طفولة مغتصبة (كاملة)

مرور زمني ..

♣️طفولة مغتصبة♣️
‎ما ذنبي ؟!...💔
‎الجزء : 10
              °•°•°•°•°•°•°•°•°•°•°•°•°
‎دازو أيام و شهور و صفاء تغيرات بزاااف ... شيء لي لاحظوه واليديها  ..مابقات تݣلس معاهم ولا تهضر معاهم ..الماكلة هي لخرة كيوكلوها غير بزز ... خوها كان دائما كايعيط باش يسول فيها ولكن كتهرب بحجة أنها عيانة و مافيها لي يهضر و حتى إلى هضرات معاه مكتفوتش سلام...و قرايتها أيضا لي ولات هاملاها .. مريم صديقتها لي كانت فمحاولة دائمة تهضر معاها و تضحكها و تخرجها من القوقعة لي حبسات راسها فيها ..ولكن كيكون الصمت جوابها الوحيد ... و أكيد الأستاذ حفيظ كان عندو يد فهادشي ... كانت فينما كدخل لعندو لحصة خاصو يبقا يتحرش بيها و يفكرها بلي واليديها هوما لخرين متاقوش بيها... شيء لي ولا كيثير قرف صفاء و كيعصبها ...كرهها ليه ولا كيزيد نهار على نهار ... شحال صداتو من مرة و لكن هو غير مكيزيد فأفعالو الشنيعة لدرجة واحد النهار مشات لحمام تغسل وجهها ...تبعها و بدا كيتقرب منها و باسها من فمها شيء لي خلاها ردات ݣاع داك شيء لي فكرشها .... حبها لقرايا كان كينقص نهار على نهار و نقطها لي كانو أعلى الدرجات ولاو نازلين بزااف ... ولات كتره القرايا و مايجي منها و بالخصوص مادة العربية ....
‎من بعد مدوزااات الموحاد و للأسف جابت 4.66 و سقطات ... واليديها  كانو عارفين بلي هادشي لي غادي يوقع حيت كانو ملاحظين تغيرها المفاجئ ... و قررو فالعطلة يدخلوها لسونطر اللغات ... باش تعلم و ماتضيعش بعدا العطلة غير هكاك .... داز الصيف و جات وقيتة القراية ...لي أكيد كانت كتمشي صفاء لمدراسة بزز حيت عوتاني غاتقرا عند نفس الأستاذ لي هو حفيظ ...كانت كتلقى الدعم الدائم من عند صديقتها مريم لي واخا نجحات باقا صداقتهم قوية ...دازت الدورة الأولى على خير و أكيد هاد المرة جابت نقطة متميزة ...حيت الأب ديالها دار ليها مراجعة فجميع المواد ... كانت بعد المرات كتعرض للمضايقات من عند الأستاذ و لكن كانت كتحدهم ليه حيت فاقت و عاقت و منين بدا العام الدراسي عمرها خلاتو يقيسها ...
           •°•°•°•°•°•°•°•
‎« لا شيء ...يعود كما كان إما الأفضل أم الأسوء ..! »
           •°•°•°•°•°•°•°•
‎يتبع...✓