رواية #كبرياء_شيفيكا_الاعمى
الجزء 16
اخيرا انتهت العمليه اللي استمرت اكتر من 16 ساعه واخيرا خرج الدكتور فجريوا كلهم عليه
رودرا: ايه الاخبار
الدكتور: العمليه مشيت كويس بس الباقي هنعرفه لما يفوق هو اللي هيحدد عقله سليم ولا لأ ؟ مشلول ولا لأ ؟..دي حاجات احنا مينفعش نعرفها غير منه
سابهم ومشي وأنيكا زي المجنونه بتتطلب منهم يفهومها قال ايه فرودرا شرحلها كلام الدكتور لأنه كان كله انجلش
سابهم رودرا وراح للدكتور علشان يكلمه لوحده
رودرا: معلش يا دكتور بس بالنسبه لقرار عدم الانعاش
الدكتور: شيفاي طلب ننفذه في حاله الشلل او الضرر العقلي ولحد دلوقتي ما نعرفش حالته ..لو حصل حاجه من الاتنين انا اسف هكون مضطر انهي حياته
رودرا: حتي لو قلبه موقفش
الدكتور: شيفاي طلب انهاء حياته في حاله من الاتنين اللي سبق وقلناهم
رودرا: لا هو فهمني انكم مش هتنعشوه لو قلبه وقف
الدكتور: انا معرفش هو قالك ايه بس كلامه كان واضح اننا ننهي حياته لو حصلت حاجه ..بعد اذنك
عدي 3 ايام والكل في حاله تأهب وخصوصا رودرا اللي خايف علي ابن عمه اللي اتأخر قوي علشان يحبه وطلب من القدير فرصه يحاول يستمتع ان ليه اخ
في اليوم الرابع شيفاي بدأ يفوق ..الكل اتلم عليه
الدكتور: شيفاي سامعني
شيفاي: ................
الدكتور: اي اشاره اي حركه بسيطه تعرفني بيها انك معانا
شيفاي:............
الدكتور : ارجوك شيفاي حاول تحرك اي حاجه حتي لو حركه بسيطه ..حرك رجلك ايدك صوابعك اي حاجه..انت عارف لو متحركتش ايه اللي هيحصل
شيفاي: ....................
وغاب تاني عن الدنيا
رودرا: يعني ايه هاه؟ هتقتله دلوقتي؟؟
بينكى: انت بتقول ايه رودرا؟؟ مين يقتله؟
رودرا: ابنك مضي علي اقرار انهم ينهوا حياته لو فضل مشلول او عقله اتصاب
بينكى: يعني ايه يقتلوه؟ انا برفض
بينكى: دكتور انا اسفه بس مش هسمحلك تقتل ابني
الدكتور: انا اسف بس ده كان قراره وهو اخده وحالته العقليه كويسه وحضرتك مالكيش سلطه توقفي قراره ده
بينكي: انا امه يعني ايه ماليش سلطه؟
الدكتور: يعني ابن حضرتك راجل بالغ ..وده طلبه والوصي عليه قانونيا وافق
بينكى:الوصي عليه؟؟مين الوصي عليه
رودرا حط وشه في الارض ومقدرش ينطق لان عارف ان بينكى عمرها ما هتسامحه وهتفهم موافقته دي غلط
الدكتور: اهوه واقف قدام حضرتك تقدري تسأليه بنفسك..علي العموم الكلام سابق لاوانه لانه ممكن يكون تعبه اكبر من انه يستحمله احنا هنستني لما يفوق تاني ونشوف هنعمل ايه ..بعد اذنكم
بينكى في حاله ذهول وأنيكا كمان مش عارفه تنطق(حوار بينكى ورودرا كان بالعربي فانيكا فهمته)
بينكى: طول عمرك بتغير منه وانا عارفه ..بس قلت عيال وبيغيروا من بعض لكن توصل انك توافق تقتله؟
اهو ده اللي مش ممكن اقدر اصدقه؟؟ليه رودرا ؟ هو انا عمري قصرت معاك
رودرا: ارجوكي يا ماما
بينكي قاطعته: اخرس متقولش الكلمه دي تاني..لو انا امك يبقي شيفاي اخوك ومحدش بيقتل اخوه
رودرا: هو طلب ده مش عايز يعيش عاله علي حد
بينكي: ومين قالك انه هيكون عاله هاه؟محدش طلب منك تخدمه او حتي تزوره...الام لما بتولد ابنها ماهي بتشيله وتأكله وتلبسه وبتعمله كل حاجه بيكون عاله؟؟ هاه؟؟..وانا عملت كل ده قبل كده واقدر اعمله تاني لانه هيفضل عمره كله ابني فاهم ده ابني اللي انت عايز تقتله
رودرا: انتي فاكراني مش زعلان ..انا مكنتش عايز اوافق بس هو اصر..
بينكى: ما طول عمره بيصمم وعمرك ما بتنفذ كلامه ..عمرك..ليه دلوقتي ؟ لانك بتتمناها طول عمرك..طول عمرك عايز تكون مكانه حتي لما اتجوز وهو اعمي برضه كنت عايز تكون مكانه ..
رودرا يبص لها بصدمة
ايه بتبصلي باستغراب ليه؟ فاكرني مش عارفه انك علي طول كنت بتحاول تاخد أنيكا منه ..
رودرا: انتي بتظلميني ارجوكي
بينكي: انت اللي ظلمت نفسك..طول عمري بعاملك زيه واحسن يمكن كنت بقسي عليه كتير علشان خاطرك .عمري ما وفقت بينكم الا ونصرتك انت عليه حتي لو غلطان وده كان بيجننه وبيزعله مني بس كنت بقول علشان ما تحسش للحظه اني مش امك وبكده بتردلي الجميل؟ ..
بينكي بصراخ ودموع : رودرا اخرج بره ومتجيش هنا تاني
رودرا: ارجوكي اسمعيني
بينكي: سمعتك كتير ..اخرج بره
رودرا: طيب انتي انيكا
انيكا دورت وشهها بعيد عنه فاضطر يخرج ودموعه علي وشهه وهو عارف انهم عمرهم ما هيسامحوه لو شيفاي مات بسببه..هو كمان مش هيسامح نفسه ابدا
عدي يوم ورودرا في المستشفي بيراقب من بعيد لبعيد
شيفاي فاق تاني
الدكتور: ارجوك حاول بس تحرك اي شيئ في جسمك
شيفاي المره دي حرك صوابع ايده كانت حركه بسيطه جدا بس لاحظوها وحاول يتكلم بس ما قدرش او معرفش ينطق
الدكتور: ما تجهدش نفسك واحده واحده..استريح دلوقتي
بينكي: طمنا هاه
الدكتور: مبدئيا هو مش مشلول بس فاضل نطمن علي حالته العقليه
عدي يومين كمان وشيفاي بيفوق للحظات وهما كلهم توتر وقلق
لحد ما فاق تاني
الدكتور: سامعني
شيفاي:اه
الدكتور: انت عارف اسمك؟
شيفاي: اسمي..............
الدكتور قلق : والدتك اسمها ايه؟
شيفاي: اسمها..............
الدكتور: طيب فاكر ايه ؟حاول تركز انا عارف انك تعبان ومجهد بس حاول
شيفاي: أنيكا ؟؟ فين أنيكا ؟
أنيكا فرحت وحاولت تقرب بس الدكتور منعها
الدكتور: أنيكا دي تبقي مين؟
شيفاي: مراتي هيا فين؟
الدكتور ابتسم"" : دلوقتي اقدر اقولكم ان العمليه نجحت مبروك 😙😙😙😙😙
أنيكا:شيفاي سلامتك
شيفاي ابتسم ابتسامه ضعيفه
شيفاي: كيكي فين؟( دلع بينكي من شيفاي)
بينكي : بتضحك: انا اهوه جنبك كلنا هنا
شيفاي: رودرا مش سامعه ليه؟
بينكى وأنيكا: ...............
شيفاي: رودرا
بينكي: مش هنا
شيفاي: اكيد مع ممرضه هنا ولا هنا الواد ده مش هيتعدل ابدا
شيفاي اخد كام يوم بيفوق دقايق ويغيب ساعات بس الدكتور طمنهم ان ده طبيعي وانهم بيحاولو ينوموه علي قد ما يقدروا علشان يرتاح من الالم
وفي مره فاق وكان الدكتور عنده وهو لوحده واول ما فتح عنيه قفلهم تاني بسرعه
الدكتور: في ايه؟مالك؟
شيفاي: النور ..النور قوي جدا
ياترى ايه هيحصل ؟!!!
