رواية #كبرياء_شيفيكا_الاعمى
الجزء 17
شيفاي فاق والنور ضايقه قوي ..قرب الدكتور من شيفاي وطلب من الممرضه انها تقفل الشباك وتتطفي النور
الدكتور:قفلنا الشباك والنور تقدر تفتح عينيك
المره دي شيفاي فتح عنيه
الدكتور: شايف ايه؟
شيفاي: شايف؟؟؟ انا مش شايف حاجه
الدكتور: امال النور ضايقك ليه؟
شيفاي: معرفش مره واحده فتحت عيني لقيت نور كتير
قرب الدكتور من شيفاي وسلط كشافه الصغير علي عنيه فغمض شيفاي عينه تاني
الدكتور: انا لازم اعمل اشعه وفحوصات ..معني ان عنيك بتتضايق من النور ان في امل ان بصرك يرجع او هو فعلا بدأ يرجع
شيفاي: كفايه ارجوك..انا مش عايز اجري ورا اوهام من تانى
الدكتور: اوهام ؟؟؟ انت من ساعه الحادثه سبق وضايقك النور قبل كده؟
شيفاي: لا دي اول مره
الدكتور: يعني انت متفق معايا ان في حاجه اتغيرت وللاحسن
شيفاي: برضه اسف انا مش هعمل عمليات تاني انا وعدت نفسي ان اللي فاتت دي كانت اخر مره اوقف الناس اللي بيحبوني بره اوضه العمليات مش هحطهم في الموقف ده تاني
الدكتور: براحتك بس كده انت غلطان
شيفاي: معلش خليني براحتي
شيفاي عرف بعد كده من أنيكا اللي حصل بين بينكى ورودرا واتضايق جدا وفهم أنيكا كل حاجه وهيحاول يصالحهم
شيفاي: ايه كيكي اخبارك ايه؟
بينكى: انا كويسه طول ما انت كويس
شيفاي: وانا مش كويس طول ما انتي زعلانه من رودرا
بينكى: ارجوك بلاش الموضوع ده
شيفاي: لا يا امي..رودرا ما عملش غير اللي انا طلبته منه مش اكتر
بينكى:ده برضه ما يديهوش الحق
شيفاي: كنتي عايزاه يعمل ايه يعني؟
بينكي: يعمل زي ما طول عمره بيعمل ..يقولك لأ
شيفاي: هو انتي فاكره ان انا لما بسيب رودرا يعمل اللي في مزاجه ان انا مش هقدر اجبره؟
بينكي: طول عمره بيعارضك
شيفاي: لان انا بسيبه براحته لكن لما بطلب حاجه بجد وعايزه ينفذها ميقدرش يقول لأ..امي انا كنت زيك
بينكى: يعني ايه زيي؟؟
شيفاي: يعني زي ما كنتي ديما بتعتبري رودرا اخويا الصغير وتنصريه عليا حتي لو غلطان وتقوليلي معلش علشان بس ما يحسش بالوحده او الغربه انا كمان كنت بعتبره اخويا الصغير واسيبه براحته ..يلعب.. يخرج مع بنات.. يسهر براحته.. بس لما بطلب بجد ما يقدرش يقولي لأ .هو كان عارف حدوده معايا
انا طلبت منه يوافق ..مكنش ينفع اعيش لو حصل حاجه من اللي الدكتور قال عليهم وكان ممكن اقولك بس كنتي هتفضلي في قلق زياده ومكنتيش هتقدري تمنعيني زي ما رودرا ما قدرش يمنعني بس مرضيتيش احملك فوق طاقتك
بينكى: مفيش ام بتضايق من ابنها وبكره هتجرب بنفسك لما ولي العهد يشرف
شيفاي: لسه بدري علي موضوع ولي العهد ده
بينكى: بدري ايه ؟ ده كلهم يجي 6 شهور كده ويشرف وتقولي بدري
شيفاي: 6 شهور ايه بالظبط ؟انتي بتتكلمي عن ايه؟
بينكى: اوبا.....أنيكا ما قالتلكش لسه ..طيب هروح انا علشان ورايا..( شيفاي قاطعها)
شيفاي: امي أنيكا ما قالتليش ايه مخبين عني ايه تاني؟
بينكي: لا مش مخبين بص الممرضه بتنادي
شيفاي: بينكي ؟؟؟؟؟
بينكي: يوه بقي ..أنيكا حامل وفي الشهر الثالث اهو قلتلك ارتحت؟
شيفاي اتصدم ومعرفش يرد..
بينكى: ايه مش فرحان ليه؟
شيفاي: ............
بينكى: مالك في ايه؟شيفاي اوعي تزعل من أنيكا بسببي تاني
شيفاي: لا مش هزعل من أنيكا..سيبيني لوحدي لو سمحتي
بينكي: شيفاي اكيد هي كانت هتقولك بس مستنيه لحظه رومانسيه مثلا ولا اي حاجه
شيفاي: قلتلك مش زعلان من انيكا ارجوكي بقي
بينكى: امال مالك؟المفروض الواحد يفرح انه هيكون اب
شيفاي: افرح ؟؟؟؟ مراتي معرفش شكلها وده بيقتلني كل ما اسمع كلمات اعجاب عنها دلوقتي هيكون عندي ابن معرفش شكله ايه ؟بجد ده كتير
بينكي: كتير؟؟؟؟كتير شيفاي يكون عندي حفيد؟
شيفاي: يوووه ..ديما مش بتفكري غير في الموضوع ده
بينكي : كل ام بتفكر كده والمفروض تحمد القدير مش تزعل .احمده علي زوجه بتتمني تعيش تحت رجليك.. علي صحتك اللي رجعهالك ..على انه هيخليك تدوق طعم الابوه..بطل بقي تبص للي ناقصك واستمتع باللي في ايدك بدل ما ياخده منك
بينكي قالت كلامها وسابته ومشيت وهو فضل يفكر ويفكر وطلب الدكتور
شيفاي: انا غيرت رأيي لو في امل بنسبه 1% او اقل اني افتح عايزه بس بشرط ان الموضوع يفضل في سريه تامه
الدكتور: اخيرا ؟؟ماشي هنعمل كل حاجه في سريه
أنيكا عند شيفاي وهي مش عارفه تتكلم لان بينكى قالتلها انها غلطت وقالت لشيفاي انها حامل
أنيكا: شيفاي انا......
شيفاي: انتي ايه؟ خبيتي عليا ليه؟
أنيكا: مكنتش عايزه اشغلك وخوفت من رده فعلك وملقيتش وقت مناسب
شيفاي: كل دي اسباب ؟ده انتي مجهزه الرد بقي
انيكا: ارجوك ما تزعلش مني
شيفاي: مش زعلان ..بس هتوصفي لي شكله بالتفصيل كل يوم هتوصفيه فاهمه
أنيكا رمت نفسها في حضنه
أنيكا: فاهمه ..هزهقك وصف
بينكى سامحت رودرا ورجعو عيله جميله تاني وبعدها شيفاي طلب منهم كلهم يرجعوا الهند ويسيبوه واصر ومحدش فيهم قدر يغير رأيه ومحدش فيهم مقتنع ليه
بينكى: طيب خلي أنيكا معاك
شيفاي: قلت لأ مش عايز حد ..هكمل علاجي واجي واديكم سمعتم الدكتور قال اني بقيت كويس
انيكا:طيب ارجع معانا كمل علاجك في الهند
شيفاي: هو انا هعيد كلامي كام مره.قلت لأ وهتسافروا كلكم وده اخر كلام عندي..
أنيكا زعلت من شيفاي بس في الاخر سمعوا كلامه واستعدوا للسفر
كانو هيمشوا بدري جدا قبل طلوع الصبح وبالليل أنيكا نزلت تتمشي في جنينه الفندق لان مش جيلها نوم وزعلانه انها هتسيب شيفاي
وفجأه قررت انها تروح تقضي اخر ليله معاه وترجع قبل معاد الطياره ووصلت المستشفي وهيا داخله لمحت تيا داخله المستشفي بس كدبت نفسها ودخلت شافتها بتسأل علي اوضه شيفاي ومشيت وراها لحد ما دخلت اوضته وقفلت وراها الباب
ياتري تيا عايزه ايه تاني من شيفاي ؟
أنيكا هتعمل ايه؟
شيفاي مشاهم ليه وايه علاقته بتيا وهيرجعلها ولا؟
