طفولة مغتصبة (كاملة)

أين طفلتي ؟!

♣️طفولة مغتصبة♣️
‎ما ذنبي ؟!... 💔
‎الجزء : 15
              °•°•°•°•°•°•°•°•°•°•°•°•°
‎دازو سوايع عاد جا رشيد لي كان مسافر على وديت الخدمة فاش عيطات ليه خديجة شد طريق ديك ساعات ....عاودات ليه خديجة أ شنو وقع ...مشاو داك ساع لعند البوليس علموهم و قالو ليهم حتى دوز 24 ساعة .... منين خرجو مشاو كيقلبو فزناقي و هازين تصويرتها و كيقلبو حتى ناس الحومة ساقو الخبار و خرجو كيقلبو ...و لكن بلا حتى شي فائدة بحالا الأرض بلعاتها ...أما خديجة قلبها كيحرقها على بنتها لي معرفاش فين غاتكون و قربات تحماق بالبكاء .....
            •°•°•°•°•°•°•°•
‎ فواحد الدار كتبان بحالا مهجورة كيتسمع غير صوت نباح الكلاب خارجها و الباين أنها حدا شي غابة ...فأحد الغرف كانت صفاء ناعسة على واحد الكرطونة فالأرض و شعرها مخبل .... كانو جانبها ثلاتة ديال الدراري حالتهم حالة و حوايجهم مقطعين ...باينة فيهم شماكرية و هازين ميكات فيهم سيليسيون كيشمو فيهم ...
‎شمكار 1 : (هدرتو ثقيلة و معكلة وجه كلامو لصاحبو و هو كيشوف فصفاء )أ صاحبي .... شكون هادي
‎شمكار 2 : (حتى هو كثر منو)غاا واحد الهوتة ضبرت عليهااا
‎شمكار 3 : تا راه الدرية صغيرة أشمن هوتة تا جيب لينا بعدا غا الكبارات
‎شمكار 2 : كون كانو يقبلو علينا كون جبتهم هادي شحاااال أساط  ..نتبرعو و نبرعوهم ...
‎شمكار 1 : (ناض كيغوت و كيميل و يشالي بيديه) وااا صااحبي واش باغي تخرج علينا وا الدرية باقا لحيمة ..واش من نيتك أ ساط تقيسها تموت
‎شمكار 2 : وا غا هنينا أ صاحبي .. راه ماشي ديالنا ...
‎شمكار 3 و 1: و ديالمن ..
‎شمكار 2 : وااا حتااال غدا و تعرفو أ صاحبي ... أنا غا نعس منسمعش تزنزينة.. وااا حضيو ..

        •°•°•°•°•°•°•

‎ طلعات شميسة كتعلن على نهار جديد لي غادي يوقعو فيه حوايج كثيرة لي غادي يقلبو حياة صفاء و حتى عائلتها معاها
‎عند خديجة
‎كانت ݣالسة هي و رشيد فلكميسارية و خديجة حالتها حالة و رشيد شاد على راسو
‎خديجة : الله أ بنتي فين مشيتي هئ هئ
‎رشيد : (كيصبر راسو بزز قدامها) صافي أ خديجة دابا نلقاوها
‎خديجة : (كتغوت) فييين غانلقاوها فين بنتي من لبارح و هي غابرة و كتقول ليا صافي ..راك محاسش بيا قلبي كيتقطع علم الله حالتها كيدايرة الله ...
‎رشيد : تهدني أ خديجة ..راك غير كتزيدي على ما بيا ...صفاء بنتي حتى أنا و راني مخلوع عليها كثر منك و صاااابر
     •°•°•°•°•°•°•
‎يتبع ...✔️