعمى
الجزء الأول
في شاليه بعيد امام البحر شيفاي قاعد في بلكونته اللي دافن نفسه فيها علي طول ومش بيخرج منها الا علشان يروح يكمل حبسته في اوضته ...
كان يوم جميل جدا .الشمس هاديه والهواء تحفه
الجمال ده كان حواليه بس لكن هو مفيش جواه غير مرار وبس
فجأه وهو سرحان:: اد ايه المنظر من هنا يجنن يا بختكم بالمنظر ده!!!
شيفاي: ايه ده؟ انتي مين؟؟ ودخلتي هنا ازاي؟؟
الصوت: براحه براحه علي مهلك شويه .ايه هو ده؟ هو انا هاكل المنظر بتاعك ولا ايه؟؟
شيفاي: انتي مين؟ ودخلتي هنا ازاي؟
الصوت: انا حراميه جايه اسرق منظركم.. براحه ياعم علينا شويه ده ايه ده.
شيفاي: اطلعي بره..ماما يا ماما ..خانا انتو فين كلكم؟؟
شيفاي كان بينادي وبيزعق بصوت عالي جدا..جت امه تجري
بينكي:في ايه شيفاي؟ايه جري ايه وبتزعق كده ليه
شيفاي: مين دي؟؟ ودخلت هنا ازاي؟ وازاي تدخل هنا عندي وازاي سمحتولها اصلا تدخل هيا فوضي ولا ايه؟؟؟؟
شيفاي: دي البنت بتاعت الدليفري هيا جابت الاكل اللي انا طلبته
شيفاي: وازاي نتدخل لحد هنا؟؟
البنت: براحه بقي شويه ..انت فاكر نفسك مين يعني ..؟كل ده علشان غني حبيتين..يعني دخلنا الجنه وانا مش واخده بالي؟؟علي العموم اشبع بيها لوحدك واسفين ياعم علي دخول جنتك
.اشبع بيها لوحدك
شيفاي اتوتر جدا حست امه انه مسيطر علي اعصابه بالعافيه
استغربت بينكى جدا ابنها ديما لا مبالي مش بيهتم باي حد ولا حد بيقدر يحرك مشاعره لا بالحلو ولا بالوحش ..بس البنت دي في لحظه جننته وخرجته عن شعوره بالطريقه دي
بينكى: اهدي شغ اهي طلعت بره اهي
شيفاي: مش عايز الاقي حد فوق راسي كده تاني ..مفهوم؟
بينكى: حاضر ابني مفهوم .. بس انت هدي نفسك
شيفاي: اهدي اهدي اهدي...هو انتي ايه شايفاني مجنون ولا ايه؟؟
بينكى: لا حبيبي بعد الشر عليك من الجنون ..انا بس مش عايزاك تضايق نفسك كده
شيفاي: يبقي تسيبوني في حالي ومتدخليش حد عليا
بينكى: حاضر هسيبك لوحدك
خرجت الام بره وسابت ابنها لوحده راحت للبنت واديتلها باقي حسابها وقبل ما البنت تمشي
بينكى: متزعليش يا بنتي من ابني هو عصبي شويتين وبيحب الوحده شويه
البنت: لا عادي حصل خير ..انا اللي تتطفلت عليه ..وبعدين متخيلتش انه هيتضايق كده لمجرد دخولي ..علي العموم انا اسفه لو كنت ضايقتكم
بينكى: لا يا بنتي احنا اللي ضايقناكي احنا اللي اسفين.. المهم مقولتيليش اسمك ايه بقي؟؟؟
البنت: اسمي أنيكا
بينكى: اهلا بيكي ..مش غريبه ان بنت تشتغل ديليفري؟؟؟
أنيكا : اكل العيش بقي هنعمل ايه..انا اصلا بغسل صحون في المطعم وحضرتك طلبتي الاكل بسرعه ومكنش في حد فجيت انا
بينكى: ده من حسن حظنا علشان نشوفك
أنيكا : قصد حضرتك من سوء حظكم علشان ضايقت ابن حضرتك
أنيكا: لا يا حبيبتي ..المهم لو طلبت اكل تاني عايزاكي انتي اللي تجيبيه ماشي؟؟
أنيكا : لا حضرتك ممكن تطلبيني بالاسم لكن انا مينفعش اطلب منهم في المطعم اطلع ديلفيري
بينكى: خلاص اتفقنا انا هطلبك بالاسم
أنيكا : وانا تحت امر حضرتك
مشيت انيكا وابتسمت الام ابتسامه خبيثه لان في خطه اترسمت في دماغها وهتحاول تنفذها
فات يومين وطلبت بينكي الاكل تاني وطلبت أنيكا بالاسم وفعلا جت بالاكل سلمت عليها بينكي واستأذنتها تجيبلها الفلوس وسابتها واقفه قصاد البلكونه اللي شيفاي فيها ..اتمنت انها تدخله تاني فوقفت تراقب من بعيد
أنيكا اترددت تدخل ولا لأ خطت خطوه ورجعتها تاني لانه ممكن يزعق تاني وممكن تتطرد من شغلها لو ضايقتهم
وبعد شويه قررت تدخل تعتذر له
انيكا : اوعي يكون منظرك نقص شويه لما انا شوفته؟؟؟
اتفاجأ شيفاي للحظه بصوتها بس افتكر صاحبه الصوت واتفاجئت أنيكا لما ابتسم
شيفاي: اسف علي نرفزتي عليكي المره اللي فاتت بس كنت متضايق شويه وانتي جيتي في وشي
أنيكا : اه فانفجرت فيا انا بقي ..يالا ما علينا ..المهم ما ردتش عليا
شيفاي: ما رديتش علي ايه؟
أنيكا: منظرك نقص شويه لما شوفته؟؟
شيفاي ابتسم :اه نقص هاتي بقي اللي اخدتيه...
أنيكا بخوف مصطنع: ايه ده انت هتتبلي عليا ولا ايه صدقني ما اخدت حاجه منه
شيفاي ضحك وهيا كمان ضحكت
انيكا: ما انت بتعرف تبتسم وتضحك زي الناس اهو امال بيقولو عليك كده ليه؟
شيفاي بضيق: مين بيقول ايه عليا وبيقولو ايه هاه؟؟؟
أنيكا: اهدي اهدي .انا بهزر محدش بيقول حاجه .هو انت ايه علي طول قافش كده
شيفاي: قافش؟؟؟؟قافش ايه؟؟
أنيكا بضحك" قافش يعني متزربن كده
شيفاي: مت... مت ايه؟؟؟
انيكا: لاه ده انت مفيش منك امل خالص
شيفاي: ومين امل دي كمان؟؟
أنيكا: امل دي تبقي بنت مفيش فايده
شيفاي: ههههه ههههههه ..اتريقي براحتك
أنيكا: انا اقدر اتريق
وفضلوا يهزروا سوا وكأنهم يعرفوا بعض من زمان
بينكي اول مره من 3 سنين تشوف ابنها بيضحك وبيهزر وبيتكلم كده حست ان في امل ان ابنها يرجع تاني زي الاول فسابتهم وطلعت تجيب الفلوس لانيكا
شيفاي: للدرجه دي اكل مطعمكم حلو ..امي بتطلبه كل شويه
أنيكا: المفروض انا اللي اسألك ؟؟انت ايه رأيك؟
شيفاي: معرفش ..ما اكلتش منه
أنيكا: طبعا انت اكيد ليك اكل مخصوص ممكن بيجبهولك بالطياره من بره ولا حاجه
شيفاي: بطلي لماضه... انا مش باكل اكل بره الا نادرا
أنيكا: اه ماشي..المهم بعد اذنك علشان والدتك جت
شيفاي: اه..اتفضلي
مشيت أنيكا بعد ما اخدت حسابها ودخلت بينكي لابنها اللي كان مبتسم علي غير عادته
بينكي: حبيبي ايه اخبارك
شيفاي: تمام كويس
بينكى : انت علي طول بتقولي كويس
شيفاي: وعايزاني اقولك ايه.؟؟؟
بينكي: افتحلي قلبك احكيلي اللي جواك
شيفاي: مفيش حاجه جوايا انا كويس متشغليش انتي بالك
بينكي عرفت ان مفيش فايده في ابنها ومش هيفتح قلبه ليها ولا هيشاركها في مشاعره
حست انها لازم تعمل اي حاجه ولا ابنها هيضيع منها
ياتري شيفاي ايه اللي حصله؟؟ وايه اللي كرهه في الدنيا واللي فيها
وبينكي هتعمل ايه؟ ويا تري اللي هتعمله هيكون كويس ولا هيجيب عكس النتيجه اللي بتتمناها
الرواية مقتبسة من رواية مصرية إبداع التأليف للكاتبة المصرية فقط مغيرة فى الأحداث لتناسب الطابع الهندي
#nonayasso
