طفولة مغتصبة (كاملة)

أ هذه نهايتي ؟! ..

♣️طفولة مغتصبة♣️
‎ما ذنبي ؟!...💔
‎الجزء : 13
              °•°•°•°•°•°•°•°•°•°•°•°•°
‎دخلات لدار لقات خديجة كتصايب لغذاء سلمات عليها مشات حطات شكارتها فبيتها غسلات يديها و وجهها و مشات تعاون خديجة ... سلاو و حطوا لغذاء ..تغذاو و هما كيهضرو و يتناقشو فمواضيع مختلفة ...سالاو و ناضو جمعو الطبلة ...مشات صفاء لبيتها بدلات كتوباتها و حوايجها هزات طابليتها و خرجات ...
‎صفاء : ماماااا ...هاني غادا
‎خديجة : (خاطرها ممهنيهاش) واسيري نيشان متلفتي لا هوك لا هوك و متهضري مع حد فطريق
‎صفاء : أويلي أ ماما مالني باقا صغيرة
‎خديجة : إيوا راك بنتي ...و من حقي نبهك و نخاف عليك
‎صفاء : راني عااارفة أماما ...يالاه دابا نخليك غنتعطل ..
‎خديجة : عندك المراجعة ليوم
‎صفاء : أااه ..
‎خديجة : أجي لدار بعدا عاد سيري ..ماتمشيش من المدراسة
‎صفاء : (و هي كتلبس سبرديلتها) كون هانيا ا ماما (باستها) يالاه باي (خرجات وخلات خديجة قلبها مقبوط بقات حاضياها حتى خرجات من الحومة عاد سدات باب الدار) الله يا ربي يكون معاها و يحميها ليا عوينة وحدة لي عندي أ سيدي ربي حفظها ليا (دخلات و هي مازال كتدعي و هي كتحس بالخنقة محساتش حتى بداو دموعها كيطيحو و ݣلسات على السداري فاشلة) الله يا ربي أش هادشي ...كنحس بشي حاجة غتوقع أ سيدي ربي (شدات جيهت قلبها)قلبي مقبوط عليا هئ هئ هئ هئ ...
     •°•°•°•°•°•°•
‎مشات صفاء لمدراسة دوزات الحصة ديال الفرنسية عادية و خرجات ...كانت غذا فطريق و ساهية كتفكر فكلام حفيظ ليها لي خلعها ... محسات حتى بداو دموعها كينزلو ... قطعات شانطي و هي غافلة على السيارة لي جاية فإتجاهها ... بدات كتسمع صوت الكلاكصون لي يفيقها من سهوتها دورات وجهها تشوف مصدر الصوت ..حتى جمدو عليها ركابيها و مقدراتش تزيد بصدمة ....... أخر حاجة تسمعات هي صرختها و صوت الكلاكسون لي جا من بعدهااا .....
    •°•°•°•°•°•°•°
‎يتبع ...✔️