طفولة مغتصبة (كاملة)

كل مر سيمر

‎♣️طفولة مغتصبة♣️
‎ما ذنبي ؟!... 💔
‎الجزء : 29
              °•°•°•°•°•°•°•°•°•°•°•°•°
‎دازو دقائق و هو باقي ݣالس و دموع كيطيحو من عينو بغزاارة مقادرش يحبسهم ..... يكفي ݣاع داك الوقت لي كان مخبيهم و مقوي راسو باش ميخرجهمش ....حس بشي نقيطات دالماء طاحو عليه ...هز راسو فالسماء لي بدااات كتغيم و بدات الشتاء كطيح ...
‎يوسف : (هاز راسو لسمااء و بإبتسامة دابلة قال) حتى نتي كتبكي معايا ...حتى نتي حاااسا بيااااا .... (ضرب جيهت قلبو)حاساااا بقلبي لي شاااعلة فيه العافية .....حاساااا بالنار لي شاعلة فيااااا و كتحرقني على المهل ... مبقيتش قادر نصبر .....عييت أسيدي ربي عييت ....(للحظة سكت و هو كيتفكر كل كلام خديجة لي كانت كتوصيه فيه فالصباح على صفاء و نسرين ...كان كيتذكر كل كلامها حرف بحرف ناض بسرعة من للأرض و زير على يديه و نطق) لاااا أ يوسف نوض ....خاصك تكون بختك و مرتك ....مخاصكش ضعااااف ....صبرتي و خاااصك تزيد تصبر ...داز عليك كثر من هاااكا صباااااار (مسح دموعو بالخف و مشا فإتجاه الدار)
          •°•°•°•°•°•°•
‎بعد ساعة .....كان متكي على نسرين بعدما عاود ليها أش طرا و هاد الأخيرة لي شحال بكاات و شحااال لامت فراسها حيت خلاتها تخرج ندمات و لكن الندم ماعندو باش يفيدها ...... كانت كدوز ليه على راسو بحنان و عينيها حمرين بلبكى مرة مرة كتزلق ليها دمعة و تمسحها بالخف...
‎نسرين : يوسف ..حبيبي مديرش فراسك كلشي غيتقاد خلي إيمانك بالله قوي ...
‎يوسف : عييت أ نسرين عييت فينما نقول غادي تقاد كتعواج من شي جيه ...
‎نسرين : قوي راسك أ يوسف ... كلشي غيدوز و غنوليو نتفكرو هاد ليام و نضحكو ... مديرش فراسك هاد الحالة عفااك راه قلبي ضارني من جيهتك (سكتات فاش شافت صفاء واقفة فالباب و عينيها عامرين دموع و على وجهها ملامح الصدمة ...نطقات نسرين بخفوت و صدمة) صفااء ...
‎يوسف : (كان مغمض عينيه ..منين سمع سميت صفاء ..حل عينيه و شاف فنسرين و دور و جهو باش يشوفها فين كاتشوف حتى الصدمة ألجمت لسااانو .... خاف بزاف لاتكون سمعااات هي أصلا نفسيتها مأزمة و غتزيد تأزم ... ناض بالزربة و توجه لعندها) صفااء ...
‎صفاء : (كتبكي و كتغوت) هئ هئ قتلااااتو ياااك هئ هئ ...مشاا بابا و دابا غادي تمشي حتى ماما ...هئ هئ قتلاااتو هئ هئ غادي يشدوها ياك أ خويا مغاديش نبقاااااا نشوفهااا ....هئ هئ بغيت مامااااااا مااامااا هئ هئ مبغيتهاش تمشي بحال بابا ..... دير شي حاجة أ خويااااا عفااااااك.... (يوسف حالتها ضراتو فقلبو ...عنقها عندو أما هي كانت غير كتبكي)
‎يوسف : تهدني أ ختي كل شيء غيكون بخير ....(تنهد شحال و نذق)كل شيء ...
          •°•°•°•°•°•°•
‎         « مَهْمَا كَانَ مُراً سَيَمُرُّ »
   •°•°•°•°•°•
‎يتبع ....✔️