طفولة مغتصبة (كاملة)

أبي 💔

♣️طفولة مغتصبة♣️
‎ما ذنبي ؟!... 💔
‎الجزء : 21
              °•°•°•°•°•°•°•°•°•°•°•°•°
‎وصلو لمستشفى و دخلو خديجة داخلة و قلبها مقبوط كطلب الله ما يكون واقع والو لبنتها و كتبكي أما رشيد مكتافي يطلب الله يحفظ ليه بنتو و يبعد عليها أي شر و مايكون واقع ليها والو.... بقاو غادين فواحد الكولوار حتى وقفو قدام واحد الباب كان واقف حداه واحد البوليسي حل ليهم الباب و دخلو و غير شافو لمستلقية على سرير و هوما يتصدموااا رشيد الصدمة فشلاتو مقدرش يزيدو تكا على الحيط لي جنبو و شد جيهت قلبو أما خديجة مشات كتجري وقفات حدا سرير لي كانت فيه صفاء ناعسة غير شافت وجهها و حالتو و بدات كتبكي كان و جهها كامل مضروب و عامر كدمات و عينيها تحت منهم زرق ....
‎خديجة : (بحرقة)أ بنتي هئ هئ شكون دار فيك هاد الحالة أبنتي هئ هئ شكون ا بنتي هئ هئ بغيت ليد لي تحطات عليك أ بنتي يعطيها لݣرد هئ هئ هئ (دارت كاتشوف فرشيد لي وجهو ولا حمر) شوف أ رشيد بنتنا كي ردوها هئ هئ
.....
‎رشيد : (كيهضر محروق على كبدتو و كينهج)الله ..الله ياخذ الحق فلي كان حيلة و سباب (دخلات واحد طبيبة)
‎طبيبة : نتوما هوما واليدين هاد البنت
‎رشيد : أه حنا هوما وليديها
‎طبيبة : شنو سميتها
‎رشيد : صفاء .. صفاء جلال
‎طبية : (هزات لملف لي فيديها و قيدات فيه سمية)
‎خديجة : (شافت فيها) هئ هئ شنو واقع لبنتي
‎طبيبة : (تنهدات و نطقات)صراحة معندي منخبي عليكم بنتكم تعرضات لتعنيف و الإغتصاب بأبشع الطرق لقاوها شي صيادة فالغابة مليوحة حالتها حالة هوما لي جابوها ... و كنظن بنتك هادشي لي تعرضات ليه و فهاد السن الصغير غادي تأثر و يقدر يوليو عندها مشاكل نفسية من بعد من الأحسن تعرضوها على شي طبيب نفسي يوقف على حالتها حتى تحسن نفسيتها و تجاوز صدمة ...(كملات كلامها و خرجات)
‎خديجة : هئ الله على بنتي الله ياااخذ الحق هئ الله ياخذ الحق هئ هئ هئ 
‎رشيد : (بدا كينهج و عروقو خرجو و هو يطيح فلأرض)
‎خديجة : (مشات عندو كتجري )رشيد اويلي مالك ..رشيد هئ هئ مالك (و بدات كتغوت) عتقووونااااا هئ هئ كاين شي حد (دخلو واحد الفرمليات و مشاو باش يجيبو باش يهزوه دقائق عاد جاو هزوه و داوه خديجة دارت عند صفاء بانت ليها ناعسة و عاد مشات تبعاتهم كاتبكي)
              •°•°•°•°•°•°•°•
‎بعد ثلاث أيام
‎كان القرآن مطلوق و الخيمة منصوبة برا و ݣالسين فيها طلبة و رجال ديال الحومة ..... فداخل ديال الدار كانت صوت البكاء ديال العيالات مسموع كانت خديجة ݣالسة و لابسة لأبيض من راسها لرجليها ...كان ليوم تلتيام ديال موت رشيد لي كان كالفاجعة بالنسبة لخديجة و ولادها ...أما صفاء منين فاقت جاو عندها البوليس لي خداو أقوالها و عاودات ليهم كلشي بالتفصيل .... و منين عرفات بموت باباها زادت تأزمات حالتها مابقات تهضر ما تاكل ما تشرب من غير لابززات عليها خديجة ...
‎خديجة : نسرين بنتي
‎نسرين : نعام أ خالتي (نسرين هي مرات يوسف الأخ ديال صفاء)
‎خديجة : نوضي أ بنتي طلي على صفاء شوفيها واش فايقة
‎نسرين : واخا أخالتي (و مشات لبيت صفاء لي كانت متكية و كتشوف فسقف) صفاء حبيبة ديالي (مشات ݣلسات حداها و بقات كدوز ليها على شعرها طويل) بغيتي شي حاجة (حركات ليها صفاء راسها بلا) شوفي أنا فاهماك فهاد الوقيتة غادي تبغي لي يواسيك و يعاونك ... و أنا هنا فشي عليا قلبك و خوي عليا ݣاع لي دارك
‎صفاء : (بقات كتشوفيها شحال عاد ناضت عندها عنقاتها و بدات كتبكي) هئ هئ طلبتو بزاااف ا نسرين و بدا كيضربني هئ هئ هئ غادي يرجع ليا ياك هئ هئ ياك غادي يديني مرة أخرى و غادي يدير ليا داكشي لخايب
‎نسرين : لا متقوليش هاكا هو مغاديش يعاود يجي غادي يلقاوه البوليس و يشدوه و غادي يتعاقب و حنا دابا معاك أنا و خوك و ياسر و عندي ليك خبار زوينة
‎صفاء : أشناهي ...؟!.
‎نسرين : قررنا أنا و يوسف نجيو نسكنو معاكم غادي نستاقرو هنايا
‎صفاء : بصح
‎نسرين : أه حبيبتي و غادي نبقا معاك ديما و مغادي نخلي حتى واحد يأديك نتي راك بحال ختي صغيرة
‎صفاء : و بابا مغاديش نبقا نشوفو هئ هئ هو مات هئ صاف تدفن تحت تراب هئ ....بابا مات بسبابي أنا لي قتلتو هئ هئ أنا (و بدات كتبكي و كضرب فراسها و كتغوت و نسرين كتحاول تهدنها بلا حتى فائدة حتى دخل يوسف و خديجة كيجريو)
‎يوسف : (مشا لعندها كيجري و عنقها و شاف فنسرين) مالها ..؟!
‎نسرين : كنت كنهضر أنا وياها حتى قاتليا بلي هي سباب فموت عمي رشيد و هي لي قتلاتو
‎يوسف : (بعد من صفاء لي باقا كتبكي و كتنخسس) صفاء أش هاد الهضرة
‎صفاء : أنا لي قتلتو أ خويا بابا مشا بسبابي مشا مقلق مني هئ هئ
‎يوسف : (دايها على قد عقلها) صفاء نتي ماشي سباب راه الأعمار بيد الله ...الله بغا لواليد حيت هو شخص مزيان و داه عندو ...و حنا مخاصناهش نعارضوه ...و راك نتي دابا قلقتي باابا
‎صفاء : علااش أ خويا ؟!
‎يوسف : حيت كتبكي (مسح ليها دموعها) هاد دموع كيحرقوه فقبرو واش تبغيه يتأدى
‎صفاء : لاا
‎يوسف : إذن متبكيش و بقاي دعي معاه بالمغفرة تافقنا
‎صفاء :  (هزات راسها بأه أما البقية بقاو ݣالسين معاها مدة حتى رجعات نعسات عاد خرجو)
          •°•°•°•°•°•°•°
‎يتبع...✔️