رواية #كبرياء_شيفيكا_الاعمى
الجزء 15
رودرا كان مع شيفاي وشيفاي طلب منه طلب غريب
شيفاي: رودرا انا عايز اطلب منك طلب..هما طلبين صراحه مش واحد؟؟؟
رودرا: اي حاجه انت بس تشاور..
شيفاي: ايه ده! انا مش متعود منك علي كده ولا علشان هموت يعني؟؟
رودرا: لا شيفاي انت مش هتموت ..بس أنيكا خلتني اغير نظرتي لامور كتير واولها انت ..خلتني ابصلك كأخ مش كمنافس
شيفاي: يعني مراتي في كام شهر عملت اللي انا معرفتش اعمله في سنين ..واخير بصتلي كأخ؟
رودرا: المهم قول عايز ايه؟
شيفاي: اولا عايز اسافر بره اعمل العمليه مش هنا
رودرا: ليه؟ماهو الدكتور اللي هيعمل العمليه احنا هنجيبه من بره
شيفاي: لا رودرا انا عايز اسافر
رودرا: وليه انت غاوي تعب؟؟؟
شيفاي: عندي اسبابي الخاصه
رودرا:وايه هيا؟؟
شيفاي:..............
رودرا: ماهو يا تقولي ليه يا مش هساعدك؟
شيفاي: انت بتساومني ولا ايه؟
رودرا:مش اتفقنا نبقي اخوات ولا رجعت في كلامك؟
شيفاي: هقولك بس توعديني محدش يعرف باللي هقولهولك
رودرا:ماشي اوعدك
شيفاي:بره عندهم سياسه في المستشفيات مش عندنا هنا
رودرا: سياسه ايه؟
شيفاي: ان المريض ينفع يرفض الانعاش او انه ينهي حياته!!!!!
رودرا: افندم؟؟؟مش فاهم يعني ايه؟
شيفاي: يعني قبل ما ادخل العمليه همضي علي ورق في حاله ان العمليه فشلت وانا هفضل مشلول من غير عقل هخليهم ينهوا حياتي لاني مش عايز استمر كده
رودرا: انت مجنون ده انتحار
شيفاي: لا مش انتحار انا ساعتها مش هكون موجود اصلا كل اللي هعمله هرفض الانعاش يعني لو قلبي وقف يسيبوه واقف
رودرا لو فشلت العمليه مش عايز اعيش عاله علي امي او أنيكا ده انا حتي مش هعرفكم وهكون مشلول واعمي يعني ميت اصلا بس ميت متعب ..هتفضل امي تتحسر عليه كل ما تشوفني لحد ما تموت بحسرتها وأنيكا هتفضل تخدم فيا وياريت حتي هكون حاسس بيهم ..انت عايز تعمل في أنيكا وماما بينكي كده؟؟
رودرا:..............
شيفاي: سكت يعني ...لانك عارف ان كلامي صح؟؟؟
رودرا:بس شيفاي..
شيفاي: ما بسش..مش عايز حد يعرف بالموضوع ده وابدأ جهز للسفر...من غير ماحد يعرف.. امي او أنيكا لو عرفو مش هيوافقو
رودرا: وليه انا اللي عايزني اوافق؟؟
شيفاي: لانك عملي ومش بتفكر بعواطفك..وبعدين انا بعتمد علي حته الغيره اللي فيك ..فكر كده..لو انا مت هتبقي انت الكل في الكل
رودرا: تصدق فعلا عندك حق..هتسافر امتي؟؟؟
ضحكوا هما الاتنين
رودرا: والطلب التاني ايه هو؟
شيفاي: الطلب التاني؟؟؟؟ده المهم...وهو أنيكا
رودرا: مالها أنيكا؟
شيفاي: هتكون مسؤليتك ..انت مسؤل تعيشها حياتها لو انا مت مطلوب منك تنسيها شيفاي تماما
رودرا: هههههه وانت فاكر ان انا اقدر ؟؟؟انت بتحلم
شيفاي: طول ما انا موجود لأ مش هتقدر لكن لو انا مت هتقرب شويه شويه..انا قلتلها تعيش حياتها بس قلتلها انت بالذات لأ بس فكرت فيها لقيتك انت اكتر واحد مناسب
رودرا: مناسب ازاي؟؟؟
شيفاي: أنيكا مش هتسمح لحد جديد يدخل حياتها لكن انت اصلا موجود وهيا بتعزك وشويه شويه ممكن المعزه دي تتغير
رودرا: اه وافضل عمري كله كل ما اشوفها سرحانه اعرف انها بتفكر فيك وتبقي قارفني دنيا واخره .وانت عايش انا رقم اتنين وانت ميت برضه رقم اتنين .لانك هتكون ديما في قلبها
شيفاي: عارف انه طلب صعب بس ارجوك اوعدني انك تخلي بالك منها
رودرا: حاضر شيفاي أنيكا وماما بينكي في عيوني....(كمل بهزار) موت انت بس وانت مطمن
الكي استغرب من اصرار شيفاي للسفر بس بعد كده اقتنعوا وفعلا سافر شيفاي كان عايز يسافر لوحده بس طبعا لا بينكى ولا أنيكا وافقوا يسيبوه
سافروا ودخلو المستشفي واستعد شيفاي للعملية وقبل العمليه بيوم رودرا خرج بينكى وأنيكا بحجه انهم يريحوا قبل العمليه لانها هتستمر وقت طويل ولازم يكونوا مرتاحين ورجع هو لشيفاي علشان يمضوا علي ورق عدم الانعاش
الدكتور: انت متأكد من رغبتك دي؟؟
شيفاي: ايوه متأكد...لو حالتي العقليه اتأثرت او هفضل مشلول يبقي مش عايز انعاش
الدكتور: طيب لو حالتك العقليه كويسه ومش مشلول وقلبك وقف لاي نتيجه في العمليه
شيفاي: يبقي تنعشني
الدكتور: يعني انت عايز عدم الانعاش في حاله الشلل او تأثر حالتك العقليه..انا فهمت صح؟؟
شيفاي: ايوه مظبوط
وفعلا تم كل شيء زي ما شيفاي عايزه
قبل العمليه شيفاي اول مره يحس بالخوف كده مع انها مش اول مره يدخل عمليه او حياته تكون مهدده بس قبل كده مكنش عنده حاجه يخسرها لكن دلوقتي عنده كتير ...عنده أنيكا حبه وعشقه
شيفاي : أنيكا ..انتي فين؟؟
أنيكا قربت ومسكت ايده وباسته
أنيكا: انا هنا جنبك ما تخافش كل حاجه هتكون كويسه وبدأت تعيط
شيفاي: لا انيكا اخر حاجه محتاجها منك هو العياط..علشان خاطري ودعيني من غير دموع
أنيكا: لا شيفاي مش هودعك ..انت هتبقي كويس وهتقول أنيكا قالت..اوعي تستسلم للموت وافتكر ان انا مستنياك..ولو لقيت نور ابيض ما تروحلوش ابعد عنه
شيفاي: ههههههه مش هروح للنور..بس علي فكره انا اعمي يعني مش هشوف النور
أنيكا ضحكت: عندك حق اهو ميزه انك اعمي
شيفاي: أنيكا لو جرالي حاجه اسمحي لرودرا انه ياخد باله منك
أنيكا: مش عايزه الكلام ده دلوقتي وبعدين انت قلت الا رودرا غيرت رأيك ليه؟
شيفاي: هو اللي اتغير فنظرتي ليه اتغيرت
أنيكا: انت عارف ان انا مش هقدر اكون مع راجل تاني
شيفاي: انا كل اللي بطلبه حاليا انك تسمحيله يخلي باله منك وسيبي الباقي لبعدين
أنيكا: حاضر شيفاي اللي انت عايزه
جت الممرضه وطلبو منها تتطلع بره لانهم هيجهزوه للعمليه
خرجت أنيكا واول ما شافت بينكى عيطت وحست ان الدنيا كلها بتلف بيها وفجأه كل شيئ بقي اسود
فاقت أنيكا لقت نفسها في سرير وبينكى جنبها
أنيكا: شيفاي هو فين؟؟
بينكى ما تخافيش لسه ما دخلش العمليه
أنيكا: ايه اللي حصل؟
بينكي: اغمي عليكي وعملولك تحاليلي ولسه نتيجتها ما ظهرتش
أنيكا: انا لازم اروح لشيفاي .لازم اكون جنبه
بينكى: هيمنعوكي لانهم خلاص هيدخلوه العمليات
أنيكا: المهم يحس بينا جنبه
وفعلا راحوا لشيفاي ودخل العمليات وكلهم مستنين بامل خروجه بالسلامة
وبعد ما دخل العمليه جي دكتور لأنيكا ومعاه ورق
الدكتور ?are you anika
انيكا:YES I'M
وده كان اخر معرفه أنيكا بالانجليش
الدكتور كمل كلامه مع بينكي اللي اتدخلت علشان تشوف الدكتور عايز ايه..ولما سمعته معرفتش تفرح ولا تعيط ..سابهم الدكتور ومشي وأنيكا مش فاهمه حاجه
أنيكا: في ايه يا ماما ؟ قالك ايه؟؟
.........ماما ردي عليا
فضلت بينكي ساكته شويه بس دموعها نزلت
بينكي: انتي حامل أنيكا 😍😍
انيكا: لا مش حامل .....لو حامل هعرف ولا ايه؟؟
بينكي: حامل أنيكا حامل
أنيكا: انا منفصله عن شيفاي من يجي شهرين ويمكن اكتر
بينكى: انتي بدأتي في الشهر الثالث
أنيكا: طيب ازاي وانا معرفتش؟؟
بينكي: يمكن لانك مشغوله بشيفاي لدرجه نسيتك نفسك
أنيكا سكتت بس قلبها بيدق بطريقه غريبه خوف علي فرحه ان فيها جزء من شيفاي ..وكريمه كمان بتفكر نفس التفكير..الاتنين بيفكروا
"مش يمكن القدير عايز يعوضهم عن شيفاي بابن منه؟؟؟"
الاتنين عيطوا بصمت من غير ما واحده فيهم تتكلم..رودرا جه عندهم ولاحظ حالتهم
رودرا: في ايه ؟ مالكم ؟في حاجه حصلت لشيفاي؟
بينكى: لا يا حبيبي شيفاي كويس ..او احنا منعرفش حاجه عنه
رودرا: امال مالكم عاملين كده ليه؟
بينكى: لا يا حبيبي مفيش ..بس عرفنا ان أنيكا حامل
رودرا: ايه حامل؟؟؟
رودرا فكر"""شكلك فعلا شيفاي هتفضل ورايا حي او ميت..بس ابن منك هيكون كويس علي الاقل امك تلاقي هدف تعيش علشانه وانا اوعدك اني هربيه زي ابني """
يا تري شيفاي هيعيش ولا ابنه تعويض عنه؟
أنيكا هتتقبل رودرا مكان شيفاي ولا ولا ؟
الرواية مقتبسة من رواية مصرية إبداع التأليف للكاتبة المصرية فقط غيرنا فى الأحداث لتناسب الطابع الهندي
