طفولة مغتصبة (كاملة)

...

♣️طفولة مغتصبة♣️
‎ما ذنبي ؟!... 💔
‎الجزء : 23
              °•°•°•°•°•°•°•°•°•°•°•°•°
‎نهار جديد .....
‎فاقت صفاء و بزاااف الأفكار كيضربو ليها فراسها ....ناضت بشوية كتسلت من فراشها بدلات حوايجها و هزات شي فلوس كانو عندها فصندوقة ... و خرجات كتسلت بانت ليها ماماها و نسرين فالكوزينة طلات عليهم و دغيا تسلتات لبسات فرجليها و هبطات كتجري فدروج حلات باب الدار و خرجات كتجري بلا ما دور موراها ...
‎....داز الوقت كانت بعدات على الحومة بمسافة طويلة جاها جوع و مشات لحانوت شرات السقاطة عمرات بيها كرشها ...و كملات مشيها كانت غير غادا و ماعرفاش فين ... داز الوقت وقفات حدا واحد السناك كيبيع المأكولات السريعة ...دخلات خدات داكشي لي غيكفي بفلوسفها و خرجات مشات لواحد جردة قريبة ݣلسات فيها كتاكل و حاضيا الغادي و جاي و هي كتفكر بلي غادي يكونو عرفوها مكايناش ....بقات ݣالسة شحال حتى غربات شميسة عاد ناضت كتشوف فجنابها كان لبرد بدا كيتحرك ...و جردة لي كانت فيها بدات كتخوا ... ناضت و خرجات من جردة و بقات غير كتمشا و ماعارفاش فين تمشي ...غادا و كتفكر داكشي لي وقع ليها فاش كانت مخطوفة كانو أكفس يومين فحياتها ... تفكرات ضرب و المعاناة و الإغتصاب ...على ذكر الإغتصاب تفكرات حفيظ لي باقي مشدوهش و يقدر يكون حداها و لا غادي يجي يخطفها عاوتاني .... بزاااف ديال الأفكار كانو كيضربو ليها فراسها حتى وقفات و هي كتشوف راسها فواحد الزنقة خاوية لي ماعرفاتش كي وصلات ليها ...هزات كتافها بلا مبالاة و كملات طريقها ..
......
‎للحظة وقفات وهي كتشوف فهادوك شماكرية لي كانو واقفين فالقنت الحومة و مجمعين ...بدات كتحرك راسها بلا و كتبكي تفكرات هادوك لي كانو خاطفينها كيشبهو ليهم ...بقات راجعا بلور خطوة ..خطوة حتى تعكلات و طاحت لأرض و زادت فوتيرة البكاء ... حتى كتحس بشي واحد واقف موراها و مع دورات راسها ... حلات فمها بصدمة الصدمة ....

         •°•°•°•°•°•°•°•
‎يتبع ...✔️