طفولة مغتصبة (كاملة)

إعتراف

♣️طفولة مغتصبة♣️
ما ذنبي ؟!... 💔
الجزء : 5
                     •°•°•°•°•°•°•
•*•*•*•*•بعد مرور أسبوع
في مساء هذا اليوم كانو ݣالسين فالحصة ديال الفرنسية و متبعين حتى كيجي حارس المدرسة و هاز معاه ورقة
ح.ر : (شاف فتلاميذ و نطق بجدية تامة) هادو لي غانعيط ليهم ينوضو يهزو أدواتهم و يتبعوني ...أروى القباج ...مريم قبالي ...صفاء جلال (ناضو البنات مفاهمين والو و تبعو الحارس هبطو لطبقة تحتانية و لقاو مامات أروى و مامات مرام و مرام ݣالسين)
حنان : أجيو البنات ... (ݣلساتهم كاملين قدامها و نطقات بخفوت) شوفو جاو واحد الناس من النيابة دابا غادي يسولوكم شي أسئلة و نتوما غادي تجاوبوهم ...بالخصوص نتي أ صفاء خاصك تعاودي ليهم كلشي صاف أبنتي
صفاء : (بصدمة) ولكن ...أنا خايفة هئ منقدرش..
حنان : متخافيش كلنا معاك أبنتي ..حنا غادي نعاقبو هاداك الأستاذ ..صاف حيت مخاصوش يبقا يدير ليكم هاكا (بحدة) خاصو يتعاقب ..
صفاء : (حنات راسها و مسحات دموعها)واخا أخالتي (خرج واحد الراجل من مكتب المدير عيط لمرام دازو دقائق عاد خرجات و عاد أروى من موراها مريم ...عاد صفاء لي شدتها رعدة و الخوف كلشي تجمع عليها دخلات لمكتب المدير و سدو الباب كانت واحد المرأة و جوج رجال و عاد المدير)
......:سلام أنا سميتي سناء و نتي
صفاء : (حادرة راسها و كتهضر بخفوت) صفااء
سناء : أمم صفاء سيدة حنان قاتلينا بلي عندك شي هضرة باغا تقوليها لينا .. كنسمعوك
صفاء : (هزات راسها فيهم لقاتهم كلهم كيشوفو فيها و رجعات هبطاتو) أاه
سناء : واش مبزز عليك شي واحد تهدري ولا تقولي شي حاجة ماباغاش ..نتي عارفة بلي الكذوب حرام و غادي تعاقبي لا كدبتي
صفاء : (بدات كتحرك راسها بسلب) لا ..لا مابزز عليا حتى واحد
سناء : شوفي ماتخافي من حتا شي واحد حنا معاك دابا قولي ليا ݣاع داكشي لي عارفا ...
صفاء : (هزات راسها فدوك رجال و المدير من بعد دارت لجيهت سناء و شافت فيها بخوف )
سناء : (فهماتها بلي مابغاتش تهدر ݣدامهم تنهدات و وجهات كلامها ليهم) عفاكم تقدرو تخرجو بغيت نهدر معاها بوحدي ...(هزو راسهم بالإيجاب و خرجو كاملين و خلاوهم بجوجات) دابا أ صفاء تقدري تهضري .. عاودي ليا كلشي !!..
صفاء : (بقات ساكتة شحال عاد نطقات و هي كتبكي ) فلول كان كيبقا يتلمس فيا ..هئ هئ و ضربني لور (سناء فهماتها بلي كتقصد طرماحة و رفعات حواجبها مخنزرة) و فاش درت نشوفو غمزني ..هئ هئ و كيبقا يدير ليا شي تصرفات خايبين ..أو واحد نهار تبعني لطواليط و بقا كيدق و كيقوليا حلي ...و محليتش ...وفاش مشيت لقيسم قاليا علاش مابغيتش تحلي عليا ...
سناء : أمم وحدة من صحاباتك قاتليا بلي نوضك لصبورة و من بعد بقا كيتحكك عليك من لور ....بصح
صفاء : (حنات راسها و بدات كتبكي) هئ هئ أااه.. أنا والله مادرت شي حاجة خايبة ...هئ هئ هو لي مبغاش يبعد مني دائما كيغمزني فالقسم و كيبقا يدير ليا حوايج خايبين ..... و الله مادرت شي حاجة هئ هئ
سناء : واش مقلتيش هادشي لواليديك
صفاء : (دلات شنايفها و زادت فوتيرة البكاء) هئ هئ .. لا لا غادي يضربوني ...هئ
سناء : (ناضت ݣلسات حداها) شوفي فيا نتي معندك علاش تخافي ...نتي مادرتي والو ...هو خاصو يتعاقب ...و بهادشي لي قلتي دابا هو أكبر عقاب ليه ا حبيبة ...يالاه مسحي دموعك و خرجي
صفاء :(حركات ليها راسها بالإيجاب و خرجات و مشات لبلاصة فين كانو ݣالسين )
حنان : أنضرا ..عاودتي ليهم ..
صفاء : (بنبرة بكاء) أااه
جليلة : شفتي أبنتي هاهو غادي يتعاقب دابا ...
( كتافات تحرك ليهم راسها بأه و مشات ݣلسات حدا مريم دقائق قليلة حتى دق الجرس و خرجو البناتو توجهو لديورهم ) ...

                         •°•°•°•°•°•°•
يتبع ✔️