رواية #كبرياء_شيفيكا_الاعمى
الجزء 12
أنيكا سمعت حديث شيفاي مع تيا
شيفاي: اه يا حبيبتي لو تعرفي اد ايه كنت مشتاق اضمك من جديد لصدري واخدك في حضني كده.....انا بحبك
دخلت انيكا غرفتها حست قلبها بيتعصر وانها بتموت او ممكن يكون الموت اهون مليون مره من احساسها ده.
كرهته او حاولت تكرهه ..لازم تمشي من هنا ..ذل جوز امها وضربه ليها وشغلها في المطعم اهون مليون مره من جرحها بالشكل ده!!!
فعلا اول ما النهار بدأ ينور اخدت حاجتها اللي جت بيها وسابت كل حاجه هو اشتراها بفلوسه ومشيت .خرجت والكل نايم وطلعت بره البيت تجري تجري كأنها سجين هربان من حكم اعدام واخيرا وصلت لمحطه القطار وحجزت تذكره وقعدت تستني القطار ..اخيرا جه معاد القطار وراحت تركب لقت صوت بينادي عليها..
رودرا: أنيكا استني ( بيجري عليها) ارجوكي أنيكا استني لحظه
أنيكا:رودرا ارجوك سيبني امشي ..مش هقدر استني اكتر من كده
رودرا: براحتك اسمعيني وبعد كده امشي لو عايزه..دقيقه مش اكتر ارجوكي
أنيكا: اتفضل قول بسرعه علشان الحق القطار
رودرا: ماما بينكى تعبت ونقلناها المستشفي وبتسأل عليكي
أنيكا: ايه ماما تعبت؟؟خدني ليها بسرعه رودرا
ركبت معاه العربيه ..هيا ممكن تكون بتكره شيفاي بس بينكي بتحبها ومتقدرش تتأخر عنها ابدا
رودرا: هي قلقت عليكي لما قلتي انك تعبانه امبارح واول ما صحيت طلعت تتطمن عليكي ولما اتأخرت طلعت الخدامه تشوفها لقتها واقعه علي الارض
أنيكا بدموع: انا السبب ..انا السبب
رودرا: ما تعيطيش أنيكا هيا قلبها تعبان وكلنا عارفين ده ..هروبك ممكن يكون سبب من الاسباب بس مش السبب الرئيسي وانتي عارفه كويس ايه اللي تاعب قلبها
أنيكا: انا اسفه انا كنت انانيه ومفكرتش غير في نفسي ..مفكرتش هروبي ده هيسبب ايه ولمين....
رودرا: انت فعلا خساره في شيفاي ..اول مره اشوفه غبي كده..بس عايزك تعرفي اني جنبك علي طول..
انيكا: عارفه رودرا ومتشكره جدا
انيكا.........شيفاي عامل ايه دلوقتي؟
رودرا: محدش بيعرف ايه اللي جواه ..بيخبي مشاعره كويس بس هو اكيد محتاجلك..
أنيكا: عمره ما هيحتاجني طول ما تيا جنبه..
رودرا: تيا لمت هدومها ومشيت الصبح بدري ..حتي بعد ما عرفت ان ماما بينكي تعبانه مشيت..
أنيكا: وشيفاي عرف انها مشيت؟؟؟
رودرا: شيفاي هو اللي قالي انها مشيت
أنيكا: انت عرفت مكاني ازاي؟
رودرا: شيفاي هو اللي قالي ادور عليكي هنا
وصلو المستشفي وأنيكا طلعت لبينكي..شافت شيفاي قاعد بره غرفتها وساند دماغه علي عكازه وحست اد ايه هو عاجز ..ولسه هتقربله وتحن ليه افتكرته وهو بيضم تيا في حضنه فبعدت قبل ما تقرب ..
شيفاي حس بيها
شيفاي: انا متشكر انك رجعتي جميلك ده مش هنساه
أنيكا: انا رجعت علشان خاطرها
شيفاي: عارف عارف ..ادخليلها
دخلت انيكا عندها وشافتها ضعيفه وتعبانه ..اول ما بينكي حست بيها ابتسمتلها بس ما قدرتش تتكلم وراحت في النوم
الممرضه: هيا عرفت انك موجوده وابتسمت وده شيئ كويس خليكي جنبها
أنيكا: اكيد هفضل جنبها
بعد ما بينكي راحت في النوم أنيكا خرجت لشيفاي كان واقف ومستني
أنيكا بهمس: شيفاي
بس هو سمعه فقربت منه
أنيكا:شيفاي انا اسفه
شيفاي: شوفتيها؟؟؟؟
أنيكا: اه شوفتها وابتسمتلي ..
اتحرك شيفاي بس خبط في كرسي من كراسي الانتظار وكان هيوقع بس سند نفسه ... اول مره انيكا تشوفه مكسور ومهزوز كده ..فاقد ثقته بنفسه ..حست انه اتغير كتير بعد الليله اللي فاتت ..زي ما يكون شيء جواه انكسر ..اكيد سفر تيا وبعدها عنه للمره التانيه كسره بالشكل ده ....
شيفاي: اقعدي أنيكا جه الوقت اللي لازم نتكلم فيه عن مستقبلنا
أنيكا عايزه تواسيه تقول اي حاجه
أنيكا:انا اسفه شيفاي اسفه جدا
شيفاي: لا انيكا انا اللي اسف ..اسف علي حاجات كتيره قوي..اسف اني اجبرتك تتجوزيني ..اسف اني اهنتك كتير قوي .. اسف اني كنت بطلع ألمي وكرهي لقدري عليكي ..اسف علي حاجات كتير حصلت ولو الزمن يرجع لورا هغير حاجات كتير قوي
حست أنيكا بألم جامد جواها ..ملوش لازمه الكلام ..هي عارفه انه بيحب تيا ومش قادره تشيل صورتها وهو بيضمها من دماغها
انيكا: مالوش لازمه الكلام شيفاي.. انا هفضل لحد ما والدتك تسترد صحتها وبعد كده.....
ما قدرتش انيكا تكمل لانها عايزه تعيط فكمل شيفاي نيابه عنها
شيفاي: وبعد كده تمشي ؟؟صح؟؟
علي العموم انا مش هطلب منك اكتر من كده ..هتفضلي لحد ما صحتها تتحسن وبعد كده هنسافر انا وانتي بحجه اننا نغير جو وهنقعد في الشاليه كام يوم وهرجع من غيرك وهقولها ان انا وانتي ما اتفقناش وهنخترع اي حاجه ..وطبعا هديكي التعويض اللي تطلبيه
أنيكا عيطت بصمت لانها حست بنفسها رخيصه قوي ..حاجه اخد غرضه منها ودفع ثمنها وبعد كده رماها..وشيفاي فهم سكوتها انها راضيه عن كلامه وموافقاه ..بعد عنها علشان ما تشوفش دمعه غدرت بيه ونزلت من عينه ..حبه بيضيع من بين ايديه وهو واقف مش عارف يعمل ايه؟ خلاص دي النهايه.....
أنيكا سابته ومشيت ودخلت تقعد جنب امه وبعد ما مشيت طلع اسورتها من جيبه وصوت الجرس الحزين فيهاوكلمها( كان نفسي تكوني صوت فرحتي ..صوت يفكرني ديما ان انا مش لوحدي وان حبيبتي معاياي ومشاركاني وحدتي بس الظاهر انك هتكون رفيق وحدتي وهتفكرني ديما بان كان ليا حبيب في يوم بس خساره سابني وراح)
كل يوم صحة بينكي بتتحسن ووافقت انها تعمل العمليه طول ما أنيكا جنب شيفاي وفعلا عملتها واتحسنت كتير واخيرا رجعت بيتها
طول النهار انيكا بتقعد مع بينكي وشيفاي بيحاول يتجنبهم علي قد ما يقدر وبعد ما اتطمن ان صحه امه بتتحسن قالهم انه هيسافر يقابل دكتور بره علشان علاجه ..فرحت بينكي جدا ان ابنها عايز يكمل علاجه وهي مش عارفه انه بيهرب مش اكتر...
في يوم أنيكا كانت بتتمشي في الجنينه فشافت رودرا
أنيكا: ازيك رودرا ...تصدق ليك وحشه؟ ايه انت فين واختفيت كده ليه؟
رودرا: أنيكا عايز اتكلم معاكي في موضوع مهم
أنيكا: خير في ايه؟ عايز تقول ايه؟ شيفاي جراله حاجه انطق؟
رودرا: لا ما تقلقيش .شيفاي كويس ..بس يا تري هو ملهوف عليكي كده زي ما انتي ملهوفه عليه؟؟؟ انا عايز اسألك سؤال :هو اللي بينك وبين شيفاي انتهي مش كده ؟؟
أنيكا: مش من حقك تسأل سؤال زي ده؟
رودرا بصلها بغيظ وكلمها بصوت عالي
رودرا: مفيش حد من حقه يسأل غيري انا فاهمه؟؟
من اسابيع واسابيع وانا شايفك ومراقبك وشيفاي بيدمرك شويه شويه ..وشك الجميل دبل وعماله تستحملي وساكته لحد امتي هاه؟ قوليلي لحد امتي؟؟
انتي غرقانه في حزن وهم خلاكي مش ملاحظه قد ايه بحبك ..سامعه بحبك أنيكا ..بحبك اكتر من اي شيئ في الدنيا ..اطلبي الطلاق من شيفاي وانا اوعدك اني هخليكي اسعد انسانه في الدنيا وهنسيكي عذاب شيفاي كله...
قرب منها وحاول يضمها بس هي بعدت
أنيكا: انت ازاي تتصرف كده؟؟؟ ازاي تخون مش بس صداقتي ليك ده انت بتخون ثقه العيله كلها فيك ..انا مرات ابن عمك ..انا عارفه انكم مش متفقين بس ده ما يديلكش الحق انك تخونه ...قولي امتي شيفاي قصر معاك في اي شيئ ؟؟؟
امتي خانك او حتي عمل اي شيئ يزعلك ؟؟مش مشكلته ان انت بتغير منه....انت ممكن تنساه لكن انا ابدا..فاهم ابدا عمري ما اقدر انساه لحظه ..
رودرا: حاولت أنيكا كتير اقاومك ..انساكي...بعدت وغرقت نفسي في الشغل بس حبك اكبر من اني انساه ..وشغ ما يستاهلش حبك ده ..تقدرلي تقوليلي هو فين دلوقتي لانه مارحش يشوف دكاتره ولا اي حاجه ..اقولك انا شيفاي سافر بره ..واكيد سافر لتيا..وسابك انتي هنا تهتمي بامه ..وبعد كل ده بتدافعي عنه
أنيكا: والمفروض اني اكرهه لمجرد ان هو مقدرش يحبني؟؟؟
رودرا: اي واحده عاقله بتعمل كده
أنيكا: ومين قالك اني عاقله ...شوف رودرا..شيفاي روحي وقلبي وعقلي وكياني كله حتي لو محبنيش انا هفضل احبه..
رودرا: يبقي خلاص انا لازم امشي ..
أنيكا: تمشي تروح فين؟؟؟؟
مينفعش تمشي ..الشغل والشركه وشيفاي وماما بينكي هيعملو ايه من غيرك؟؟
مفكرتش فيهم؟؟
رودرا: شيفاي ..شيفاي..شيفاي...هو مفيش حد مهم غيره؟؟
أنيكا: رودرا انت ابن العيله دي زي شيفاي بالظبط والشغل والشركه وكل حاجه ليك فيها زي شيفاي بالظبط ..انت بس بتبص للامور من ناحيه واحده
رودرا: انتي عايزه مني ايه؟؟؟؟
أنيكا: عايزاك تفضل هنا في مكانك وشغلك وتبطل تبص لشيفاي كمنافس ليك بص له ان اخ ومحتاج لاخوه جدا ..محتاج لمساعدتك بس مكسوف يطلبها ..كان لازم تكون اكتر واحد يعتمد عليه شيفاي بس للاسف فرحت فيه وبدل ما تمسك ايده بقيت بتدور علي اي لحظه يقع علشان تضحك عليه ومش مكفيك ده ..ده انت كمان عايز تاخد منه مراته....حتي لو مش بيحبني هتبقي برضه اخدت مرات واحد اعمي... ارجوك اعتبر شيفاي اخوك ارجوك..
رودرا: عمري ما فكرت في شيفاي بالشكل ده
أنيكا: يبقي جه الوقت اللي تقوم فيه بدورك كابن للعيله دي وتشيل المسؤليه شويه وتكون اخ لشيفاي وابن لماما بينكى وتساعدهم علي قد ما تقدر مش تهرب..
رودرا: هفضل أنيكا مؤقتا علشان انتي طلبتي مني ده ..وهجرب موضوع اخ لشيفاي بس لو اتكبر صدقيني ما هرحمه ولا هسأل فيه تاني
أنيكا: مش هيتكبر ..وشكرا جدا لتفهمك رودرا
سابته ومشيت وهيا بتسأل نفسها ليه ما تحبش واحد زي رودرا بسيط وصريح بدل ما تحب واحد معقد زي شيفاي ..واحد سبق وقلبه اتشغل بحب واحده تانيه غيرها...؟
اخيرا اتحسنت صحه بينكى وشيفاي رجع بيته وهو وأنيكا بيتعاملو باحترام شديد وبيتجنبوا بعض علي قد مايقدروا ..هما الاتنين مش قادرين يحسوا بحب بعض ...كل واحد كبرياؤه اعمي....
أنيكا بعد ما صحه بينكى اتحسنت قررت انها خلاص تمشي لان ملهاش مكان في البيت وفعلا راحت لشيفاي تبلغه بقرارها.....
ياتري شيفاي هيتقبل قرارها ولا هيحاول يتمسك بيها؟؟
أنيكا هتغير رأيها ولا هتمشي فعلا؟؟
