كبرياء شيفيكا الاعمى

11

رواية #كبرياء_شيفيكا_الاعمى
الجزء 11
تيا بتحاول تقنع شيفاي يترك أنيكا
تيا: شيفاي انا لسه بحبك ولسه عايزاك ..انت عارف ان أنيكا مش مناسبه ليك ولا عمرها هتفهمك وبعدين هيا طول الوقت مع رودرا.. و طول الوقت ضحك وهزار ..وبتستغل انك ....
شيفاي: ايه سكتي ليه ؟؟ كملي كلامك قوليها ..بتستغل اني اعمي
تيا: مش قصدي اجرحك لكن ده فعلا اللي بيحصل
شيفاي: شوفي تيا ..لابد من قفل الموضوع ده نهائي ..علاقتي بيكي انتهت خلاص وانتهت من زمان .انتهت يوم ما تركتني وذهبتي لراجل غيري وثقتي فيكي انتهت ..انتي ذهبتي لراجل غيري وانا بكامل صحتي هتعملي ايه معايا وانا اعمى؟؟
اما علاقتي بانيكا فهذا شيئ لا تتدخلي فيه نهائي وسبق وقولت لك لا تتدخلى فى شىء لا يخصك...اعتقد كده انا واضح جدا
تيا اتضايقت من شيفاي جدا وبعدت عنه وذهبت تركته وسط الحديقة وبعيد عن البيت بكتير ..وشيفاي من ساعه الحادثه ما دخل الحديقة ابدا وهو حاليا لا يعلم اى شىء عنها هو فين والبيت في اي اتجاه..
هنا اول مره شيفاي يحس بعماه ..يحس بالعجز ..مش عارف يمشي ازاي ولا يرجع البيت ازاي.. جرب ينادي لكن مفيش حد رد ..صعبت عليه نفسه قوي لما وقع علي الارض وقع في وسط الطينه
ظل جالس مكانه مستسلم تماما محطم نفسيا ومدمر ..مستني اي حد يجي ياخده من ايديه يوصله بيته ..استسلم لليأس والعمي وتمني ان حياته تنتهي باي طريقه...
أنيكا فى غرفتها سهرانه لانها اتعودت ما تنام غير لما تسمع شيفاي يدخل غرفته ويستقر في سريره ...لكن اليوم اتأخر والقلق مالي قلبها..اخيرا قررت تنزل تشوفه
نزلت وجدت البيت ظلمه والكل نايم وشيفاي وتيا مش موجودين
فكرت انيكا ان شيفاي خرج مع تيا وهنا حست بنار وغيره بداخل قلبها وحست انه بيخونها فخرجت امام البيت تتمشي شويه وتشم هوا يمكن نار قلبها تبرد..
وهي بتتمشي شافت خيال في الارض فقربت تتأكد وجدت شيفاي واقع علي الارض ومستسلم تماما ..جريت بسرعه عليه
أنيكا: شيفاي...شيفاي حبيبي ايه اللي حصل وايه اللي وقعك كده وتيا فين ؟؟؟
شيفاي بغضب: اتركيني في حالي ..انا مش عايزك انتي بالذات مش عايزك ابعدي عني وفري شفقتك لحد غيري ابعدي..
قالها وبعدها بقسوة بعيد عنه ..مقدرتش تتركه واقع في الارض وملابسه كلها مليانة طينه وايديه ..هنا قررت فليذهب كبريائها للجحيم المهم حاليا كبرياؤه هوه ..
أنيكا: شيفاي ارجوك اتركني اساعدك ..لا تنسي انا مراتك ..انا ستر وغطا عليك ..ارجوك شيفاي امسك ايدي..سبق وقلتلك اني مش هترك ايدك ابدا بس انت ديما اللي بتترك ايدي ..مد ايدك ليا
شيفاي مد ايده اخيرا لمراته وتركها تساعده
اخدته أنيكا بسرعه علي الحمام وساعدته يخلع ملابسه وحست بيه بيترعش بين ايديها وهي مش عارفه هو بيترعش من البرد اللي كان فيه ولا من كبرياؤه اللي اتهز..
اترددت تساعده ازاي وهي شايفاه بيترعش امامها ...لكن التردد استمر لحظه بعدها قلبها انتصر لا تقدر أن تترك حبيبها بالشكل ده لا تقدر تتخلي عنه تاني ..
قربت منه وضمته لصدرها وحاولت تدفيه حاول شيفاي يبعدها عنه لكن محاولاته كانت ضعيفه لانه هو عايزها تظل في حضنه
شيفاي بيفكر :لا مش عايز شفقتها ..مش عايز غير حبها .. ظلت أنيكا تضم فيه لحد ما اخيرا استسلملها تماما واقنع نفسه
هقبل بكل شىء هى تقدمه لي وطالما انا بدفع يبقي هستمتع بالي بين ايديا حتي لو مش بتحبني كفايه انها جنبي ..هستفاد بكل شيئ بتقدمه لي وهشبع كل حاجتي منها
ظل شيفاي في حضنها الليل كله وقضوا مع بعض اجمل ليله 💏💏
ليله كانت كلها حب وشوق هما الاتنين كانوا مشتاقين لبعض قوي وطول الليل كل واحد بيعتبر ان دي اخر ليله ليه فبيستغل كل لحظه فيها ...❤❤❤
كانت ليله رائعه لكن للاسف كانت من غير كلام .
كل واحد خايف يتكلم ليعكر سحر الليله
اتفاجأ شيفاي بأنيكا بتصحيه وبتقوله ان النهار طلع والمفروض يصحوا ..اول مره ينام بالعمق ده ..فابتسم ليها 😊😊😊
أنيكا: ياااااااااااااه اد ايه واحشاني ابتسامتك دي .متعرفش انا بعشق ابتسامتك دي قد ايه!!!
شيفاي:وانتي متعرفيش كام مره حلمت اصحي في حضنك كده..😚😚
شدها شيفاي ليه وقرب راسها منه فقربت هي كمان منه وسلمته شفايفها علشان يدوبوا الاتنين مع بعض في لحظات مسروقه وقضوا اجمل صباح مع بعض ..ضمها شيفاي لصدره جامد وهي حطت راسها علي قلبه تستمتع بدقات قلبه ..اتمنت انهم يظلوا كده علي طول وان لحظه الحب دي ما تنتهيش ابدا..بس لكل شيئ نهايه واللحظات الحلوه بتنتهي
ظلوا يتكلموا ونسيوا كل المشاكل اللي بينهم وحسوا انهم رجعوا زي الاول
قررت أنيكا انها تقول لشيفاي انها اتجوزته بسبب حبها ليه ومفيش سبب تاني وانه هو جرحها بكلامه فاتصرفت كده ..لازم تصارحه علشان تفضل في حضنه علي طول لانهم هيكونو اسعد اتنين بالحب اللي بينهم
أنيكا: شيفاي انا عايزه اقولك حاجه ممكن
شيفاي بيلعب في شعرها: مش عايز اسمع حاجه عايز افضل في حضنك وبس
أنيكا: اسمعني الاول وبعد كده خليك في حضني علي طول
شيفاي: مهم قوي الكلام دلوقتي يعني
أنيكا: اه مهم عايزه اصارحك بحاجه
شيفاي: قولي اللي عايزاه بسرعه مش عايز نضيع وقت كتير في الكلام مفهوم
أنيكا: شيفاي انت سبق وقلت ان اكتر حاجه بتحبها فيا هي الصراحه وانا في الفتره الاخيره مكنتش صريحه معاك وارتكبت غلطه في حقك كبيره قوي ..
أنيكا بتتكلم وشيفاي قلبه بيدق بسرعه وحاسس انها هتفوقه من حلمه الجميل وهتصدمه وعمال يحضر نفسه للاسوء
شيفاي: كملي سامعك
أنيكا: انا ورودرا ...
هنا الباب خبط ودخلت بينكي عليهم .بينكي الفرحه مش سايعاها لما شافتهم في حضن بعض وحست ان خطتها بتنجح
بينكي: صباح الخير للحلوين ..أنيكا رودرا مستنيكي من بدري انتي ناسيه انك موعداه تقضي اليوم معاه وهو هيختار لك فستان الحفله يالا يا حبيبتي قومي اجهزي بسرعه ما ينفعش تخليه مستني كده
أنيكا: حاضر هلبس وانزل
بينكي: يالا شيفاي تعال نفطر انا وانت مع بعض بما اننا هنفضل لوحدنا انا وانت
شيفاي: لا سوري ماما افطري انتي انا هكمل نوم
بينكي: براحتك يا حبيبي ..يالا أنيكا بسرعه
أنيكا: حاضر
خرجت بينكى وتركتهم الاتنين في حاله صعبه
أنيكا: شيفاي انا كنت عايزه اقول...
شيفاي: مالوش لازمه الكلام خلاص ..بسرعه علشان ما تتأخريش علي معادك ..بالليل مع راجل والصبح مع راجل ما بتضيعيش وقتك ..بعد اذنك
أنيكا 😢😢😢😢💔💔💔💔💔
خرج شيفاي وتركها وهى حست ان بينكى قطعت الخيط الرفيع اللي كان ابتدي يوصل بينهم ..بينكى بحسن نيه كل ما تتدخل تبعد بينهم اكتر وبدل ما تقول له انها بتحبه جعلته شك ان في علاقه بينها وبين حمدي ومش عارفه تتصرف ازاي
أنيكا: هروح اقوله واخليه يسمعني غصب عنه..لا بس هو بيشك فيكي ..لو بيحبك مش هيشك فيك ..خلي عندك كرامه لسه من لحظه اتهمك انك علي علاقه براجل تاني وانتي عايزه تروح له...ايوه هروحله لاني بحبه هقوله واللي يحصل يحصل...هتقوليله وهيرمي حبك في وشك انتي نسيتي انه اتجوزك علشان خاطر امه ..نسيتي لما قلتيله انك بتحبيه وقالك ما تخلطيش الحب بالمتعه ..نسيتي لما قالك انه بيتسلي مش اكتر.عايزاه يقولك ايه تاني مستنيه منه ايه؟؟
هنا أنيكا قررت انها تحافظ علي كبريائها ونزلت لرودرا
شيفاي في غرفته بيكلم نفسه انه ما اتسرع وصارحها بمشاعره الحقيقيه ..يا تري شكلك هيكون ايه لما تقولك انها بتحب رودرا وان انت اعمي ومتنفعش زوج ..شكرا للقدير ان امه دخلت .لان دخولها حماه من خيبة امله لما هيا تعترفله لانه مش هيقدر يستمر لو قالتها صريحه ..ساعتها لازم ينفصل عنها..طيب وانت مستني ايه اصلا ما كل حاجه واضحه قدامك..هي ورودرا متفقين جدا ومش بيفارقو بعض ..بعد الحفله لازم اقعد معاها واحط النقط علي الحروف..لأ مش لازم استسلم هى مراتي وفي اوقات كتير بحس انها بتحبني ورودرا طول عمره بيحاول يقلدني وطول عمره ورايا يبقي ليه دلوقتي هسلم حاجه ملكي له لازم استرد قلب مراتي ده الصح!!!
اشترت أنيكا فستان جميل طويل وليه حفيف كده لما بتمشي لبست وحست نفسها فعلا اميره او ملكه ناقصها بس التاج 👑👑
وهيا بتبص لنفسها في المرايه الباب خبط ودخل شيفاي..كان في شنط في طريقه فقربت أنيكا ووسعت طريقه علشان ما يخبطش في حاجه وهو ماشي
شيفاي: فستانك ده ليه ديل ولا طويل قوي ؟
أنيكا: الاتنين هو طويل وديله طويل شويه من ورا ولونه بينك بيلمع شويه ..اول مره البس حاجه زي دي ..حاسه كأني سندريلا وهيا رايحه الحفله
شيفاي قرب منها وهو مبتسم وشم برفانها
شيفاي: في ريحه ياسمين انتي عندك هنا ياسمين في الغرفه؟؟؟
أنيكا: لا دي ريحه برفاني اشتريته النهارده انا بحب ريحه الياسمين جدا حلوه ولا لأ؟؟
شيفاي: لا حلو هادي وجميل ..كده اصبحتي ورده قلبا وقالبا
أنيكا: متشكره جدا ..انت كمان شكلك في البدله يجنن
ابتسم شيفاي ابتسامه مصطنعه
شيفاي: انا جايبلك هديه ممكن تقبليها مني
أنيكا: طبعا انت بتسأل
شيفاي طلع من جيبه علبه صغيره وفتحها كان فيها اسوره متعلق فيها قلبين صغيرين ومعاهم جرس صغير بيعمل صوت كل ما يتحرك...أنيكا اتضايقت قوي من هديته
انه يشك فيها حاجه لكن يجيبلها جرس تعلقه في ايديها كتير قوي ..هو عايز يعرف كل حركاتها ..للدرجه دي ..لا كده كتير قوي ومعرفتش تسكت اكتر من كده وانفجرت فيه
أنيكا: ما احسن تجيبلي جرس كبير اعلقه في رقبتي زي البقره اللي بيربطوها في الساقيه وكل ما تقف يجي صاحبها يضربها ويمشيها
شيفاي: انتي ليه بتفكري فيها كده مش يمكن يكون قصدي حاجه تانيه؟
أنيكا: لاني فاهماك كويس ..انت عايز تعرف كل حركاتي وبتعوض عماك بالطريقه دي لو مش هتشوفني يبقي تسمعني ..صح؟
أنيكا بعد جملتها دي حست انها زودتها جامد قوي لان وجه شيفاي اترسم عليه صدمه مؤلمه وتعابيره كلها اتهزت
شيفاي: بعوض عمايا؟؟؟؟؟؟
هههه خلاص ارميها في الزباله واسف ان هديتي ضايقتك بالشكل ده مكنش قصدي
شيفاي رمي العلبه من ايده وسابها وهو قلبه موجوع قوي من كلامها هو مافكرش بالطريقه دي ابدا ابدا وده مكنش قصده نهائي..استغبي نفسه قوي علشان فكر انها ممكن تفهم تصرفه ده لازم يبطل تخيلات بقي ويفوق من احلامه
كل اللي كان عايزه انه ينام في حضنها وكل ما تتحرك جنبه يسمع صوت الجرس فيعرف انها جنبه مشاركاه ضلمته وانه مش لوحده
مكنش عايز غير كده بس هيا فهمته غلط ...😢😢😢
هيا سبق وقالتله انها اتجوزته علشان فلوسه يعني الهدايا الرمزيه مش هتنفع معاها.. ليه تخيل انها هتحس بيه او هتبقي عايزه تتطمنه في ليله ..الظاهر انه
لازم يبطل تخيلات ويرجع لواقع انه اعمي وانها متجوزاه لمجرد انه غني وبس...
نزل الحفله وانيكا كمان نزلت قربت منه ومسكت ايده اتصلب للحظه بس هدي وبدأ يعرفها علي اصحابه واتفاجأ لما سمع صوت الجرس اللي في ايديها (أنيكا لبست الاسوره علشان حست انها زودتها قوي معاه فقررت تعوضه بانها تلبسها)
شيفاي فرح انها لبست اسورته بس فكر نفسه انه ما يتوهمش تاني لانها ممكن تكون مش عايزه تزعله او تخسر بنك الفلوس اللي متجوزاه..
تيا كانت موجوده في الحفله واتضايقت قوي لما شافتهم ماسكين ايدين بعض وقررت انها لازم تفرق بينهم بأي طريقه ..مش واحده من الشارع تاخده مني وانا اتفرج
رودرا: تيا مالك ؟؟ ما تسيبيهم في حالهم واستسلمي بقي وبعدين أنيكا سوري يعني اجمل منك بمراحل ...بهدومها القديمه كانت اجمل فأكيد وهيا اميره اكيد ...😜😜
تيا قاطعته: اخرس مين دي اللي اجمل مني ... دي زي سندريلا واخر الليل هترجع لملابسها المقطعه
رودرا: ممكن تكون فعلا سندريلا ..بس ما تنسيش ان في اخر القصه الامير اتجوز سندريلا,,وفي حكايتنا هو اصلا متجوزها
تيا: مش كتير ..مش هيفضل متجوزها كتير وهتشوف
رودرا: انتي حره خليكي في اوهامك
تركها ومشي وهيا فضلت تراقب أنيكا علشان تستفرد بيها لحد ما لمحت شيفاي بيتكلم مع رودرا وانضم لاصحابه وتركوا أنيكا لوحدها
تيا:انيكا ازيك معرفتكيش فعلا شكلك اتغير لما لبستى كويس وشيء غالي
اللي يشوفك دلوقتي ما يشوفكيش وانتي لسه جايه 😈😈😈
أنيكا: ماهو الواحد طول ما هو عايش بيتعلم ..واديني اهوه بقيت صاحبه البيت بكل ما فيه حتي صاحبه ملكي ..انتي بقي ليكي ايه هنا ..هاه؟ 😜😜😜😜
تيا اتضايقت قوي ومش عارفه تقولها ايه لحد ما لمحت الاسوره في ايديها
تيا: جميله قوي اسورتك دي...انتي بتحبي الشخاليل ولا ايه؟
أنيكا: دي هديه من شيفاي .. وانا لابساها علشان خاطره
تيا لقت فرصتها تنتقم
تيا بضحك مستفز: ههههههههههه هههههههه ..هي دي هديته هههههههه مكنتش متخيله انك هبله كده ..واشتراها امتي هاه وخرج امتي؟؟؟
امتي اخر مره شوفتي شيفاي بيخرج خارج البيت ..لا وكمان يشتري ههههه
أنيكا: قصدك ايه؟؟ ولا دي لعبه جديده
تيا: لا يا حبيبتي ...الاسوره دي كانت بتاعتي في يوم من الايام والقلبين الصغيرين دول قلبي انا وشيفاي ..بس هو ضاف عليهم الجرس علشان يسمع كل حركاتك ..خلي بالك بقي من حركاتك ههههههههههه..قال هديه قال ..دي فضلاتي انا يا حبيبتي
أنيكا معرفتش تعمل ايه.. لقت نفسها بتخلع الاسوره وبترميها في وش تيا
أنيكا: اشبيعي بيها هيا وصاحبها انا قرفت منكم اشبعوا ببعض
تركتها ومشيت وطلعت غرفتها وقالت لبينكي انها مصدعه شويه
ومحتاجه ترتاح ..
انيكا ظلت في غرفتها تستني شيفاي يدخل غرفته وحست انها سمعت صوت في الحمام بس بعد كده ما سمعتش حاجه فحست انها متهيألها؟؟
شويه كده سمعت شيفاي بيدخل الغرفة وحست بخبطه علي باب الحمام فقامت تشوف ايه ..دخلت الحمام كان فاضي فقربت تشوف شيفاي من بابه المفتوح كان نور غرفته خفيفي قوي ..شافت منظر عمرها ما هتنساه ابدا
شافت تيا لابسه قميص نوم وعليه روب طويل وبتقرب من شيفاي من وراه ومدت ايديها حوالين رقبته وكانت لابسه الانسيال وضمته ليها وباسته في رقبته وهيا وراه وضماه
حست للحظه ان شيفاي اتفاجئ بوجودها كأنه استغرب من وجودها بس بعد كده فرح جدا من وجودها فرحه عاشق اخيرا لقي حبيبته
شدها من وراه وضمها لصدره ..أنيكا مقدرتش تشوف اكتر من كده فبعدت بس سمعته بيقولها بصوت مليان شوق ولهفه
شيفاي: اه يا حبيبتي لو تعرفي اد ايه كنت مشتاق اضمك من جديد لصدري واخدك في حضني كده.....انا بحبك

ياترى انيكا هتعمل ايه هتستمر ولا هتمشي؟
شيفاي هيستمر مع تيا ولا لا ؟