رواية #كبرياء_شيفيكا_الاعمى
الجزء السادس
كل يوم كان بيعدي علي شيفاي كان بيفرح ان أنيكا ما ظهرتش ..لان ده معناه انها مش هتبيع نفسها بالفلوس..
ل
حد ما جه يوم وهو قاعد نفس مكانه سمع صوتها واول ما سمعه
وطي راسه وغمض عنيه ودمعه نزلت من عينه غصب عنه
مسحها قبل ما حد يشوفها
أنيكا: ازيك وحشتني قوي
شيفاي مردش وهيا جت من وراه ووطت عليه وحطت ايديها حوالين رقبته وضمته ليها وهو قاعد مش بيتحرك
أنيكا: ايه مش وحشتك ولا ايه؟؟ساكت ليه مش بترد
شيفاي: ساكت يمكن تمشي لوحدك كده من غير كلام
شيفاي كان بيتكلم ببرود وملامحه جامده وأنيكا مستغربه قسوته دي
أنيكا: انت بتكلمني كده ليه ؟؟؟؟
شيفاي: ايه اللي جابك ؟؟راجعه تاني ليه؟؟؟
أنيكا: شيفاي انا كان عندي ظروف منعتني اجي الكام يوم اللي فاتوا انا اسفه بس غصب عني..
شيفاي: طيب ودلوقتي راجعه عايزه ايه؟؟؟
أنيكا: شيفاي ارجوك ما تتكلمش معايا كده
شيفاي: ده اللي هو ازاي يعني؟؟
أنيكا: ببرود كده ...كأني فارضه نفسي عليك ..انا متعودتش منك علي كده
شيفاي: اه سوري ... بس اصله خلاص
أنيكا: خلاص ايه بالظبط؟انا مش فاهمه
شيفاي: يعني لازم اقولها صريحه .ماتمشي وخلاص
أنيكا: تقول ايه؟؟ ايوه قولها صريحه لاني مش فاهمه اي حاجه منك
شيفاي: خلاص أنيكا اللعبه قدمت وزهوتها راحت ..ودور الحبيب ده خد وقته وراح مبقتش حابه...اوعي تكوني صدقتي اني بحبك بجد وعايز اتجوزك فعلا
أنيكا: امال كنت عايز ايه؟
شيفاي: يعني هكون عايز ايه؟؟؟ اي راجل بيعوز ايه من واحده ست وخصوصا لو مش من مستواه؟؟؟؟ اعتقد واضحه
انيكا وهيا مش مصدقه اللي بتسمعه
أنيكا: اه واضحه وانا صدقتك وافتكرتك بتحبني صح؟ كنت غبيه
شيفاي: سوري بس مشكلتي اني بزهق بسرعه ويمكن علشان كده متجوزتش لحد دلوقتي
أنيكا: انت بقيت كده ازاي انا حاسه اني مش عرفاك ؟؟انت ازاي بتتكلم كده؟
شيفاي:انا اتكلم براحتي... هو انتي مش كنتي بتاخدي اجرتك كامله ولا ايه؟؟ يعني مخسرتيش حاجه ..ولا انتي كنتي طمعانه في اكتر من كده ..لا يا جميل فوقي لنفسك وفوقي من الاوهام دي
أنيكا حست فعلا انها كانت في حلم وافتكرته بجد وعاشت فيه ودلوقتي بتفوق علي كابوس ..ماهو ما ينفعش واحد زيه اصلا
يبص لواحده زيها ..لقت دموعها نازله ومعرفتش تسيطر عليها
وبدأت تبكي بصوت عالي ومش عارفه تسكت
شيفاي للحظه كان عايز يضمها ويقولها ما تبكيش ..ويقولها انه مش بس بيحبها ده بيعشقها وفعلا كان هيقرب بس افتكر امه وهيا بتقول للمحامي ادفع لحد ما يوافقوا فوقف مكانه
شيفاي: شوفيلك مكان تاني عيطي فيه..مبحبش النكد
أنيكا مشيت وهيا بتعيط وبتجري ..بينكي شافتها فجريت وراها وبتنادي عليها
بينكى: ايه أنيكا مالك ؟بتعيطي ليه؟
أنيكا : لا مفيش حاجه (بتمسح دموعها) انا بس هروح بيتى
بينكي: بسرعه كده ؟؟ انت ليه سايبه شيفاي انتو اتخانقتوا ولا ايه؟
انيكا: مش انا اللي بسيبه (وبدأت تعيط تاني)
بينكى ضمتها وبتهديها
بينكي: متزعليش ..هو بس زعلان علشان بعدتي عنه الفتره اللي فاتت دي من غير ما تكلميه ..شويه كده وهيهدي وهتشوفي
أنيكا: انا بعدت غصب عني ...ده حتي ما ادانيش فرصه اوضحله
بينكي: هتيجي الفرصه بس انتي اصبري عليه بس يهدي تعاليله بكره
أنيكا: ولو رفض يقابلني
بينكي: واحنا من امتي بنستأذنه
ابتسمت بينكي لانيكا ومشيت ودخلت بينكي لابنها لقته حاطط راسه بين ايديه وحست انه بيتعذب لوحده
بينكي: شيفاي مالك؟
شيفاي رفع راسه وابتسم لامه: لا سلامتك مفيش. صداع مش اكتر
بينكى: أنيكا مشيت زعلانه ليه؟
شيفاي اتنرفز: وانا مالي زعلانه ليه ..كنت مسؤل عنها ولا ايه؟
بينكى: يا ابني هيا بتحبك ليه زعلتها بس
شيفاي: بتحبني؟؟؟ حب ايه اللي بتتكلمي عنه ده هاه؟ قال حب قال
بينكي: شيفاي مالك؟ انا كمان حسيت انك بتحبها
شيفاي: هههههههه بحبها هو لمجرد اني قعدت مع واحده وهزرت معاها شويه يبقي خلاص بحبها ؟؟ايه يا امي ...انتي بس بتشوفي اللي انتي عايزاه
بينكي: ايه معني كلامك ده ؟؟ انت مش بتحبها شيفاي؟؟
شيفاي: وبعدين بقي ما تسيبيني في حالي بقي ؟حب ايه وزفت ايه .انا في ايه وانتي في ايه ؟؟ هيا الحياه مفيهاش عندك غير الجواز وبس .ريحي نفسك انا مش هتجوز وريحيني معاكي بقي ارحميني بقي من توقعاتك دي ارحميني
دي كانت اول مره شيفاي يعلي صوته كده علي والدته بالطريقه دي
طلع اوضته وهو في نار جواه وبيفكر مع نفسه
ايه اللي انت عملته ده؟..من امتي بتعلي صوتك علي والدتك
